Connect with us

Hi, what are you looking for?

LuduNwayOo

နိုင်ငံတကာ

ကနေဒါမှာ လေဆိပ်သုံးယာဉ် မီးလောင်မှုကနေ ခရီးသည် လေယာဉ်ကိုပါ မီးကူးစက်မှုဖြစ်ပွား

မီးလောင်မှုမှာ ထိခိုက်ခဲ့တဲ့ လေယာဉ်ကို လတ်တလောမှာ ပျံသန်း ပြေးဆွဲမှု ရပ်ဆိုင်းထားပြီး ပြင်ဆင် မွမ်းမံမှုတွေ လုပ်ဆောင်သွားမယ်လို့ ကနေဒါ လေကြောင်းလိုင်းက ကြေညာထားပါတယ်။

ကနေဒါမှာ လေဆိပ်သုံးယာဉ် မီးလောင်မှုကနေ ခရီးသည် လေယာဉ်ကိုပါ မီးကူးစက်မှုဖြစ်ပွား
ကနေဒါမှာ လေဆိပ်သုံးယာဉ် မီးလောင်မှုကနေ ခရီးသည် လေယာဉ်ကိုပါ မီးကူးစက်မှုဖြစ်ပွား

ကနေဒါ နိုင်ငံမှာ လေဆိပ်သုံး ယာဉ်တစ်စီး မီးလောင်ရာက ကနေဒါ လေကြောင်းလိုင်းပိုင်း ခရီးသည်တင် လေယာဉ်ရဲ့ ကိုယ်ထည်ကိုပါ မီးသင့်ခဲ့ကြောင်း သိရပါတယ်။

ကနေဒါ လေကြောင်းရဲ့ Boeing 777-300 အမျိုးအစား လေယာဉ်ဟာ မွန်ထရယ်လ်မှာရှိတဲ့ ထရူဒူလေဆိပ်မှာ ရပ်နားထားတဲ့အချိန် လေယာဉ်ရဲ့ အောက်မှာ ရှိနေတဲ့ ထရပ်ကားက မီးလောင်ကျွမ်းခဲ့တာပါ။ ဇူလိုင် ၉ ရက်က မီးလောင်မှုကြောင့် ထရပ်ကား တစ်စီးလုံး ပြာကျ ပျက်စီးသွားခဲ့သလို လေယာဉ်ကိုယ်ထည် နောက်ပိုင်းကိုပါ မီးဟပ်ပြီး ထိခိုက်ပျက်စီးမှုတွေ ဖြစ်ပေါ်ခဲ့ပါတယ်။

အခုဖြစ်စဉ်မှာ ထိခိုက်သေဆုံးသူ မရှိဘူးလို့ သတင်းတွေက ဖော်ပြခဲ့ပေမယ့် တစ်ဖက်မှာလည်း မြေပြင် အခြေစိုက် လေဆိပ် ဝန်ဆောင်မှု ဝန်ထမ်း တစ်ဦးဟာ အပြင်းအထန် ဒဏ်ရာရပြီး ဆေးရုံမှာ ကွယ်လွန်သွားခဲ့တယ်ဆိုတဲ့ ကောလာဟလတွေ ထွက်ပေါ်နေပါတယ်။

မီးလောင်ခဲ့တဲ့ ထရပ်ကားဟာ လေဆိပ်ထဲမှာ ရေသန့်ပို့ဆောင်ပေးနေကျ ယာဉ်တစ်စီးဖြစ်ပြီး ဘာကြောင့် မီးလောင်မှု ဖြစ်ခဲ့သလဲ ဆိုတာကိုတော့ တိတိကျကျ မသိရသေးပါဘူး။ အခင်းဖြစ်ချိန်က လေယာဉ်ဟာ ဆွစ်ဇာလန်ကနေ ဆိုက်ရောက်ကာစဖြစ်ပြီး လေယာဉ်ပေါ်က မဆင်းရသေးတဲ့ ခရီးသည်တွေကို အဆောတလျင် ရွှေ့ပြောင်းပေးခဲ့ရပါတယ်။

Public Service Announcement

Public Service Announcement

မီးလောင်မှုမှာ ထိခိုက်ခဲ့တဲ့ လေယာဉ်ကို လတ်တလောမှာ ပျံသန်း ပြေးဆွဲမှု ရပ်ဆိုင်းထားပြီး ပြင်ဆင် မွမ်းမံမှုတွေ လုပ်ဆောင်သွားမယ်လို့ ကနေဒါ လေကြောင်းလိုင်းက ကြေညာထားပါတယ်။

မကြာသေးခင်ကလည်း မွန်ထရယ်မှာရှိတဲ့ လေဆိပ်တစ်ခုမှာ ခရီးဆောင် အိတ်တွေကို စီစဉ်ပေးရတဲ့ ဝန်ထမ်းတစ်ဦးဟာ စက်ယန္တရားထဲမှာ အိတ်တစ်လုံး ညပ်နေတဲ့ ပြဿနာကို ဖြေရှင်းဖို့ ကြိုးစားရင်း မတော်တဆဖြစ်ပြီး သေဆုံးခဲ့ကြောင်း သိရပါတယ်။

ဆက်စပ်သတင်းများ

နိုင်ငံတကာ

အမိုးပြိုကျချိန်မှာ ကား ၄ စီးက ဆိုးဆိုးရွားရွား ပျက်စီးသွားခဲ့ပြီး ဒဏ်ရာရသူ ၈ ဦးရဲ့ အခြေအနေကတော့ စိုးရိမ်စရာ မရှိဘူးလို့ သိရပါတယ်။

နိုင်ငံတကာ

အင်ဒိုနီးရှားဟာ ပစိဖိတ် မီးကွင်းလို့ ခေါ်ဆိုတဲ့ ရေအောက် မီးတောင် ရပ်ဝန်းနဲ့ ဆက်စပ်တည်ရှိနေပြီး ကမ္ဘာပေါ်မှာ အသက်ဝင်နေဆဲ မီးတောင် အများဆုံး ပိုင်ဆိုင်ထားတဲ့ နိုင်ငံတစ်ခုလည်း ဖြစ်ပါတယ်။

နိုင်ငံတကာ

အမေရိကန်ရဲ့ နယူးယောက်ပြည်နယ် အုပ်ချုပ်ရေးမှူး ကေသီ ဟိုချူးလ်က လက်ရှိ အချိန်ထိ စုံစမ်းသိရှိထားသမျှ အချက်အလက်တွေအရ ဒီဖြစ်စဉ်ဟာ အကြမ်းဖက်မှု တခုခုနဲ့ ဆက်စပ်တာမျိုး မရှိဘူးလို့ သတင်းထောက်တွေကို ပြောပါတယ်။

သတင်း

ကလေးမြို့လေဆိပ်တွင် နိုဝင်ဘာ ၂၁ရက်(ယမန့်နေ့) နံနက် ၆နာရီခန့်က ပေါက်ကွဲဖြစ်ပွားခဲ့ပြီးနောက် စစ်​ကောင်စီကလေဆိပ်ကို ရက်အကန့်အသတ်မရှိ ပိတ်ပင်လိုက်ခြင်းဖြစ်သည်။