Connect with us

Hi, what are you looking for?

LuduNwayOo

နိုင်ငံတကာ

ရုရှားစစ်တပ်ထဲ ဆွဲသွင်းခံရတဲ့ နိုင်ငံသားနှစ်ဦး ယူကရိန်းမှာ တိုက်ပွဲကျခဲ့တယ်လို့ အိန္ဒိယ ထုတ်ပြန်

ရုရှားစစ်တပ်ထဲမှာ အမှုထမ်းရင်း အိန္ဒိယ နိုင်ငံသားနှစ်ဦးဟာ ယူကရိန်း ပဋိပက္ခမှာ သေဆုံးသွားတယ်ဆိုတဲ့ သတင်းအတွက် ဝမ်းနည်းမိကြောင်း အိန္ဒိယ နိုင်ငံခြားရေး ဝန်ကြီးဌာနက ထုတ်ပြန်ပါတယ်။

ရုရှားစစ်တပ်ထဲ ဆွဲသွင်းခံရတဲ့ နိုင်ငံသားနှစ်ဦး ယူကရိန်းမှာ တိုက်ပွဲကျခဲ့တယ်လို့ အိန္ဒိယ ထုတ်ပြန်
ရုရှားစစ်တပ်ထဲ ဆွဲသွင်းခံရတဲ့ နိုင်ငံသားနှစ်ဦး ယူကရိန်းမှာ တိုက်ပွဲကျခဲ့တယ်လို့ အိန္ဒိယ ထုတ်ပြန်

ယူကရိန်း စစ်ပွဲမှာ ပါဝင် တိုက်ခိုက်ဖို့ ရုရှားစစ်တပ်ထဲ ဆွဲသွင်းခံရတဲ့ နိုင်ငံသားနှစ်ဦး သေဆုံးသွားကြောင်း အိန္ဒိယ အစိုးရက အတည်ပြုခဲ့ပါတယ်။

အိန္ဒိယ နိုင်ငံခြားရေး ဝန်ကြီးဌာနက အဲဒီ အိန္ဒိယ စစ်သား နှစ်ယောက်ရဲ့ ရုပ်အလောင်းတွေကို ပြန်လည် ပို့ဆောင်ပေးဖို့ ရုရှား အာဏာပိုင်တွေကို တောင်းဆိုထားပါတယ်။ ဒါ့အပြင် ရုရှားစစ်တပ်ထဲမှာ ပါဝင်တိုက်ခိုက်နေရတဲ့ အိန္ဒိယ နိုင်ငံသား အားလုံးကို ပြန်လွှတ်ပေးဖို့လည်း မေတ္တာရပ်ခံခဲ့ပါတယ်။

အိန္ဒိယ၊ နီပေါနဲ့ သီရိလင်္ကာ အစိုးရတွေက သူတို့ရဲ့ နိုင်ငံသားတွေဟာ ယူကရိန်း ပဋိပက္ခမှာ နှစ်ဖက်စလုံးကနေ အကြောင်းအမျိုးမျိုးနဲ့ ပါဝင် တိုက်ခိုက်နေကြရကြောင်း ပြောကြားထားပါတယ်။ အဲဒီထဲမှာ လူကုန်ကူးသူတွေက လစာကောင်းတဲ့ အလုပ်အကိုင် စီစဉ်ပေးမယ်လို့ မက်လုံးပေးပြီး ရုရှားရဲ့ တပ်သားသစ် စုဆောင်းရေး ယူနစ်တွေဆီ ပို့ဆောင်တာ ခံခဲ့ရသူတွေလည်း ပါဝင်ပါတယ်။

လတ်တလော အိန္ဒိယဖက်က ကြေညာချက်အပေါ် ရုရှားက ဘာတုံ့ပြန်မှတ်ချက်ပေးမှုမှ မရှိသေးပါဘူး။

Public Service Announcement

Public Service Announcement

သတင်းရင်းမြစ်တွေရဲ့ အဆိုအရ ရုရှားဟာ စစ်မှုထမ်းဖို့အတွက် အိန္ဒိယ နိုင်ငံသား ဒါဇင် အတော်များများကို ငွေကြေး၊ ဒါမှမဟုတ် ရုရှားပတ်စ်ပို့တ်တွေ ရရှိစေမယ်လို့ မက်လုံးပေးပြီး ခေါ်ယူတာတွေ ရှိနေတယ်လို့ သိရပါတယ်။ တချို့ကတော့ ဆန္ဒနဲ့ ဆန့်ကျင်ပြီး ရှေ့တန်း တိုက်ခိုက်ရေး တာဝန်တွေဆီ အတင်းအကျပ် ပို့ဆောင် ခံရပါတယ်။ တချို့ကလည်း အကျိုးအမြတ်ကို မျှော်လင့်ပြီး ကိုယ်ပိုင် သဘောဆန္ဒနဲ့ ရုရှားတပ်ထဲ ဝင်ကြတာပါ။

