Connect with us

Hi, what are you looking for?

LuduNwayOo

နိုင်ငံတကာ

ယူကရိန်းဆီက အမေရိကန်နဲ့ ဂျာမန်လုပ် သံချပ်ကာယာဉ်တွေ၊ တင့်ကားတွေ ဖျက်ဆီးနိုင်ခဲ့ကြောင်း ရုရှားကြွေးကြော်

ယူကရိန်းကတော့ ကာလရှည်ကြာ ထင်ကြေးပေး စောင့်ကြည့် ခံနေရတဲ့ တန်ပြန်ထိုးစစ်ကြီး စတင်နေပြီဆိုတဲ့ နိုင်ငံတကာ မီဒီယာတွေရဲ့ ဖော်ပြချက်တွေကို အတိအလင်း ဝန်ခံတာ၊ ငြင်းဆန်တာ ဘာမှ မရှိဘဲ နှုတ်ဆိတ်နေဆဲ ဖြစ်ပါတယ်။

ယူကရိန်းဆီက အမေရိကန်နဲ့ ဂျာမန်လုပ် သံချပ်ကာယာဉ်တွေ၊ တင့်ကားတွေ ဖျက်ဆီးနိုင်ခဲ့ကြောင်း ရုရှားကြွေးကြော်
ယူကရိန်းဆီက အမေရိကန်နဲ့ ဂျာမန်လုပ် သံချပ်ကာယာဉ်တွေ၊ တင့်ကားတွေ ဖျက်ဆီးနိုင်ခဲ့ကြောင်း ရုရှားကြွေးကြော်

စစ်မြေပြင်မှာ ယူကရိန်းက ပွဲဦးထွက် အသုံးပြုလာတဲ့ အမေရိကန်နဲ့ ဂျာမနီလုပ် သံချပ်ကာယာဉ်တွေ၊ တင့်ကားတွေကို ဖျက်ဆီး ပစ်နိုင်ခဲ့ကြောင်း ရုရှားစစ်တပ်က ကြွေးကြော်ခဲ့ပါတယ်။

အခုသီတင်းပတ်ထဲမှာ ယူကရိန်း တပ်တွေဟာ နိုင်ငံ အရှေ့ပိုင်းက ရုရှား ထိန်းချုပ်ထားရာ နယ်မြေတွေဆီ ချီတက်လာပြီး ရုရှားရဲ့ ခံစစ်စည်းတွေကို ထိုးဖောက် တိုက်ခိုက်ဖို့ ကြိုးစားခဲ့ပါတယ်။ ယူကရိန်းက အနောက်နိုင်ငံလုပ် ခေတ်မီ စစ်ရေး ယန္တရားတွေကိုပါ အလုံးအရင်း အသုံးပြုခဲ့ပေမယ့် ရုရှားရဲ့ ခံစစ်ကြောင့် တပ်လန်သွားခဲ့သလို ၄၈ နာရီအတွင်း ယူကရိန်းရဲ့ Leopard 2 တင့်ကား ၇ စီးထက်မနည်းနဲ့ Bradley သံချပ်ကာယာဉ် အနည်းဆုံး ၅ စီးကို ဖျက်ဆီးလိုက်နိုင်ကြောင်း ရုရှားက ကြွေးကြော်ခဲ့ပါတယ်။

အစောပိုင်းမှာ အမေရိကန် အစိုးရ အရာရှိ တချို့ကလည်း ယူကရိန်းဆီ လွှဲပြောင်းပေးထားတဲ့ Bradley သံချပ်ကာယာဉ်တချို့ ဆုံးရှုံးမှုကို အတည်ပြုထားခဲ့ပါတယ်။ ဒါပေမဲ့ အခုလို အစမကောင်းသေးတာဟာ ရန်သူ့ ခံစစ်ကို အကဲစမ်းနေတဲ့ ယူကရိန်းရဲ့ ကနဦး စစ်ဆင်ရေးတွေသာဖြစ်ပြီး လပေါင်းများစွာ ကြိုတင် ပြင်ဆင်ထားတဲ့ တန်ပြန်ထိုးစစ်ကြီးနဲ့ ပတ်သက်လို့တော့ ထိခိုက်မှု ရှိလာမှာ မဟုတ်ဘူးလို့ အမေရိကန်က မှတ်ချက် ပေးပါတယ်။

ယူကရိန်း သမ္မတ ဗိုလိုဒီမာ ဇီလန်စကီးက သူ့တပ်တွေဟာ ကာကွယ်ရေးရော၊ တန်ပြန်ထိုးစစ်ပါ သဘောသဘာဝ မတူညီတဲ့ စစ်ဆင်ရေးတွေကို ဆင်နွှဲနေခဲ့ကြောင်း အတည်ပြုခဲ့ပါတယ်။

