Connect with us

Hi, what are you looking for?

သတင်း

ပုလောမြို့နယ်၊ ပင်လယ်ပြင်အတွင်း စစ်ရှောင် ၁၀၀ခန့် လိုက်ပါလာသော စက်လှေ နစ်မြုပ်ပြီး အများစု ‌ပျောက်ဆုံးနေ

တနင်္သာရီတိုင်း၊ ပုလောမြို့နယ်၊ ကျောက္ကာရွာအနီး ပင်လယ်ပြင်တွင် စစ်ဘေးရှောင်ပြည်သူ ၁၀၀ ခန့်လိုက်ပါလာသည့် စက်လှေတစ်စီး နစ်မြုပ်ပြီး အများစုပျောက်ဆုံးနေဆဲဖြစ်ကြောင်း ​ဒေသခံအချို့က ပြောသည်။

လူအေး/People’s Spring

တနင်္သာရီတိုင်း၊ ပုလောမြို့နယ်၊ ကျောက္ကာရွာအနီး ပင်လယ်ပြင်တွင် စစ်ဘေးရှောင်ပြည်သူ ၁၀၀ ခန့်လိုက်ပါလာသည့် စက်လှေတစ်စီး နစ်မြုပ်ပြီး အများစုပျောက်ဆုံးနေဆဲဖြစ်ကြောင်း ​ဒေသခံအချို့က ပြောသည်။

ကင်းမွန်ငါးဖမ်းမီးထွန်းလှေသည် ကျောက္ကာရွာအနီး ပင်လယ်ပြင်တွင် အောက်တိုဘာ ၂၀ ရက်နေ့ ည ၉ နာရီခန့်က နစ်မြုပ်ခဲ့ခြင်းဖြစ်ကြောင်း ဒေသခံအချို့က ​ပြောသည်။

Public Service Announcement

Public Service Announcement

“စစ်ကောင်စီရဲ့ လေကြောင်းရန်ကိုကြောက်လို့ ပြေးသူတွေရော၊ ကျောင်းတက်ဖို့ လိုက်သွားတဲ့ ကျောင်းသားတွေရော ပါသွားတာပါ။ ၁၀၀ လောက်ရှိတယ်တောင် ကြားနေရပါတယ်။ တခါတခါ သွားရဖို့လည်း မလွယ်တော့ စုပြုံတက်ရင်း ဖြစ်တာ” ဟု ပုလောမြို့ခံတစ်ဦးကပြောသည်။

အရပ်ဘက်အဖွဲ့များပါသည့် ကယ်ဆယ်ရေး‌အဖွဲ့များနှင့် ဒေသခံများက ရှာဖွေကယ်ဆယ်ရေးလုပ်နေသော်လည်း စစ်ကောင်စီလေကြောင်းရန်ကို ကြောက်နေရ၍ မထိရောက်ကြောင်း ​ဒေသခံအချို့ကပြောသည်။

ပုလောမြို့နယ်တွင် ယခုရက်ပိုင်း တိုက်ပွဲပြင်းထန်နေပြီး စစ်ကောင်စီက လေကြောင်းတိုက်ခိုက်မှုများမကြာခဏ ပြုလုပ်​နေသည်။ စစ်လှေပေါ်၌ လိုက်ပါလာသူများသည် မြို့နယ်အတွင်း ရွာများမှ စစ်ဘေးရှောင်ရန် ကြိုးစားကြသူများဖြစ်ကြောင်း သိရသည်။

ယနေ့(အောက်တိုဘာလ ၂၁ရက်)နံနက်အထိ ၂၀ ဦးခန့်သာ ကယ်ဆယ်ထားနိုင်ပြီး ၈၀ခန့်ပျောက်ဆုံးနေကြောင်း ဒေသခံအချို့က ပြောသည်။

ပုလောမြို့နယ်အပါအဝင် တနင်္သာရီတိုင်းအတွင်း ယခုရက်ပိုင်းမိုးရွာနေသလိုပင်လယ်၌လည်း မိုးသက်လေပြင်းကျနေသည်ဟု သတင်းရရှိသည်။

ဆက်စပ်သတင်းများ

သတင်း

တနင်္သာရီတိုင်း သရက်ချောင်းမြို့နယ်နဲ့ ပုလောမြို့နယ်တွေက ကျေးရွာတွေကို အာဏာသိမ်းစစ်တပ်က ဒရုန်း၊ လက်နက်ကြီးတွေနဲ့တိုက်ခိုက်မှုဆက်လက်ပြုလုပ်ခဲ့လို့ အရပ်သား ပြည်သူတွေ ဒဏ်ရာရတာ နေအိမ်တွေပျက်စီးတာ ရှိခဲ့ကြောင်း ကရင်အမျိုးသားအစည်းအရုံး(KNU) မြိတ်ထားဝယ်ခရိုင် တပ်မဟာ(၄)က သတင်းထုတ်ပြန်ပါတယ်။

သတင်း

ဒေသခံတွေ ရေဘေးအပြင် စစ်ဘေးကြုံနေ၊ စစ်တပ် လက်နက်ကြီးနဲ့ပစ်လို့ ခရစ်ယာန်ဘုရားကျောင်းပျက်စီး

သတင်း

လက်နက်မျိုးစုံ ၅ လက်နဲ့ခဲယမ်း​တွေသိမ်းရ

သတင်း

တနင်္သာရီတိုင်း၊ပုလောမြို့နယ် တောင်ယာကမ်းကျေးရွာက စစ်ကောင်စီတပ် စခန်းအပါအဝင် မြို့နယ်အတွင်းရှိ တပ်စွဲရာနေရာ၄ခုကို တပြိုင်တည်းတိုက်ခိုက်ခဲ့ကြောင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၄) အထူးတပ်ဖွဲ့က သတင်းထုတ်ပြန်ပါတယ်။

Facebook