Connect with us

Hi, what are you looking for?

LuduNwayOo

နိုင်ငံတကာ

ဆန္ဒပြမှုတွေ အရှိန်မြင့်နေတဲ့ မြို့ကြီးတွေမှာ အရေးပေါ် အခြေအနေ ကြေညာချက်ကို ပီရူး အစိုးရ သက်တမ်းတိုး

မြို့တော် လီမာနဲ့ နိုင်ငံတောင်ပိုင်း ဒေသနှစ်ခုမှာ လတ်တလော ဖြစ်ပွားနေတဲ့ ဆန္ဒပြမှုတွေဟာ တောင်အမေရိက ဒေသတွင်း နိုင်ငံရဲ့ သမိုင်းမှာ နှစ်ပေါင်း ၂၀ အတွင်း အဆိုးရွားဆုံး ဆူပူ အကြမ်းဖက်မှုတွေကို ပေါ်ပေါက်လာစေခဲ့ပါတယ်။

ဆန္ဒပြမှုတွေ အရှိန်မြင့်နေတဲ့ မြို့ကြီးတွေမှာ အရေးပေါ် အခြေအနေ ကြေညာချက်ကို ပီရူး အစိုးရ သက်တမ်းတိုး
ဆန္ဒပြမှုတွေ အရှိန်မြင့်နေတဲ့ မြို့ကြီးတွေမှာ အရေးပေါ် အခြေအနေ ကြေညာချက်ကို ပီရူး အစိုးရ သက်တမ်းတိုး

ပီရူးနိုင်ငံမှာ အစိုးရ ဆန့်ကျင်ကြေး ဆန္ဒပြပွဲတွေ ကြမ်းတမ်း ပြင်းထန်နေတဲ့ မြို့ကြီးတချို့မှာ အရေးပေါ် အခြေအနေ ကြေညာချက်တွေကို သက်တမ်း တိုးမြှင့်လိုက်ပါတယ်။

မြို့တော် လီမာနဲ့ နိုင်ငံတောင်ပိုင်း ဒေသနှစ်ခုမှာ လတ်တလော ဖြစ်ပွားနေတဲ့ ဆန္ဒပြမှုတွေဟာ တောင်အမေရိက ဒေသတွင်း နိုင်ငံရဲ့ သမိုင်းမှာ နှစ်ပေါင်း ၂၀ အတွင်း အဆိုးရွားဆုံး ဆူပူ အကြမ်းဖက်မှုတွေကို ပေါ်ပေါက်လာစေခဲ့ပါတယ်။

ပီရူးမှာ လွှတ်တော်ကို ဖျက်သိမ်းဖို့ ကြိုးစားခဲ့သူ သမ္မတဟောင်း ပက်ဒရို ကက်စတီလိုကို အာဏာသိမ်းဖို့ ကြံစည်မှုနဲ့ လွှတ်တော်က စွပ်စွဲ ဖယ်ရှားလိုက်တဲ့ ဒီဇင်ဘာ လလယ်မှာ အရေးပေါ် အခြေအနေ ကြေညာခဲ့ဖူးပါတယ်။ အဲဒီနောက် ဒီနာ ဘိုလူရက်တီက နိုင်ငံရဲ့ ပထမဆုံး အမျိုးသမီး သမ္မတ ဖြစ်လာခဲ့ပြီး ကက်စတီလိုကို ထောက်ခံသူတွေရဲ့ ဆန္ဒပြမှုတွေနဲ့ ကြုံခဲ့ရပါတယ်။

အခုအခါ အရေးပေါ် အခြေအနေ တစ်လ ကြေညာမှုက သက်တမ်း ကုန်သွားပြီ ဖြစ်တဲ့အတွက် သမ္မတ ဘိုလူရက်တီရဲ့ အမိန့်နဲ့ သက်တမ်း ထပ်တိုးခဲ့ရတာပါ။ ပီရူးနဲ့ တခြားမြို့ကြီးတွေမှာ လက်ရှိ အစိုးရကို ဆန့်ကျင်ပြီး ဘိုလူရက်တီ နုတ်ထွက်ပေးဖို့ ဆန္ဒပြမှုတွေ ပြင်းပြင်းထန်ထန် ဆက်လက် ဖြစ်ပွားနေသလို အကျဉ်းချ ခံနေရတဲ့ သမ္မတဟောင်းကို လွှတ်ပေးဖို့လည်း တောင်းဆိုနေကြပါတယ်။

