ကျော်ဇော/People’s Spring
မန္တလေးတိုင်း၊ မြင်းခြံခရိုင်၊ တောင်သာမြို့နယ်၊ ညောင်ကုန်းကျေးရွာကို စစ်ကောင်စီတပ်က စက်တပ်လေထီးနှစ်စီးဖြင့် လာရောက်ဗုံးကြဲရာ ပြည်သူသုံးဦး သေဆုံးခဲ့ကြောင်း ဒေသအခြေစိုက် တော်လှန်ရေးတပ်ဖွဲ့များက လူထုနွေဦးသို့ ပြောသည်။
ယနေ့(ဇန်နဝါရီ ၁၈ ရက်)နံနက် ၉ နာရီ ၄၅မိနစ်ခန့်က တောင်သာမြို့နယ်၊ ပန်းပေါင်းကျေး ရွာအုပ်စု၊ ညောင်ကုန်းကျေးရွာရှိ ပြည်သူ့နေအိမ်များပေါ်သို့ စစ်ကောင်စီတပ်မှ စက်တပ်လေထီးများဖြင့် ဗုံးကြဲတိုက်ခိုက်ခဲ့ခြင်းဖြစ်ပြီး အမျိုးသမီးနှစ်ဦးနှင့် အမျိုးသားတစ်ဦး ဗုံးထိမှန်သေဆုံးခဲ့ခြင်းဟု ၎င်းတပ်ဖွဲ့များက ပြောသည်။
“အသက် ၅၀ ကျော်အရွယ် အမျိုးသမီးတစ်ဦးနဲ့ အသက် ၇၀ကျော်အရွယ် အမျိုးသမီးတစ်ဦးလို့ သိရတယ်ဗျာ။ လေထီးစက်တပ်ယာဥ်နဲ့ ဗုံးကြဲတာ”ဟု ဒေသအခြေစိုက် PDF တပ်ရင်းတစ်ခုမှ တာဝန်ရှိသူတစ်ဦးက ပြော သည်။
Public Service Announcement
စစ်ကောင်စီတပ်သည် ညောင်ကုန်းရွာဘုန်းကြီးကျောင်းအနီး ရွာလမ်းမနှင့် ပြည်သူနေ အိမ်အချို့ပေါ် ဗုံးသီးများကြဲချခဲ့ခြင်းဖြစ်ပြီး ဗုံးထိမှန်၍ (၇၈)နှစ်အရွယ် ဒေါ်ခင်သန်း၊ (၅၇)နှစ်အရွယ် ဒေါ်ခင်ညွှတ်တို့နေရာတင်သေဆုံးခဲ့သည့်အပြင် ပြင်းထန်ဒဏ်ရာရခဲ့သော ဦးအောင်မြင့်ဆိုသူမှာ ယနေ့ နေ့လယ် ၂ နာရီခွဲခန့်၌ ဆုံး ပါးသွားကြောင်း ၎င်းက ဆက်ပြောသည်။
အလားတူ ညောင်ကုန်းကျေးရွာအတွင်းရှိ ပြည်သူများ၏ အိမ်မွေးတိရိစ္ဆာအချို့လည်း ဗုံးထိမှန်သေဆုံးခဲ့ရာ နွားသုံးကောင်၊ ဝက်တစ်ကောင်းနှင့် သိုးတစ်ကောင် ထိခိုက်သေဆုံးခဲ့ကြောင်း ဒေသခံများနှင့် တော်လှန်ရေးတပ်ဖွဲ့များထံမှ စုံစမ်းသိရသည်။
ဇန်နဝါရီ ၁၄ ရက် ည ၁၁ နာရီခန့်ကလည်း တောင်သာမြို့နယ်၊ ရုံးစဥ်လေးကျေးရွာပေါ်သို့ လူလိုက်ပါသည့် စက်တပ်လေထီး ၃စီးဖြင့် စစ်ကောင်စီတပ်က ဗုံးသီး(၈)လုံး ကြဲချတိုက်ခိုက်ခဲ့ရာ စာသင်ကျောင်းအုတ်တံ တိုင်းကျိုးပဲ့ပျက်စီး၍ နွားတစ်ကောင် ထိခိုက်ဒဏ်ရာရခဲ့သေးသည်။
