ပခုက္ကူတွင် စစ်ကောင်စီတပ်သားလေးဦး လိုက်ပါလာသောကားတိုက်ခိုက်ခံရပြီး လေးဦးလုံး သေဆုံး

ဟာနာဆန်/People’s Spring

မကွေးတိုင်း၊ ပခုက္ကူမြို့တွင် စစ်ကောင်စီတပ်သား လေးဦးလိုက်ပါလာသော ကားတစ်စီးအားတိုက်ခိုက်ရာ လေးဦးလုံးသေဆုံးခဲ့ကြောင်း ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ Young Force UG၏ တာဝန်ရှိသူက ပြောသည်။

ယမန်နေ့(ဒီဇင်ဘာ ၃၀ရက်) ညနေ ၄ နာရီခွဲခန့်က ပခုက္ကူမြို့၊ စက်မှုဇုန်ဂိတ်မှ မြို့အတွင်းပြန်လာသော စစ်ကောင်စီတပ်ဖွဲ့ဝင်များ လိုက်ပါလာသည့် ကားတစ်စီးကို စက်မှုဇုန်(၁)လမ်း၌ အနီးကပ် ပစ်ခတ်တိုက်ခိုက်ခဲ့ကြောင်း ပြည်သူ့ကာကွယ်ရေးတပ်ဖွဲ့ Young Force – UG၏ တာဝန်ရှိသူက ပြောသည်။

တိုက်ခိုက်မှုကြောင့် စစ်သား လေးဦးသေဆုံးပြီး သေနတ် သုံးလက်နှင့် ကျည်များသိမ်းဆည်းရရှိခဲ့ကြောင်း Young Force – UGက အသိပေးသည်။

Public Service Announcement

“အချိန်ကမကြာဘူး။ လေးငါးမိနစ်ပဲ။ ကားပေါ်လေးကောင်ပါတာ လေးကောင်လုံးသေတယ်။”ဟု Young Force – UG၏ တာဝန်ရှိသူက ပြောသည်။

သေဆုံးစစ်ကောင်စီတပ်သားများ၏ ရာထူးအပါအဝင် အခြားအသေးစိတ်အချက်အလက်များ မသိရသေးပေ။

အဆိုပါတိုက်ခိုက်မှုကို ပခုက္ကူမြို့နယ်အခြေစိုက် ပြည်သူ့ကာကွယ်ရေးတပ်ဖွဲ့ Young Force UG ၊ Pakokku People Defense Force နှင့် Pakokku Ranger တို့ ပူးပေါင်းတိုက်ခိုက်ခဲ့ခြင်းဖြစ်သည်။