ရုရှားစစ်တပ်ထဲမှာ အမှုထမ်းရင်း အိန္ဒိယ နိုင်ငံသားနှစ်ဦးဟာ ယူကရိန်း ပဋိပက္ခမှာ သေဆုံးသွားတယ်ဆိုတဲ့ သတင်းအတွက် ဝမ်းနည်းမိကြောင်း အိန္ဒိယ နိုင်ငံခြားရေး ဝန်ကြီးဌာနက ထုတ်ပြန်ပါတယ်။ ဒါပေမဲ့ သေဆုံးသူတွေရဲ့ နာမည်တွေကိုတော့ မဖော်ပြခဲ့ပါဘူး။

အိန္ဒိယဟာ ရုရှားနဲ့ ရင်းနှီးတဲ့ ဆက်ဆံရေးကို ဆက်လက် ထိန်းသိမ်းထားတဲ့ နိုင်ငံတစ်ခုဖြစ်ပြီး အခုလိုမျိုး နိုင်ငံသားတွေကို ရုရှားစစ်တပ်ကနေ ပြန်ခွင့်ပြုဖို့ တောင်းဆိုနေတဲ့တိုင် ယူကရိန်းကို ရုရှားက ကျူးကျော်ခဲ့တဲ့ စစ်ပွဲနဲ့ ပတ်သက်ပြီး အတိအလင်း မရှုတ်ချတဲ့ နိုင်ငံ အနည်းအကျဉ်းထဲမှာ ပါဝင်ခဲ့ပါတယ်။ အဲဒီအစား အိန္ဒိယဟာ အပစ်အခတ် ရပ်စဲရေး ဆွေးနွေးဖို့ကိုသာ အစဉ်တစိုက် တိုက်တွန်း တောင်းဆိုနေခဲ့ပါတယ်။

မကြာသေးခင်က နီပေါနဲ့ သီရိလင်္ကာ အစိုးရတွေကလည်း နိုင်ငံသားတွေ အနေနဲ့ လူကုန်ကူးသမားတွေရဲ့ အယုံသွင်း လိမ်လည်မှုတွေကို နားယောင်ပြီး စစ်ပွဲထဲ ဆွဲသွင်းခံရတဲ့ အခြေအနေမျိုး မဖြစ်အောင် ရှောင်ကြဉ်ကြဖို့ သတိပေး နှိုးဆော်ထားပါတယ်။ နှစ်နိုင်ငံ အာဏာပိုင်တွေရဲ့ အသီးသီး ထုတ်ပြန်ချက်တွေအရ ရုရှား-ယူကရိန်း စစ်ပွဲအတွင်း ပါဝင်တိုက်ခိုက်ရင်း အနည်းဆုံး နီပေါ နိုင်ငံသား ၂၀ နဲ့ သီရိလင်္ကာ နိုင်ငံသား ၁၆ ဦးတို့ သေဆုံးခဲ့ပြီးဖြစ်ကြောင်း သိရပါတယ်။

ကိုးကာ: BBC⁩

ဆက်စပ်သတင်းများ

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

လွိုင်ကော်မြို့​ပေါ်ရှိ မိုင်းလုံး (၁၁)ထပ်တိုက်၊ GTC ကျောင်း၊ နန့်ဘော်ဝမ်ရပ်ကွက် နှင့် နောင်ယားရပ်ကွက်တို့တွင် စစ်ကောင်စီက တပ်စွဲထားသည်။

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

နိုင်ငံတကာ

ဘိုင်ဒန်ဟာ ဝါရှင်တန်ကို ရောက်လာတဲ့ တခြားအဖွဲ့ဝင် ၃၁ နိုင်ငံ ခေါင်းဆောင်တွေကို တစ်ဦးချင်း ကြိုဆိုနှုတ်ဆက်ခဲ့ပြီး ညီလာခံ အဖွင့်နေ့မှာပဲ ယူကရိန်းအတွက် F-16 တိုက်လေယာဉ်တွေ ထောက်ပံ့မယ့် ကိစ္စကို ဘိုင်ဒန်က အတည်ပြု ကြေညာခဲ့တာ ဖြစ်ပါတယ်။