ကွမ်းခြံကုန်း၊ တွံ​တေး၊​ ကော့မှူး တွင်ဆိုင်ကယ်တစ်စီးလူတစ်​ယောက်သာစီးရန် အာဏာသိမ်းစစ်​ကောင်စီတားမြစ်မှု ​ကြောင့်ပြည်သူများအခက်​တွေ့

ရန်ကုန်တိုင်းအတွင်းရှိ ကွမ်းခြံကုန်း၊တွံတေး၊ ကော့မှုးမြို့နယ်များတွင် ဆိုင်ကယ်တစ်စီး လူတစ်ယောက်သာစီးရန် အကြမ်းဖက်စစ်ကောင်စီကအမိန့်ပေးထားကြောင်းဒေသခံများကပြောသည်

နိုဝင်ဘာလ ၁ဝ ရက်နေ့နှင့် ၁၁ ရက်နေ့များတွင်ကွမ်းခြံကုန်းမြို့နယ်၊ တွံတေးမြို့နယ်၊ ကော့မှုးမြို့နယ်များ၌ မြို့နယ်အတွင်းရှိ မော်တော်ဆိုင်ကယ်ပိုင်ရှင်များအား ဆိုင်ကယ်စီးလျှင် တစ်ဦးတည်းသာစီးနင်းရမည်ဖြစ်ကြောင်း မြို့‌ပေါ်ရပ်ကွက်အချို့တွင် အကြမ်းဖက်စစ်ကောင်စီက လော်စပီကာဖြင့် လိုက်လံကြေညာသွားကြောင်းဒေသခံများက ပြောသည်။

“မရှိလို့ ကယ်ရီဆွဲပါတယ်ဆိုမှ နောက်ကလူမတင်ရတော့ ဘာတင်ရမလဲဗျာ။ ကယ်ရီသမား​တွေတင်မက ​အိမ်ရှင်မ​တွေ​စျေးလိုက်ပို့ဖို့​တောင်မလွယ်ပါဘူး။”ဟု ဒေသခံတစ်ဦးက ​ပြောသည်။

အဆိုပါအမိန့်ကြောင့် မြို့နယ်အတွင်းရှိ ဆိုင်ကယ်ကယ်ရီဝန်ဆောင်မှုဖြင့် အသက်မွေးဝမ်းကြောင်းပြုနေသော ပြည်သူများအတွက် အခက်အခဲဖြစ်စေပြီး သာမန်ပြည်သူများအတွက်လည်း ကျန်းမာရေးကိစ္စကအစ သွားရေးလာရေးအခက်အခဲများ ဖြစ်ပေါ်စေကြောင်း ဒေသခံများက ပြောသည်။

Public Service Announcement

မြန်မာနိုင်ငံအလယ်ပိုင်းရှိဒေသအချို့တွင်လည်း အာဏာလု
စစ်​ကောင်စီက ဆိုင်ကယ်တစ်စီးလျှင်လူတစ်​ယောက်သာစီးရန် ၊ Mask မတပ်ရန် တားမြစ်ထားသဖြင့်ပြည်သူများအခက်​တွေ့​နေကြသည်။ စစ်တပ်ကအာဏာသိမ်းပြီး​နောက်ကမ္ဘာ့ကပ်​ရောဂါ COVID-19 ကာကွယ်​ရေးလုပ်ငန်းများထိ့​ရောက်စွာမလုပ်နိုင်​တော့ဘဲ Mask မတပ်ရအမိန့်က ကပ်​ရောဂါကူးစက်မှုပိုမိုဆိုးရွားလာ​စေနိုင်​ကြောင်းပြည်သူအချို့က​​ဝေဖန်​နေကြသည်။

တစ်ဦးထက်ပိုစီးပါက ယာဥ်စီးကမ်း၊ လမ်းစည်းကမ်းဥပဒေဖြင့် အရေးယူမည်ဟု ဥပဒေတွင်မပါသည့်အချက်များဖြင့် အကြမ်းဖက်စစ်ကောင်စီကခြိမ်းခြောက်နေသည်။