Connect with us

Hi, what are you looking for?

LuduNwayOo

နိုင်ငံတကာ

ရုရှားနဲ့ ဆက်သွယ်ဆွေးနွေးမှုတွေ ရှိနေကြောင်း အမေရိကန် အတည်ပြု

ဒါပေမဲ့ အမေရိကန် အစိုးရက ကိုယ်ဆက်ဆံနေသူတွေဟာ ဘယ်လိုအမျိုးအစားလဲ ဆိုတာကိုတော့ စဉ်ဆက်မပြတ် မျက်စိဖွင့် နားစွင့်ထားမယ်လို့လည်း သူက ဆိုပါတယ်။

ရုရှားနဲ့ ဆက်သွယ်ဆွေးနွေးမှုတွေ ရှိနေကြောင်း အမေရိကန် အတည်ပြု
ရုရှားနဲ့ ဆက်သွယ်ဆွေးနွေးမှုတွေ ရှိနေကြောင်း အမေရိကန် အတည်ပြု

ရုရှားအစိုးရနဲ့ ဆက်သွယ်ဆွေးနွေးမှုတွေ ရှိခဲ့ကြောင်း အိမ်ဖြူတော်က အတည်ပြုခဲ့ပါတယ်။

အမေရိကန် အစိုးရရဲ့ အမျိုးသား လုံခြုံရေး အကြံပေး အရာရှိ ဂျိတ်ခ် ဆူလီဗန်က ဝါရှင်တန်နဲ့ မော်စကိုကြားမှာ ဆက်သွယ်ရေး လမ်းကြောင်းတွေ ရှိနေကြောင်း ဝန်ခံခဲ့ပါတယ်။ နယူးယောက်မှာ သတင်းထောက်တွေနဲ့ တွေ့ဆုံချိန်မှာ ဆူလီဗန်က အမေရိကန်ဟာ ရုရှားနဲ့ ဆက်ဆံရေး လမ်းကြောင်းတွေ ထိန်းသိမ်းထားဖို့ ဆန္ဒရှိတယ်လို့ ပြောပါတယ်။

ဒါပေမဲ့ အမေရိကန် အစိုးရက ကိုယ်ဆက်ဆံနေသူတွေဟာ ဘယ်လိုအမျိုးအစားလဲ ဆိုတာကိုတော့ စဉ်ဆက်မပြတ် မျက်စိဖွင့် နားစွင့်ထားမယ်လို့လည်း သူက ဆိုပါတယ်။

ဆူလီဗန်ဟာ ရုရှား လုံခြုံရေးကောင်စီ အတွင်းရေးမှူး နစ်ကိုလိုင် ပက်ထရူရှက်ဗ်ရယ်၊ ကရင်မလင်နန်းတော်ရဲ့ နိုင်ငံတကာ မူဝါဒရေးရာ အကြံပေး ယူရီ အူရှာကော့ဗ်ရယ်နဲ့ ဆွေးနွေးမှုတွေ ရှိခဲ့ကြောင်း အစောပိုင်းမှာ Wall Street ဂျာနယ်က ဖော်ပြခဲ့တဲ့နောက် ဆူလီဗန် ကိုယ်တိုင်က ဒီကိစ္စကို ထုတ်ဖော် အတည်ပြုခဲ့တာပါ။

အမေရိကန် အစိုးရနဲ့ နီးစပ်သူ တချို့က နှစ်နိုင်ငံ ထိပ်တန်း အရာရှိတွေဟာ ယူကရိန်း စစ်ပွဲကြောင့် နျူကလီးယား တင်းမာမှုတွေ မြင့်တက်လာနိုင်ခြေကို လျှော့ချဖို့ အဓိက ဆွေးနွေးကြပြီး စစ်ပွဲကို ရပ်တန့်ဖို့တော့ နည်းလမ်း ရှာမတွေ့ခဲ့ကြဘူးလို့ ပြောပါတယ်။

