Connect with us

Hi, what are you looking for?

LuduNwayOo

နိုင်ငံတကာ

ဂါဇာမှာ လူသားချင်း စာနာမှု ထောက်ပံ့ရေး လမ်းကြောင်းတွေ ပိုဖွင့်ပေးဖို့ အစ္စရေးကို ICJ ညွှန်ကြား

ICJဟာ နိုင်ငံတကာရေးရာ အငြင်းပွားမှုတွေမှာ ကြားဝင်ပြီး အဆုံးအဖြတ် ပေးနိုင်ပေမယ့်လည်း အဲဒီ စီရင်ချက်ကို အကောင်အထည် ဖော်ဖို့အတွက်တော့ အာဏာမရှိပါဘူး။

ဂါဇာမှာ လူသားချင်း စာနာမှု ထောက်ပံ့ရေး လမ်းကြောင်းတွေ ပိုဖွင့်ပေးဖို့ အစ္စရေးကို ICJ ညွှန်ကြား
ဂါဇာမှာ လူသားချင်း စာနာမှု ထောက်ပံ့ရေး လမ်းကြောင်းတွေ ပိုဖွင့်ပေးဖို့ အစ္စရေးကို ICJ ညွှန်ကြား

ဂါဇာမှာ လူသားချင်း စာနာမှု လမ်းကြောင်းတွေကို အစ္စရေးက ပိုမို ဖွင့်လှစ်ပေးဖို့ ကုလသမဂ္ဂရဲ့ အဆင့်အမြင့်ဆုံး တရားရုံးက ညွှန်ကြားလိုက်ပါတယ်။

အပြည်ပြည်ဆိုင်ရာ တရားရုံး (ICJ)က ဂါဇာမှာ ငတ်မွတ်ခေါင်းပါးမှု ကပ်ဘေးရဲ့ ခြိမ်းခြောက်မှုကြီး လက်တွေ့ကျကျ ကြုံတွေ့လာချိန်မှာ လူသားချင်း စာနာမှု အထောက်အပံ့တွေနဲ့ တခြား အခြေခံ အကူအညီတွေ ပေးပို့နိုင်ရေးအတွက် အစ္စရေးက အနှောင့်အနှေးမရှိ ဆောင်ရွက်သင့်တယ်လို့ မတ်လ ၂၈ ရက်မှာ ကြေညာခဲ့ပါတယ်။

ICJရဲ့ တရားသူကြီး အားလုံးက ဂါဇာမှာ အစ္စရေး ပိတ်ဆို့ထားတဲ့ လမ်းကြောင်းတွေ ပြန်လည် ဖွင့်လှစ်ပေးရေး အဆိုကို ထောက်ခံ မဲပေး ဆန္ဒပြုခဲ့ကြပါတယ်။ ICJက ဂါဇာမှာ လာမယ့် သီတင်းပတ်တွေအတွင်း အငတ်ဘေး ကျရောက်လာနိုင်တယ်ဆိုတဲ့ နိုင်ငံတကာ အဖွဲ့အစည်းတွေရဲ့ သတိပေးချက်တွေကိုလည်း ကိုးကားပြခဲ့ပါတယ်။

အစ္စရေးကတော့ အဲဒီသုံးသပ် သတိပေးချက်တွေကို ငြင်းပယ်ပြီး အခြေအမြစ် မရှိတဲ့ စွပ်စွဲချက်တွေသာ ဖြစ်တယ်လို့ တုံ့ပြန်ခဲ့ပါတယ်။

Public Service Announcement

Public Service Announcement

အစ္စရေးဟာ ဂါဇာမှာ လူမျိုးသုဉ်း သတ်ဖြတ်မှုတွေ ကျူးလွန်နေတယ်ဆိုတဲ့ တောင်အာဖရိကရဲ့ စွပ်စွဲချက်ကိုလည်း ICJမှာ ခုခံ ရင်ဆိုင်နေပြီး ဘယ်လို အမှားအယွင်းမှ ကျူးလွန်မထားကြောင်း ပြောပါတယ်။

အခုနောက်ဆုံး ICJ ညွှန်ကြားချက်ကလည်း ဂါဇာမှာ လူသားချင်း စာနာမှု အထောက်အပံ့ပေးရေး ဆိုင်ရာ အရေးပေါ် လိုအပ်ချက်တွေကို ပိုမို အာရုံစိုက်သင့်ကြောင်း တောင်အာဖရိကရဲ့ တင်ပြမှုအပေါ် အခြေပြုထားတာ ဖြစ်ပါတယ်။

