ရောင်နီ/People’s Spring
နေ့စဉ်နဲ့အမျှ ပြည်သူတွေကို ဗုံးကြဲတိုက်ခိုက်မှုတွေ ပြုလုပ်နေတဲ့ စစ်ကောင်စီက ရန်ကုန်မြို့မှာ သင်္ကြန်ပွဲတော်အတွက် စတင်ပြင်ဆင်နေပါပြီ။
ရန်ကုန်မြို့လယ်က မြို့တော်ခန်းမရှေ့မှာ မြို့တော်ဝန်မဏ္ဍပ်ကို ဒီရက်ပိုင်းမှာဘဲ စတင်ဆောက်လုပ်နေတယ်လို့ ဒေသခံတွေကပြောပါတယ်။
ဒီမဏ္ဍပ်ကို နှစ်တိုင်း အစောဆုံးဆောက်လေ့ရှိပြီး ဒီနှစ်မှာလည်း သင်္ကြန်မတိုင်ခင် တစ်လအလိုမှာကတည်းက ဆောက်လုပ်နေတာပါ။
Public Service Announcement
စစ်တပ်အာဏာသိမ်းပြီး နောက်ပိုင်းမှာ မြို့တော်ခန်းမအပြင် ပြည်သူ့ရင်ပြင်ဝန်းထဲမှာလည်း လမ်းလျှောက်သင်္ကြန်ကို ပြုလုပ်လေ့ရှိပါတယ်။
ပြည်သူ့ရင်ပြင်ဝင်းထဲမှာ သင်္ကြန်မဏ္ဍပ်နဲ့အတူ ဖျော်ဖြေရေးအစီအစဉ်တွေကိုလည်း တင်ဆက်ပေးနေတာပါ။
စစ်ကောင်စီက သူတို့ရဲ့ အကြမ်းဖက်လုပ်ရပ်တွေကြောင့် ပြည်သူတွေအပါအဝင် သူတို့ရဲ့ လက်အောက်ငယ်သားတွေ နေ့စဉ်သေဆုံးနေရပေမယ့် နိုင်ငံအေးချမ်းသယောင် ပြသနိုင်ဖို့ သင်္ကြန်အပါအဝင် လအလိုက်ပွဲတွေကို ကျင်းပပေးနေတာပါ။