အမေရိကန်ဟာ ယူကရိန်း စစ်ပွဲကို အကြောင်းပြုပြီး ရုရှားကို ပြင်းထန်တဲ့ စီးပွားရေး ဒဏ်ခတ်ပိတ်ဆို့မှုတွေ သတ်မှတ် ကြေညာထားပေမယ့် ရုရှား အစိုးရကိုတော့ ချိတ်ဆက် ဆွေးနွေးပိုင်ခွင့် ရှိတယ်လို့ အိမ်ဖြူတော် ပြန်ကြားရေး အရာရှိ ကာရင်ဂျင်း ပီယေးက ဆိုပါတယ်။

ပြီးခဲ့တဲ့ သီတင်းပတ်ကလည်း အမေရိကန် အစိုးရဟာ ယူကရိန်း သမ္မတ ဗိုလိုဒီမာ ဇီလန်စကီးဆီ ဆက်သွယ်ပြီး ရုရှားမှာ သမ္မတ ဗလာဒီမာပူတင် တာဝန်ယူနေသ၍ စစ်ပွဲရပ်ဆိုင်းဖို့ မဆွေးနွေးဘူးလို့ တင်းခံနေတဲ့ သဘောထားကို ပြန်လည် သုံးသပ်ဖို့ တိုက်တွန်းခဲ့ကြောင်း သတင်းတွေ ထွက်ပေါ်ခဲ့ပါသေးတယ်။

You May Also Like

နိုင်ငံတကာ

M1A2တွေဟာ အရင်မျိုးဆက်ရဲ့ ဒီဇိုင်းဟောင်းကို အကြီးအကျယ် မွမ်းမံ ပြင်ဆင်မှုတွေ အားဖြည့်ထားတာဖြစ်ပြီး ပိုပြီး ပစ်အားပြင်းပြင်းနဲ့ ဝေးဝေးရောက်နိုင်တဲ့ အမြောက်၊ ကာကွယ်ရေး အစီအမံတွေနဲ့ တခြား ခေတ်မီ နည်းပညာတွေ ပေါင်းစပ်ထားလိုက်ပါတယ်။

နိုင်ငံတကာ

ယူကရိန်း စစ်တပ်ရဲ့ အဆိုအရ ရုရှားဟာ တစ်နေ့တည်းမှာတင် ပင်လယ်ပြင်နဲ့ ကုန်းတွင်းပိုင်းကနေ ယူကရိန်း နိုင်ငံအနှံ့ဆီ ဒုံးကျည် ၅၅ စင်း ပစ်ခတ်ခဲ့ကြောင်း၊ အဲဒီထဲမှာ ကိယက်ဗ် တဝိုက်ကို ဦးတည်တဲ့ အစင်း ၂၀ အပါအဝင် စုစုပေါင်း ဒုံးကျည် ၄၇ စင်းကို...

ဗီဒီယို

ရုရှားနိုင်ငံဆိုင်ရာ အမေရိကန် သံရုံးကတော့ အခုကိစ္စနဲ့ ပတ်သက်ပြီး အမေရိကန်ဟာ ရုရှားကို နောက်တစ်ကြိမ် ပေါ်ပေါ်ထင်ထင် ရန်စလိုက်တာ ဖြစ်တယ်လို့ စွပ်စွဲထားပါတယ်။

နိုင်ငံတကာ

နိုဝင်ဘာ ၁၈ နဲ့ ၁၉ ရက်က ရိုက်ကူးထားတယ်ဆိုတဲ့ ဓာတ်ပုံတွေမှာ မြောက်ကိုရီးယားက ပြန်ထွက်လာတဲ့ ရုရှား ရထားတွဲတွေဟာ ပခုံးထမ်း လောင်ချာနဲ့ ဒုံးကျည်တွေ တင်ဆောင်လာတာကို တွေ့ရပါတယ်။