ရှိန်း/People’s Spring
မန္တလေးတိုင်း၊ငါန်းဇွန်မြို့နယ်၊လက်ပံကျင်းရွာကို မီးရှို့ဖျက်ဆီးပြီးဒေသခံတွေကို သတ်ဖြတ်ခဲ့တဲ့ စစ်တပ်နဲ့ပျူစောထီးတွေကို PDFတွေက တိုက်ခိုက်ခဲ့ရာ စစ်တပ်ဘက်က၇ဦးသေဆုံးပြီး ဒဏ်ရာရသူအများအပြားရှိတယ်လို့ မြင်းခြံခရိုင်တပ်ရင်း-၇(Zero ပျောက်ကြားအဖွဲ့ )တပ်ရင်းမှူးဗိုလ်သက်ကြီးကပြောပါတယ်။
ဇန်နဝါရီလ၁၄ရက်နေ့ မနက်၆နာရီလောက်မှာ ငါန်းဇွန်မြို့ပေါ်ကစစ်တပ် နဲ့ မြို့သာစက်မှုဇုန်အနီးဝန်းကျင်ရွာတွေကပျူစောထီးတွေအားလုံးပေါင်းပြီး အင်အား (၁၇၀) လောက်က လက်ပံကျင်းရွာကို ၆၀ မမအလုံး၂၀လောက်ပစ်ခတ်ပြီး စစ်ကြောင်းထိုးဝင်လာတယ်လို့သိရပါတယ်။
စစ်ကောင်စီစစ်ကြောင်းကို တိုက်ခိုက် ပြီး မီးငြှိမ်းသတ်နေတဲ့ PDF တွေနဲ့ စစ်တပ်က မီးရှို့ဖျက်ဆီးခဲ့၍ လက်ပံကျင်းရွာမှ နေအိမ်တွေ မီးလောင်နေစဥ်။ဓါတ်ပုံ- Zero ပြောက်ကျားတပ် စစ်တပ်က မီးရှို့ဖျက်ဆီးခဲ့၍ လက်ပံကျင်းရွာမှ နေအိမ်တွေ မီးလောင်နေစဥ်။ ဓါတ်ပုံ- Zero ပြောက်ကျားတပ် စစ်ကောင်စီစစ်ကြောင်းကို တိုက်ခိုက် ပြီး မီးငြှိမ်းသတ်နေတဲ့ PDF များ။ ဓါတ်ပုံ-Zero ပြောက်ကျားတပ် စစ်ကောင်စီစစ်ကြောင်းကို တိုက်ခိုက် ပြီး မီးငြှိမ်းသတ်နေတဲ့ PDF များ။ ဓါတ်ပုံ-Zero ပြောက်ကျားတပ်
လက်နက်ကြီးပစ်ခတ်မှုကြောင့် အမျိုးသား၂ဦးနဲ့ကိုယ်ဝန်သည်တဦးပါ အမျိုးသမီး၂ဦးစုစုပေါင်း ၄ဦးသေဆုံးခဲ့ပါတယ်။အဲဒီစစ်ကြောင်းဟာကျေးရွာကိုမီးရှို့ဖျက်ဆီးခဲ့တာကြောင့် အိမ်ခြေ ၆၀၀ ရှိတဲ့အထဲက ၄၀၀ကျော်မီးလောင်ပျက်စီးခဲ့တယ်လို့သိရပါတယ်။
Public Service Announcement
စစ်ကြောင်းဟာ ရွာမြောက်ပိုင်းကိုထွက်လာတဲ့အချိန် တော်လှန်ရေးတပ်တွေက ကင်းပုန်းဝတ်ပြီးအနီးကပ်တိုက်ခိုက်ခဲ့တာလို့ တပ်ရင်းမှူးဗိုလ်သက်ကြီးကပြောပါတယ်။
တိုက်ပွဲဖြစ်ပွားချိန် ၂၅ မိနစ်လောက်ကြာခဲ့ပြီး စစ်တပ်ဘက်က ၇ ဦးခန့်မျက်မြင်သေဆုံးတယ်လို့ဆိုပါတယ် ။ဒါအပြင် ဒဏ်ရာရသူတွေလည်းရှိတယ်လို့သူကဆိုပါတယ်။
“အဲဒီအချိန်ဂျက်ဖိုက်တာဝဲလာတာရယ်၊သူတို့ဘက်ကဒရုန်းတွေပါလာတယ်။ဒရုန်းတွေက ကင်းပုံးနေရာတွေကိုဆက်တိုက်ချလာတာမို့ ခွာစစ်ဆင်ခဲ့ပါတယ်”လို့ဗိုလ်သက်ကြီးကပြောပါတယ်။
အဲဒီတိုက်ပွဲမှာ Zero ပျောက်ကြားတပ်-မြင်းခြံခရိုင်တပ်ရင်း(၇)၊ မြင်းခြံခရိုင်တပ်ရင်း(၆)၊ငါးဇွန်မြို့နယ်ပကဖ၊နယ်မြေခံပကဖတွေပူးပေါင်းတိုက်
ခိုက်ခဲ့ပြီးတော့ စစ်ကူလမ်းကြောင်းဖြတ်တောက်ရေးအဖြစ် မန္တလေးခရိုင်တပ်ရင်း-၅က ဆောင်ရွက်ခဲ့တာလို့သိရပါတယ်။
PDF တွေဟာ မီးလောင်နေတဲ့ အိမ်တွေကိုလည်း မီးငြှိမ်းသတ်ဖို့ ကြိုးစားခဲ့ကြသေးတယ်လို့လည်းသိရပါတယ်။