ICJဟာ နိုင်ငံတကာရေးရာ အငြင်းပွားမှုတွေမှာ ကြားဝင်ပြီး အဆုံးအဖြတ် ပေးနိုင်ပေမယ့်လည်း အဲဒီ စီရင်ချက်ကို အကောင်အထည် ဖော်ဖို့အတွက်တော့ အာဏာမရှိပါဘူး။

ဂါဇာမှာ နိုင်ငံတချို့ ပူးပေါင်းပြီး ရေလမ်းကြောင်းနဲ့၊ ပြီးတော့ လေယာဉ်တွေကနေ လေထီးနဲ့ ကြဲချတဲ့ နည်းလမ်းတွေနဲ့ ဒေသခံ ပါလက်စတိုင်းတွေဆီ ရိက္ခာတွေ ပို့ဆောင်တာတွေ ရှိနေပါတယ်။ ဒါပေမဲ့လည်း ကုန်းလမ်းကနေ ထောက်ပံ့ရေး ပစ္စည်းတွေ အလုံးအရင်း တင်ပို့တာလောက်တော့ မထိရောက်နိုင်သလို တခြား အကန့်အသတ်တွေလည်း ရှိနေတယ်လို့ ဆိုပါတယ်။

ပြီးခဲ့တဲ့ သီတင်းပတ်တုန်းက ကမ္ဘာ့စားနပ်ရိက္ခာ အစီအစဉ် (WFP) လက်အောက်ခံ အဖွဲ့အစည်း တစ်ခုက ထုတ်ပြန်တဲ့ အစီရင်ခံစာမှာ ဂါဇာလူဦးရေ ၂.၂ သန်းလုံးဟာ စားနပ်ရိက္ခာ ဖူလုံမှု ထိခိုက်တဲ့ ပြဿနာကို လက်တွေ့ကျကျ ရင်ဆိုင်ရမယ့် အခြေအနေမျိုး ကြုံနေကြောင်း ဖော်ပြထားပါတယ်။

ကိုးကား: BBC⁩

ဆက်စပ်သတင်းများ

နိုင်ငံတကာ

ဟန်နီရာဟာ ဟားမားစ်ရဲ့ စကားပြော တင်းမာ ပြတ်သားသူ ခေါင်းဆောင်တစ်ဦးအဖြစ် လူသိများပါတယ်။ နိုဝင်ဘာလတုန်းကလည်း ဂါဇာမှာ ရှိနေတဲ့ သူ့ရဲ့ မိသားစု နေအိမ်ဟာ အစ္စရေး လေကြောင်း တိုက်ခိုက်မှု တစ်ခုကြောင့် ပျက်စီးခဲ့ပါတယ်။

နိုင်ငံတကာ

ဂါဇာမှာ လူမျိုးသုဉ်း သတ်ဖြတ်မှုတွေ ဖန်တီးခဲ့တယ်ဆိုတဲ့ ဘာအထောက်အထားမှ မတွေ့ရဘူးလို့ အော်စတင်က အမေရိကန် အထက်လွှတ်တော်၊ လက်နက်ကိုင် တပ်ဖွဲ့များဆိုင်ရာ ကော်မတီရဲ့ ကြားနာမှု အစီအစဉ်မှာ အော်စတင်က ပြောကြားသွားပါတယ်။

နိုင်ငံတကာ

လက်ရှိမှာတော့ အစ္စရေးရဲ့ တိုက်ခိုက်မှုနဲ့ ပတ်သက်ပြီး အမေရိကန် အပါအဝင် အနောက်မဟာမိတ် နိုင်ငံတွေက အပြင်းအထန် ရှုတ်ချပြီး ဖြေရှင်းချက်ပေးဖို့ ဖိအားပေး တောင်းဆိုနေတယ်လို့လည်း သိရပါတယ်။

နိုင်ငံတကာ

F-15အသစ်တွေ မှာယူမယ့် ကိစ္စကတော့ အဆုံးသတ်မှာ ချောမွေ့ အဆင်ပြေသွားလိမ့်မယ်လို့ ခန့်မှန်းရပေမယ့် တစ်ဖက်မှာလည်း အစ္စရေးက လေယာဉ်တွေ မြန်နိုင်သမျှ မြန်မြန် ပို့ဆောင်ပေးဖို့ အမေရိကန်ကို တောင်းဆိုထားကြောင်း သိရပါတယ်။