Connect with us

Hi, what are you looking for?

သတင်း

ရှမ်း – ကရင်နီပြည်နယ်စပ်တွင် တိုက်ပွဲပြင်းထန်နေ

ရှမ်း – ကရင်နီပြည်နယ်စပ် ပင်လောင်းမြို့နှင့် ဖယ်ခုံမြို့နယ်ကြားတွင် တိုက်ပွဲပြင်းထန်နေပြီး စစ်ကောင်စီက လေကြောင်းပစ်ကူ နေ့စဥ်ပြုလုပ်ပေးနေသည်ဟု ဒေသခံစစ်ရေးသတင်းရင်းမြစ်အချို့က ပြောသည်။

ဖယ်ခုံနှင့် မိုးဗြဲမြို့နယ်တို့တွင် တိုက်ပွဲဝင်နေသော ပြည်သူ့ကာကွယ်ရေးတပ်ဖွဲ့ဝင်များကို တွေ့ရစဥ်။ ဓာတ်ပုံ - ကိုပြည့်

ရဲခေါင်/People’s Spring

ရှမ်း – ကရင်နီပြည်နယ်စပ် ပင်လောင်းမြို့နှင့် ဖယ်ခုံမြို့နယ်ကြားတွင် တိုက်ပွဲပြင်းထန်နေပြီး စစ်ကောင်စီက လေကြောင်းပစ်ကူ နေ့စဥ်ပြုလုပ်ပေးနေသည်ဟု ဒေသခံစစ်ရေးသတင်းရင်းမြစ်အချို့က ပြောသည်။

စစ်ကောင်စီတပ်နှင့် ပအိုဝ်းပြည်သူ့စစ် PNO ပူးပေါင်းထားသော စစ်ကြောင်းသုံးခုသည် စက်တင်ဘာ ဒုတိယပတ်ကစ၍ ကရင်နီတပ်ပေါင်းစုထိန်းချုပ်ထားသည့် ဖယ်ခုံမြို့ဘက်သို့စစ်ကြောင်း ထိုးနေသည်မှာ တစ်လကျော်ကြာမြင့်နေပြီး နေ့စဥ်နီးပါး ထိတွေ့မှုရှိသည်ဟု ဆိုသည်။

Public Service Announcement

Public Service Announcement

“ပင်လောင်းရဲ့ တောင်ဘက်၊ဖယ်ခုံရဲ့ အနောက်ဘက်ခြမ်း မိုင်းဖြတ်၊ ဆောင်လန် နဲ့ နောင်ဝှိး ရွာတွေမှာ တိုက်ပွဲ ဖြစ်နေတယ်။အခုရက်ပိုင်း စကစဘက်က လေယာဥ်ပစ်ကူယူပြီးမှ စစ်ဆက်ထိုးတာပေါ့။နောက် ပြီး အရှေ့ကနေ ကျားထိုးတက်ခိုင်းတဲ့ PNOတွေ သေတာတွေများတာလည်းပါတယ်”ဟု ဖယ်ခုံမြို့ခံတစ်ဦးက လူထုနွေဦးသို့ ပြောသည်။

ပင်လောင်းမြို့မှ စစ်ကြောင်းထိုးလာသည့် စစ်ကောင်စီတပ်ဖွဲ့များကို ခုခံစစ်လုပ်နေရကြောင်းလည်း ကရင်နီအမျိုးသားများကာကွယ်ရေးတပ်(KNDF)ဥက္ကဌ ခွန်ဘီးထူးက မကြာသေးမီရက်ပိုင်း၌ ပြုလုပ်ခဲ့သော တပ်ရင်း(၉)၏ ဒရုန်း ကမ်ပိန်းအစီအစဥ်တွင် အသိပေးထားသည်။

“ဖယ်ခုံက စစ်​ရေးအရရော၊လမ်းပိုင်းဆိုင်ရာ ဆက်သွယ်ရေးအရပါ ကရင်နီတပ်ပေါင်းစု အတွက် အရေးကြီးသလို စကစဘက်ကလည်း နေပြည်တော် ထိမခြိမ်းခြောက်နိုင်အောင် တံခါးပေါက်အစကိုပိတ်ဖို့ အပြင်းအထန် ထိုးစစ်ဆင်နေတာလို့ ပြောရင်မမှားဘူး။သိရသလောက်သတင်းတွေအရ အရေးသာဖို့ ကိုယ်စီကြိုးစားနေကြတယ်”ဟု ကရင်နီစစ်ရေးသတင်းရင်းမြစ်က ပြောသည်။

ပင်လောင်းမြို့နယ်အစပ်တိုက်ပွဲအတွင်း ပအိုဝ်းပြည်သူ့စစ် PNO ၏ ပြည်သူ့စစ်အဖြစ်စုဆောင်းခံရသည့် ပအိုဝ်းလူငယ်များသေဆုံးနေရကြောင်းလည်း ပအိုဝ်းသတင်းရင်း မြစ်က ဆိုသည်။

“လက်နက်ကောင်း မတပ်ဆင်နိုင်ပဲနဲ့ ရှေ့တန်းတက်ခိုင်းတယ်။စကစ ပေးတဲ့လက်နက်က မကောင်းမှန်းသိသိကြီးနဲ့ လူငယ်ကို ရှေ့တန်းထွက်ခိုင်းတယ်။ လူအင်အားများပေမယ့် ကိုယ့်ဘက်အကျနည်းဖို့က အဓိကလေ။အခုဟာက ပစ်မရတဲ့ သေနတ်ပေး၊ နောက်​က လက်နက်ကြီးပစ်ကူရုံလောက်နဲ့ မရဘူးလေ။ရှေ့တန်းက လူငယ်တွေ ဘာကျည်ကာမှမပါဘူး။ကျသွားတဲ့ လူငယ်တွေ မနည်းဘူး။သေသွားတဲ့ လူငယ်ပြန်ရှင်အောင် လုပ်မရတော့ဘူး”ဟု ၎င်းက ပြောသည်။

လက်ရှိ ကရင်နီပြည်နှင့် ရှမ်းပြည်နယ်တောင်ပိုင်း နယ်စပ်ကြားတိုက်ပွဲအတွင်း နှစ်ဖက်ထိခိုက်မှုရှိပြီး မြေပြင်တိုက်ပွဲအခြေအနေကိုမူ သက်ဆိုင်ရာတပ်ဖွဲ့များက ထုတ်ပြန်ခြင်းမရှိသေးပေ။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရှမ်းတောင်ပိုင်းနဲ့ ကရင်နီပြည်ဒေသအစပ်က မိုးဗြဲမြို့မှာ တိုက်ပွဲတွေ ဆက်ပြင်းထန်နေပြီး အထိနာနေတဲ့ စစ်တပ်က လေကြောင်းတိုက်ခိုက်မှုတွေ လုပ်နေတယ်လို့ ဒေသခံစစ်ရေးသတင်းရင်းမြစ်တချို့က ပြောပါတယ်။

Facebook