ဆန္ဒပြမှု တချို့ဟာ မင်းမဲ့စရိုက်ဆန်ဆန် ကြမ်းတမ်းတဲ့ အနေအထားတွေထိ ရောက်ကုန်တာကြောင့် လက်ရှိ အချိန်ထိ လူပေါင်း ၄၀ ကျော်လောက် သေကြေခဲ့ပြီး ဖြစ်တယ်လို့ ဆိုပါတယ်။ အရေးပေါ် အခြေအနေ ကြေညာထားတဲ့ အတောအတွင်း သမ္မတက ရဲတပ်ဖွဲ့ကို လူစုလူဝေး မဖြစ်အောင် တားဆီးခွင့်၊ ညမထွက်ရအမိန့် ထုတ်ပြန်ခွင့် အာဏာတွေ အပ်နှင်းထားပေမယ့် ဆန္ဒပြသူတွေက ဖီဆန်ပြီး လူစုလူဝေးတွေ ဆက်လက် လုပ်ဆောင်နေပါတယ်။

ဆန္ဒပြသူ တစ်ဦးက ကက်စတီလိုရဲ့ ဒုတိယ သမ္မတ တာဝန်ယူခဲ့ဖူးသူ ဘိုလူရက်တီဟာ အတိုက်အခံတွေနဲ့ ပေါင်းပြီး အာဏာလုခဲ့တဲ့ သစ္စာမဲ့သူ အခွင့်အရေးသမားလို့ စွပ်စွဲကြပါတယ်။ ပီရူးပြည်သူ အများစုဟာ စည်းမဲ့ကမ်းမဲ့ ဆန္ဒပြတာတွေကို သဘောမတူပေမယ့် ဘိုလူရက်တီရဲ့ အစိုးရကိုလည်း မနှစ်မြို့ပါဘူး။

ဒီဇင်ဘာလတုန်းက ကောက်ယူတဲ့ လူထုအမြင် စစ်တမ်းတစ်ခုမှာ ဘိုလူရက်တီကို မလိုလားကြောင်း မဲပေးသူ ၆၈ ရာခိုင်နှုန်း ရှိခဲ့ရာက အခုအခါ ၇၁ ရာခိုင်နှုန်းထိ မြင့်တက်လာပါတယ်။ ပြည်တွင်းမှာ အုံကြွ ဆန္ဒပြမှုတွေ ဖြစ်ပေါ်နေပေမယ့် သမ္မတ ဘိုလူရက်တီကတော့ သူဟာ ရာထူးက နုတ်ထွက်မှာ မဟုတ်ဘူးလို့ အခိုင်အမာ ပြောကြားထားပါတယ်။

You May Also Like

သတင်း

ဇန်နဝါရီ ၂၃ ရက်နေ့ရက်စွဲဖြင့် အတည်ပြုထုတ်ပြန်ခဲ့သော အွန်လိုင်းအခြေပြု ပြည်သူ့ပညာရေးကျောင်းများတွင် ဖက်ဒရယ်ပညာရေးကျောင်းပေါင်း (၃၃)ကျောင်းပါဝင်သည်။

သတင်း

ပန်ဂျိုင်တန်ရဲ့ မှတ်ချက် စကားနဲ့ ပတ်သက်လို့ စစ်ကောင်စီ ပြောရေးဆိုခွင့်ရ အရာရှိ ဇော်မင်းထွန်းကို Bloomberg သတင်းဌာနက ဆက်သွယ် မေးမြန်းပေမယ့် ဘာတုံ့ပြန် မှတ်ချက်မှ မပေးခဲ့ပါဘူး။

သတင်း

ဇန်နဝါရီ ၁၅ရက်က စစ်ကောင်စီက ဦးစီးကျင်းပသည့် ကယားပြည်နယ်နေ့ အခမ်းအနားတိုက် ခိုက်ခံရပြီးနောက် စစ်ကောင်စီက လက်နက်ကြီးဖြင့် လွိုင်ကော်မြို့နှင့် နီးစပ်ရာများသို့ ပစ်ခတ်ခဲ့သည်။

သတင်း

စစ်ကောင်စီရဲ့ လေယာဉ်တွေဟာ မကြာသေးခင် လပိုင်းတွေအတွင်း ဘင်္ဂလားဒေ့ရှ်နဲ့ ထိုင်းနိုင်ငံတွေရဲ့ လေပိုင်နက်တွေကိုလည်း ကျူးကျော်ခဲ့သေးတယ်လို့ လူ့အခွင့်အရေး အဖွဲ့တွေက ထုတ်ပြန်ထားပါတယ်။