စစ်ကိုင်းတိုင်း၊ မြောင်မြို့နယ်တွင် အကြမ်းဖက်စစ်ကောင်စီတပ်အား ဒေသခံ မဟာမိတ်၈ဖွဲ့ ပူးပေါင်းစစ်ဆင်ရေးအဖြစ် မိုင်းခွဲတိုက်ခိုက်ခဲ့ရာ သုံးပွင့်ဗိုလ်နှင့်စစ်သား ၁၅ ဦးခန့်သေဆုံးကြောင်း မဟာမိတ်အဖွဲ့များက သတင်းထုတ်ပြန်သည်။
ယမန်နေ့ အောက်တိုဘာလ ၂၃ ရက် မွန်းလွဲ ၁၂ နာရီ ၄၅ မိနစ် အချိန်က မြောင်မြို့ပေါ်
မှကျေးရွာများသို့ သွားလာနေသည့် အကြမ်းဖက်စစ်ကောင်စီကားများအပြန် လမ်းခုလပ်တစ်နေရာတွင် မိုင်းခွဲတိုက်ခိုက်ခဲ့ခြင်းဖြစ်ပြီးထိုတိုက်ခိုက်မှုတွင် မိုင်း (၆) လုံးကွဲပြီး စစ်ကောင်စီအသုံးပြုလာသည့် ဆယ့်နှစ်ဘီးကား(၁)စီးနှင့်ကားအသေး (၁)စီး ပက်လက်လန်သည့်အပြင် မီးလောင်သွားကြောင်း၊ ထိုဖြစ်စဉ်တွင် ကျောက်ရစ်တိုက်ပွဲတွင် ပါဝင်ခဲ့သည့် သုံးပွင့် ဗိုလ်နှင့်အတူ စစ်သား (၁၅) ဦး သေဆုံးနိုင်ကြောင်း မြောင်မြိုနယ် ပြည်သူ့ကာကွယ်ရေးနှင့်လုံခြုံရေးအဖွဲ့က အသိပေးသည်။
ယနေ့ မိုင်းခွဲ တိုက်ခိုက်မှုတွင် ပြည်သူ့ ရဲဘော် တစ်ဦး တစ်ယောက် ဒဏ်ရာရရှိခြင်း၊ ကျဆုံးခြင်းမရှိကြောင်း မြောင် PDF အဖွဲ့က ပြောသည်။
မဟာမိတ်ပူးပေါင်းစစ်ဆင်ရေးတွင် မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့-CDSOM ၊ Myaung Special People’s Defense Force–MSPDF ၊နှလုံးလှလူမိုက်ကြီးများအဖွဲ့၊ 27 Revolution Forces ၊ PDF–Taloke ၊ မြင်းမူလျှပ်စီးပြောက်ကျားအဖွဲ့ ၊ မြောင်မြို့နယ် T.G.R – ပြည်သူ့ကာကွယ်ရေးတပ် နှင့် Myingyan Ranger အဖွဲ့ တို့ ပါဝင်သည်။
Public Service Announcement
