ဧပြီ၁၇၊၂၀၂၅။ ကျော်ဇော/People’s Spring
တနင်္သာရီမြို့နယ်၊ တောင်ငယ်ရွာအခြေစိုက် ပျူစောထီးအဖွဲ့အထိုင်ချနေရာအား ဝင်ရောက်စီးနင်းတိုက်ခိုက်ခဲ့ရာ ပျူခေါင်း ဆောင်သေဆုံးသွားကြောင်း တနင်္သာရီမြို့ နယ်ပြည်သူ့ကာကွယ်ရေးအဖွဲ့(ပကဖ)ဒုတာဝန်ခံက ပြောသည်။
ဧပြီ ၁၆ ရက်နေ့နံနက်၃နာရီခန့်ကဘုတ်ပြင်းမြို့နယ်၊ တောင်ငယ်ရွာအခြေစိုက်၊ ရွှေဂဲညိုရွာ စစ်ကောင်စီလက်အောက်ခံ ပျူစောထီးအဖွဲ့အား ဝင်ရောက်စီးနင်းတိုက်ခိုက်ခဲ့ခြင်းဖြစ်ပြီး ပျူခေါင်းဆောင် ဌေးဝင်းဆိုသူ သေ ဆုံးသွားကြောင်း ၎င်းက ပြောသည်။
“စခန်းဆိုတာထက် ပျူတွေအခြေစိုက်တဲ့ရွာလို့ပြောရင် ပိုမှန်တယ်။ တိုက်ပွဲချိန်က နာရီ ဝက်လောက်ပဲ။ (ပျူအင်အား)နှစ်ရွာပေါင်းထားတာ။ တောင်ငယ်ရွာနဲ့ ရွှေဂဲညိုရွာ”ဟု တနင်္သာရီမြို့နယ် ပကဖဒုတာဝန်ခံက လူထုနွေဦးသို့ ပြောသည်။
Public Service Announcement
တိုက်ခိုက်မှုအတွင်း ပျူစောထီးခေါင်းဆောင် သေဆုံးသည့်အပြင် သေနတ်(၁၀)လက်ရရှိခဲ့သည်။ AK အမျိုးအစား(၅)လက်၊ ကာဘိုင်(၁) လက်၊ M-16 (၃)လက်၊ 79 (၁)လက် နှင့် 40 မ မဗုံးသီး ၅ လုံး၊ M-16 ကျည်(၂၀)ထောင့်နှင့် ကျည်ဘောက်(၂)ခု၊ ကာပိုင်ကျည်(၇)ထောင့်၊ အီကွေးမင်း(၁)စုံ၊ စကားပြောစက်(၁)လုံးအ ပါအဝင် ဆက်စပ်ပစ္စည်းများ သိမ်းဆည်းရရှိခဲ့ကြောင်း တနင်္သာရီမြို့နယ် ပကဖ မှ အသိ ပေးသည်။
အထက်ပါ ရွှေဂဲညိုရွာ ပျူစောထီးအထိုင်ချနေရာအား တိုက်ခိုက်မှုတွင် ပျူစောထီးအချို့ဒဏ်ရာရကာ ထွက်ပြေးလွတ်မြောက်သွားသူ များရှိပြီး ပကဖ ရဲဘော်တစ်ဦး မစိုးရိမ်ရဒဏ် ရာရခဲ့ကြောင်း အဖွဲ့ဒုတာဝန်ခံက အတည်ပြုပြောဆိုထားသည်။