Public Service Announcement

Public Service Announcement

ယူကရိန်းဟာ အနောက်ဥရောပ မဟာမိတ် နိုင်ငံတွေက ဝိုင်းဝန်း ထောက်ပံ့ပေးခဲ့ကြပြီး ကမ္ဘာပေါ်မှာ ခေတ်အမီဆုံး စာရင်းဝင် တိုက်ပွဲဝင် တင့်ကား အမျိုးအစား တစ်ခုလို့ သတ်မှတ်နိုင်တဲ့ ဂျာမန်လုပ် Leopard 2တွေကို စစ်မြေပြင်မှာ ပထမဆုံးအကြိမ် ထုတ်သုံးလာတာလို့ ယုံကြည်ရပါတယ်။ ပြီးတော့ အမေရိကန် စစ်တပ်ရဲ့ စွယ်စုံရ Bradley သံချပ်ကာ ယာဉ်တွေကိုပါ တန်ပြန်ထိုးစစ်ရဲ့ ကနဦး အဆင့်တွေမှာ အသုံးပြုခဲ့တာဖြစ်ပြီး ထိခိုက် ဆုံးရှုံးမှုတွေ ကြုံတွေ့ခဲ့တာပါ။

ရုရှား ကာကွယ်ရေး ဝန်ကြီးဌာနကတော့ ယူကရိန်းရဲ့ တန်ပြန်ထိုးစစ်ဟာ အဖွင့်မှာတင် ရလဒ်ဆိုးနေပြီလို့ လှောင်ပြောင်ခဲ့ပါတယ်။ ဒါ့အပြင် ယူကရိန်း တပ်တွေဟာ တစ်ပတ်အတွင်း ဦးတည်ရာ သုံးနေရာခွဲပြီး အကြိမ်ပေါင်း တစ်ဒါဇင်လောက် ထိုးစစ်ဆင်ခဲ့ပေမယ့် စစ်ရေးအရာ ဘာမှ ထိထိရောက်ရောက် အသာစီး မယူနိုင်ခဲ့တဲ့အပြင် သံချပ်ကာ တပ်ရင်းတစ်ခုက အတော်လေး ချိနဲ့သွားအောင် တိုက်ခိုက် ဖျက်ဆီးတာ ခံလိုက်ရတယ်လို့လည်း ရုရှားက ပြောပါတယ်။

ယူကရိန်းကတော့ ကာလရှည်ကြာ ထင်ကြေးပေး စောင့်ကြည့် ခံနေရတဲ့ တန်ပြန်ထိုးစစ်ကြီး စတင်နေပြီဆိုတဲ့ နိုင်ငံတကာ မီဒီယာတွေရဲ့ ဖော်ပြချက်တွေကို အတိအလင်း ဝန်ခံတာ၊ ငြင်းဆန်တာ ဘာမှ မရှိဘဲ နှုတ်ဆိတ်နေဆဲ ဖြစ်ပါတယ်။

ဆက်စပ်သတင်းများ

နိုင်ငံတကာ

ခရွတ်စ်ခ်ဟာ ထရမ့်ကိုယ်စားပြုတဲ့ ရီပတ်ဘလစ်ကန် ပါတီကို ထောက်ခံသူ တစ်ဦးအဖြစ် မဲစာရင်း ပေးထားပေမယ့်လည်း သူ့ရဲ့ နိုင်ငံရေး အမြင်ရှုထောင့်တွေကို ဘယ်တုန်းကမှ ထုတ်ဖော်ဆွေးနွေးတာမျိုး မရှိခဲ့ဘူးလို့ နီးစပ်သူတွေက ပြောကြားထားပါတယ်။

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

နိုင်ငံတကာ

၂၀၂၂ ခုနှစ်မှာ ရုရှားက အိမ်နီးချင်း ယူကရိန်းကို ကျူးကျော်စစ် စတင်ဆင်နွှဲခဲ့ချိန် ကတည်းက NATO အဖွဲ့ဝင် ဥရောပ နိုင်ငံတွေဟာ ကာကွယ်ရေး အစီအမံတွေကို အပူတပြင်း တိုးမြှင့်နေခဲ့ကြပါတယ်။

နိုင်ငံတကာ

ဘိုင်ဒန်ဟာ ဝါရှင်တန်ကို ရောက်လာတဲ့ တခြားအဖွဲ့ဝင် ၃၁ နိုင်ငံ ခေါင်းဆောင်တွေကို တစ်ဦးချင်း ကြိုဆိုနှုတ်ဆက်ခဲ့ပြီး ညီလာခံ အဖွင့်နေ့မှာပဲ ယူကရိန်းအတွက် F-16 တိုက်လေယာဉ်တွေ ထောက်ပံ့မယ့် ကိစ္စကို ဘိုင်ဒန်က အတည်ပြု ကြေညာခဲ့တာ ဖြစ်ပါတယ်။