တယ်လီဂရမ်တည်ထောင်သူ ပြင်သစ်လေဆိပ်မှာ ဖမ်းခံရ

တယ်လီဂရမ် လူမှုကွန်ရက် တည်ထောင်သူ ရုရှားနိုင်ငံဖွား ပါဗဲလ်ဒူးရို့ဗ် ကို မနေ့ (သြဂုတ် ၂၄) ညနေပိုင်းက ပြင်သစ်နိုင်ငံ ပါရီမြို့ မြောက်ဘက် လေဆိပ်မှာ ပြင်သစ်ရဲတပ်ဖွဲ့က ဖမ်းဆီးလိုက်ပါတယ်။

အသက် ၃၉ နှစ်အရွယ် ပါဗဲလ်ဒူးရို့ဗ်ဟာကိုယ်ပိုင်ဂျက်လေယာဉ်နဲ့ လေဆိပ်ကို ရောက်ရောက်ချင်းမှာပဲ ဖမ်းခံလိုက်ရတာလို့ ပြင်သစ်မီဒီယာတွေက သတင်းဖော်ပြပါတယ်။

တယ်လီဂရမ် လူမှုကွန်ရက်နဲ့ဆက်စပ်ကာ ဖမ်းဝရမ်းနဲ့ ဖမ်းခံရတာဖြစ်ပြီး ပြင်သစ်မှာရှိတဲ့ ရုရှားသံရုံးကတော့ အခြေအနေတွေကို ရှင်းရှင်းလင်းလင်းသိရဖို့ ကြိုးပမ်းနေတယ်လို့ ရှရှားသတင်းဌာန TASS က ဆိုပါတယ်။

Public Service Announcement

တယ်လီဂရမ် လူမှုကွန်ရက်ဟာ ရုရှား ၊ ယူကရိန်းနဲ့ ယခင် ဆိုဗီယက်ပြည်ထောင်စုအဖွဲ့ဝင်ဟောင်းနိုင်ငံတွေမှာ လူသုံးများကြတာပါ။

၂၀၁၄ ခုနှစ်မှာ ရုရှားအာဏာပိုင်တွေက တယ်လီဂရမ်သုံးစွဲသူတွေရဲ့ ကိုယ်ရေးအချက်အလက်တွေ ပေးဖို့တောင်းဆိုတာကို ငြင်းဆိုခဲ့ပြီးနောက် ပါဗဲလ်ဒူးရို့ဗ် ဟာ ရုရှားက နေထွက်ခွာလာခဲ့ပြီး ယူအေအီး နိုင်ငံ ၊ဒူဘိုင်းမှာ တယ်လီဂရမ် ရုံးချုပ်ကိုပြောင်းရွှေ့ဖွင့်ခဲ့တာပါ။

ကိုးကား – BBC