ဟိုပင်မြို့ ရှိလက်ဖက်ရည်ဆိုင်ကိုမျက်နှာဖုံးစွပ်ပျူစောထီးများကသေနတ်ဖြင့်ဝင်ပစ်၍ သံဃာတစ်ပါးအပါအဝင် ပြည်သူ ၆ဦးသေဆုံး ပြီး ၁၂ ဦးဒဏ်ရာရ

ကချင်ပြည်နယ် ဟိုပင်မြို့တွင် စစ်ဗိုလ်ပြုတ်တစ်ယောက်ဦးစီးသည့် ပျူစောထီးများက မျက်နှာဖုံးများစွပ်ကာ လက်ဖက်ရည်ဆိုင်အတွင်း သေနတ်ဖြင့် ဝင်ပစ်၍ သံဃာတစ်ပါးအပါအဝင် ၆ဦးသေဆုံးကာ ၁၂ဦး ဒဏ်ရာအပြင်းအထန်ရသွားသည်ဟု ဒေသခံများကပြောသည်။

ဟိုပင်မြို့ ထူးထိုက်စံ လက်ဖက်ရည်ဆိုင်အတွင်းသို့ မျက်နှာဖုံးစွပ်ထားသူများက သေနတ်ဖြင့် ဝင်ပစ်ခတ်မှုသည်ယနေ့(နိုဝင်ဘာ ၇ရက်)နံနက် ၈ နာရီ ၂၀ မိနစ်က ဖြစ်ခဲ့သည်။ထူးထိုက်စံလက်ဖက်ရည်ဆိုင်သည် စစ်အာဏာရှင်
ဆန့်ကျင်ရေး လူထုဆန္ဒထုတ်ဖော်ပွဲများတွင် စုရပ်တစ်ခုလို ဖြစ်နေပြီး စစ်ကောင်စီလက်အောက်ခံ ပျူစောထီးများက သေနတ်ဖြင့် ဝင်ပစ်ခြင်းဟုဒေသခံများကပြောသည်။ပျူစောထီးဆိုသည်မှာ အာဏာသိမ်းစစ်ကောင်စီက ၎င်းတနု့ထောက်ခံသူများကို လက်နက်တပ်ဆင်ပေးထားသောအဖွဲ့များဖြစ်သည်။

“သေနတ်သံတွေ ဆူညံထွက်သွားတာပဲ။ အခုသိရသလောက် သေဆုံးတဲ့ ၆ ယောက်ထဲ ဘုန်းကြီးတစ်ပါးလည်းပါတယ်။ ပျူတွေလုပ်တာ။ဗိုလ်ပြုတ်တစ်ယောက်ပါတယ်” ဟု ဒေသခံတစ်ဦးက People’s Spring ပြောသည်။

ပစ်ခတ်မှုတွင် ပါဝင်သည်ဆိုသော စစ်တပ်အရာရှိဟောင်း၏ ကိုယ်ရေးအချက်အလက်များ ထွက်ပေါ်လာသော်လည်း သီးခြားအတည်ပြုချက်မဏသေးပေ။

Public Service Announcement

ဒဏ်ရာရထားသူ ၁၂ဦးတွင် ကလေးငယ်အချို့ပါဝင်ပြီးဟိုပင်ဆေးရုံတွင် အရေးပေါ်ကူသမှုခံယူနေရသည်။

“ပျူစောထီးတွေ ယုတ်မာတာ” ဟု ဒေသခံတစ်ဦးကပြောသည်။