မတ်-၁၄၊၂၀၂၆။People’s Spring
မြန်မာနိုင်ငံမှာ စစ်တပ်ကစနစ်တကျ လူ့အခွင့်အရေး ချိုးဖောက်မှုတွေ ကျူးလွန်နေတဲ့အပေါ် ကုလသမဂ္ဂမှာ အီတလီနိုင်ငံက ရှုတ်ချသွားခဲ့ပါတယ်။
ဆွစ်ဇာလန်နိုင်ငံ၊ ဂျနီဗာမြို့မှာ မတ်လ ၁၃ ရက်နေ့ကပြုလုပ်ခဲ့တဲ့ကုလသမဂ္ဂလူ့အခွင့်အရေးကောင်စီ အစည်းအဝေးမှာ အီတလီအစိုးရရဲ့ ကုလသမဂ္ဂဆိုင်ရာ အမြဲတမ်း မစ်ရှင် ကိုယ်စားလှယ်က အဲဒီ သဘောထားကို ပြသသွားခဲ့တာ ဖြစ်ပါတယ်။
မြန်မာနိုင်ငံမှာ လူ့အခွင့်အရေး ချိုးဖောက်မှုတွေကို စနစ်တကျ လုပ်ဆောင်နေတာနဲ့ ပတ်သက်လို့ အ
လေးအနက် စိုးရိမ်ကြောင်း အီတလီရဲ့ အမြဲတမ်း သံအရာရှိက ပြောပါတယ်။
Public Service Announcement
ဒါ့အပြင် ရိုဟင်ဂျာတွေနဲ့ လူနည်းစု တိုင်းရင်းသား မျိုးနွယ်စုတွေအပေါ် ညှင်းပန်းနှိပ်စက်တာ၊ နိုင်
ငံရေး အတိုက်အခံ ပြုမှုတွေကို ခွဲခြားဖိနှိပ်တာနဲ့ ရန်လိုတိုက်ခိုက်နေတာတွေကို ရှုတ်ချကြောင်းလည်း အီတလီက ထုတ်ပြန်ခဲ့ပါတယ်။
အာဏာသိမ်း စစ်တပ်အနေနဲ့ ရန်လို ကြမ်းတမ်းတဲ့ လုပ်ရပ်မှန်သမျှကို အဆုံးသတ်ပေးဖို့၊ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့အပါအဝင်နိုင်ငံရေး အကျဉ်း
သားတွေ အားလုံးကို လွှတ်ပေးဖို့လည်း အီတလီက တောင်းဆိုခဲ့ပါတယ်။
မြန်မာနိုင်ငံအနှံ့ လူသားချင်း စာနာမှု အကူအညီတွေ အပြည့်အဝနဲ့ အဟန့်အတားမရှိ ရောက်ရှိနိုင်ရေး၊ ပဋိပက္ခနဲ့ ဆက်နွှယ်တဲ့ အစုအဖွဲ့ အသီးသီးက အရပ်သားပြည်သူတွေအပေါ် အကာအကွယ်ပေးရေး၊ နိုင်ငံတကာ ဥပဒေတွေနဲ့ လူ့အခွင့်အရေး စံနှုန်းတွေကို လေးစားလိုက်နာကြရေးလည်း အီတလီက တိုက်တွန်းသွားပါတယ်။
ကိုးကား-ANSA
