ချောင်းဦးမြို့နယ် မထိသာကျေးရွာအနီး ပြည်သူ့ကာ ကွယ်ရေးအဖွဲ့ မဟာမိတ်ပူးပေါင်းပျောက်ကြားတပ်ဖွဲ့က စစ်ကောင်စီယာဥ်တန်းကို မိုင်းခွဲတိုက်ခိုက်ရာ စစ်ကောင် စီတပ်သား ခုနစ်ဦးနှင့် ဒလန်တစ်ဦးသေဆုံးကြောင်း မြောင်မြို့နယ်ပြည်သူ့ကာကွယ်ရေးအထူးတပ်ဖွဲ့ (MSPDF)က ထုတ်ပြန်သည်။
တိုက်ပွဲ ဖြစ်စဥ်မှာ နိုဝင်ဘာ ၅ ရက်က ချောင်းဦးမြို့နယ် ရွှေလှေကျေးရွာအား အကြမ်းဖက်စစ်တပ်က ကားနှစ်စီးအသုံးပြုကာ ဝင်ရောက်မွှေနှောက်ပစ်ခတ်ခဲ့မှုများ ပြုလုပ်ခဲ့သည်။
ထို့အပြင် ၎င်းတို့အပြန် ဆင်ဖြူရှင် -ချောင်းဦးလမ်း မထိသာကျေးရွာအနီး ပြည်သူ့ကာ ကွယ်ရေး ပူးပေါင်းလေးဖွဲ့၏ မဟာမိတ်ပျောက်ကြားတပ်ဖွဲ့က ပဒေသာငါးလုံးတွဲဖြင့် မိုင်းခွဲတိုက်ခိုက်ခဲ့သည်။
“Mark II တစ်စီးနဲ့ ကန်တာယာဥ်တစ်စီး စုစုပေါင်း ၂၀ ကျော် ၃၀ လောက်ရှိမယ်။အသေ အပျောက်ကြားရတာက စုစုပေါင်းရှစ်ဦး၊နောက် ဒဏ်ရာရ တဲ့သူတွေက လည်းများတယ်လို့ သိရတယ်”ဟု MSPDF၏ တာဝန်ရှိသူတစ်ဦးက ပြောသည်။
Public Service Announcement
အောင်မြင်စွာမိုင်းခွဲမှုအပြီးတွင် ပြည်သူ့ကာကွယ်ရေး ပူးပေါင်း လေးဖွဲ့၏ မဟာမိတ်ပျောက်ကြားတပ်ဖွဲ့မှ တစ်စုံတစ်ဦးမျှဒဏ်ရာမရဘဲ ဆုတ်ခွာနိုင်ခဲ့သည်ဟု သိရသည်။
