Connect with us

Hi, what are you looking for?

LuduNwayOo

နိုင်ငံတကာ

ဘရာဇီး ကားလမ်းမပေါ် မြေပြိုလို့ ၂ ဦးသေပြီး အများအပြား ပျောက်ဆုံးနေ

ကယ်ဆယ်ရေးတွေဟာ ရွှံ့ချပ်တွေအောက်ကနေ လူ ၆ ဦးကိုတော့ အသက်ရှင်လျက် ကယ်ဆယ်နိုင်ခဲ့ပါတယ်။ အဲဒီထဲမှာ ကမ်းရိုးတန်း မြို့တစ်ခုဖြစ်တဲ့ ဂွာရာတူဘာရဲ့ မြို့တော်ဝန် ရောဘတ်တို ဂျီးဆက်စ်လည်း ပါဝင်ခဲ့ပါတယ်။

ဘရာဇီး ကားလမ်းမပေါ် မြေပြိုလို့ ၂ ဦးသေပြီး အများအပြား ပျောက်ဆုံးနေ
ဘရာဇီး ကားလမ်းမပေါ် မြေပြိုလို့ ၂ ဦးသေပြီး အများအပြား ပျောက်ဆုံးနေ

ဘရာဇီးနိုင်ငံမှာ ကားလမ်းတစ်ခုကို ကန့်လန့်ဖြတ်ပြီး မြေပြိုကျမှုတွေ ဖြစ်ပွားခဲ့တာကြောင့် လူ ၂ ဦးထက်မနည်း သေဆုံးပြီး ဒါဇင်နဲ့ချီ ပျောက်ဆုံးနေပါတယ်။

နိုဝင်ဘာ ၃၀ က ဘရာဇီးနိုင်ငံတောင်ပိုင်း၊ ပါရာနာ ပြည်နယ်ကို ဖြတ်သန်း ဖောက်လုပ်ထားတဲ့ BR-376 အဝေးပြေးလမ်းပိုင်း တစ်နေရာမှာ မြေပြိုမှု ဖြစ်ခဲ့တာပါ။ လမ်းပေါ်မှာ ကားတွေ ဥဒဟို သွားလာနေတုန်း ဘေးဖက် တောင်စောင်းက မြေသားတွေ ရုတ်တရက် ပဲ့ထွက်ပြီး ပြိုဆင်းခဲ့တာလို့ မျက်မြင်တွေက ပြောပါတယ်။

ဒေသတွင်းမှာ မိုးသည်းသည်းထန်ထန် ရွာသွန်းခဲ့မှုတွေကြောင့် အခုလို ရုတ်တရက် မြေပြိုမှု ဖြစ်ခဲ့တာပါ။ ကယ်ဆယ်ရေး အဖွဲ့တွေက ရုပ်အလောင်း ၂ ခုကို ရှာဖွေ တွေ့ရှိထားပေမယ့် ပျောက်ဆုံးနေသူ အရေအတွက်က ၃၀ ကနေ ၅၀ ကြားထိ ရှိနိုင်ကြောင်း ပြောပါတယ်။ စာရင်းပျောက်နေသူတွေအတွက် မျှော်လင့်ချက်ကလည်း သိပ်မရှိပါဘူး။

ကယ်ဆယ်ရေးတွေဟာ ရွှံ့ချပ်တွေအောက်ကနေ လူ ၆ ဦးကိုတော့ အသက်ရှင်လျက် ကယ်ဆယ်နိုင်ခဲ့ပါတယ်။ အဲဒီထဲမှာ ကမ်းရိုးတန်း မြို့တစ်ခုဖြစ်တဲ့ ဂွာရာတူဘာရဲ့ မြို့တော်ဝန် ရောဘတ်တို ဂျီးဆက်စ်လည်း ပါဝင်ခဲ့ပါတယ်။

ဂျီးဆက်စ်က သူကြုံတွေ့ခဲ့တာ ဆိုးရွားလွန်းကြောင်း၊ တောင်ကြီး တစ်ခုလုံး ရုတ်တရက် ပြိုကျလာသလို တွေ့လိုက်ရပြီး ကားတွေ အကုန် လွင့်ထွက်ကုန်ကြောင်း ပြောပါတယ်။

ပါရာနာမှာ လာမယ့် ရက်ပိုင်းအတွင်း မိုးများနေဦးမှာ ဖြစ်တာကြောင့် နောက်ထပ် မြေပြိုမှုတွေ ဖြစ်လာနိုင်တယ်လို့လည်း အာဏာပိုင်တွေက သတိပေး ထုတ်ပြန်ထားပါတယ်။

You May Also Like

သတင်း

ပျောက်ဆုံးနေသည့် ကလေးနှစ်ဦးအနက် တစ်ဦး၏ ရုပ်အလောင်းကို နေ့လည် ၁၂နာရီခွဲခန့်တွင် ရှာဖွေတွေ့ရှိခဲ့သောကြောင့် ဆားမလောက်မြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း ၎င်းက ဆိုသည်။

နိုင်ငံတကာ

ဘော်လ်ဆိုနာရိုဟာ လူလာရဲ့ သမ္မတသစ်အဖြစ် ကျမ်းသစ္စာ ကျိန်ဆိုတဲ့ အခမ်းအနားကို ရှောင်လွှဲဖို့ ပြီးခဲ့တဲ့ နှစ်ကုန်ပိုင်း ကတည်းက အမေရိကန်နိုင်ငံ၊ ဖလော်ရီဒါ ပြည်နယ်ကို ရောက်ရှိနေခဲ့ပြီး လက်ရှိ အချိန်ထိ ဘရာဇီးကို ပြန်မလာသေးဘူးလို့ သိရပါတယ်။

ဗီဒီယို

ဘရာစေလီယာမှာ ဖြစ်ပျက်ခဲ့တဲ့ ကိစ္စက ဘယ်လိုမှ လက်ခံနိုင်စရာ မရှိကြောင်း၊ ဒါဟာ နိုင်ငံရဲ့ ဒီမိုကရေစီအတွက် အိပ်မက်ဆိုး တစ်ခုဖြစ်ပြီး အဲဒီလို အဖျက်ကိစ္စတွေကို အစွမ်းကုန် တွန်းလှန် ကာကွယ်ရမှာဖြစ်ကြောင်း ဂေဘရီရယ်လ်လို့သာ နာမည်ဖော်ပြတဲ့ ဆန္ဒပြသူ တစ်ဦးက ပြောပါတယ်။

နိုင်ငံတကာ

ပြင်သစ် သမ္မတ အီမန်နျူရယ်လ် မာခရွန်ကလည်း ဘရာဇီး ပြည်သူတွေနဲ့ ဒီမိုကရေစီ စနစ်အပေါ် လေးစားမှုရှိဖို့ တောင်းဆိုခဲ့ပြီး လူလာကို အစွမ်းကုန် ထောက်ခံ အားပေးသွားမယ်လို့ ကတိပြုခဲ့ပါတယ်။