စစ်တပ်အာဏာသိမ်းမှု (၄)နှစ်ပြည့်အဖြစ် ရန်ကုန်မြို့လယ်တနေရာတွင် စစ်အာဏာရှင်ဆန့်ကျင်ရေး ဘန်နာချိတ်ဆွဲလှုပ်ရှားမှုပြုလုပ်ခဲ့ကြောင်း GSCက အသိပေးထုတ်ပြန်သည်။
” ဖက်ဆစ်တပ်ရဲ့ လူထုအပေါ် ဖိနှိပ်မှုကြောင့် ဖြစ်ပေါ်လာတဲ့ အထွေထွေအကြပ်အတည်းများ ၊ အမျိုးသား/အမျိုးသမီးလူငယ်များပါမကျန် မတရားစစ်မှုထမ်းဥပဒေဖြင့် ဖမ်းဆီးမှုများကြား ပူပန်သောကများနေရတဲ့ လူထုထံ တသားတည်းရှိကြောင်း၊ လူထုကြီး၏ အာဏာအလုံးစုံသည် လူထုလက်ထဲသို့ ဧကန်ရောက်ရှိရမည်သာဖြစ်ပြီး ၊ ကြပ်တည်းပိတ်မိနေကာ ထွက်ပေါက်ရှာလာနေတဲ့ ဖက်ဆစ်တပ်ကို လူထုတရပ်လုံးအားဖြင့် ပိတ်ဆို့တိုက်ဖျက်အောင်ပွဲအရယူကြမည်ဖြစ်ကြောင်း သတင်းစကားပါးအပ်ရခြင်း ဖြစ်ပါတယ်”ဟု GSCက ဆိုသည်။
ထို့အပြင် မြန်မာစစ်တပ် အာဏာသိမ်းမှု (၄)နှစ်ပြည့်အဖြစ် ထိုင်းနိုင်ငံ ဘန်ကောက်မြို့ရှိ မြန်မာသံရုံးရှေ့၌ ယနေ့(ဖေဖော်ဝါရီ ၁ရက်) ညနေ ၄နာရီတွင် ဆန္ဒပြသွားမည်ဟု Milk Tea Alliance Thailand က ကြေညာထားသည်။
