အမျိုးသားညီညွှတ်ရေးအစိုးရ (NUG) နဲ့မဆက်သွယ်ဖို့ အာဆီယံ အထူးကိုယ်စားလှယ်ကို စစ်ကောင်စီက သတိပေးလိုက်တယ်လို့ ဂျပန်သတင်းဌာန NHK က သတင်းဖော်ပြထားပါတယ်။
NHK ဟာ အာဆီယံ အထူးကိုယ်စားလှယ်ရဲ့အစီရင်ခံစာတစ်စောင်ကို ရရှိထားတာလည်းဖြစ်ပါတယ်။
အဲဒီအစီရင်ခံစာထဲမှာ စစ်ကောင်စီက အကြမ်းဖက်အဖြစ် ကြေညာထားတဲ့ NUG အပါအဝင် တခြားသော အဖွဲ့တွေကို ဆက်သွယ်တာတွေမလုပ်ဖို့ သတိပေးခံရတဲ့အကြောင်း အာဆီယံအထူးကိုယ်စားလှယ်က ဆိုထားပါတယ်။
ဒီအစီရင်ခံဟာ လာမယ့်ရက်ပိုင်းမှာ ကျင်းပမယ့်အာဆီယံထိပ်သီးအစည်းအဝေးမတိုင်ခင်ထွက်ပေါ်လာတဲ့အစီရင်ခံစာလည်းဖြစ်ပါတယ်။
Public Service Announcement
အာဆီယံအထူးကိုယ်စားလှယ်ဟာ မြန်မာ့အရေးကိုကြားဝင်ဖြေရှင်းပေးရာမှာ အဓိကကျတဲ့ သမ္မတ ဦးဝင်းမြင့်၊ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ နဲ့တွေ့ဆုံခွင့်ပြုဖို့စစ်ကောင်စီကို တောင်းဆိုပေမယ့် ငြင်းပယ်ခြင်းခံထားရပါတယ်။
