ချင်းပြည်နယ်ဘက်မှ ဆင်းလာသည့် စစ်ကောင်စီတပ်နှင့် စစ်ရေးထိတွေ့မှုရှိနိုင်သေးသောကြောင့် ပြည်သူများအနေဖြင့် ဘေးလွတ်ရာသို့ ကြိုတင်ပြောင်းရွှေ့နိုင်ရေး ပြင်ဆင်ထားရန် ဆောမြို့နယ် ပြည်သူ့အုပ်ချုပ်ရေးအဖွဲ့က ယနေ့(နိုဝင်ဘာ ၁၆ ရက်)တွင် ထုတ်ပြန်သည်။
“ဒီနေ့ စစ်ရေးထိတွေ့မှုတွေရှိနိုင်ပါတယ်။ ပြည်သူ့ကာကွယ်အဖွဲ့အားလုံး၊ ပြည်သူ့ကာကွယ်ရေးတပ်သားအားလုံး ဘေးကင်းကင်းနဲ့ အောင်ပွဲဆင်နိုင်ကြပါစေ”ဟု ဆောမြို့နယ် ပြည်သူ့အုပ်ချုပ်ရေးအဖွဲ့က ဆိုသည်။
အလားတူ မိဘပြည်သူများအနေဖြင့်လည်း အကောင်းဆုံးကျော်ဖြတ်ပြီး စစ်ပွဲအနီးကပ်လာပါက ခေတ္တခဏ ဘေးလွတ်ရာကိုရွှေ့နိုင်ရေးအတွက်လည်း ကြိုတင်ပြင်ဆင်ထားကြရန် တိုက်တွန်းသည်။
“ချင်းဘက်နေ မကွေးကို ပြန်ဆင်းလာတဲ့ စစ်ကြောင်းက ကျွန်တော်တို့ဘက်ကို စစ်ကြောင်းထိုးမယ်လို့ ကြိုသိထားရတယ်။ဒါကြောင့် ပြည်သူလူထုအနေနဲ့ လူသားဒိုင်းမဖြစ်အောင်ရယ်။ပြီးတော့ ပြည်သူ့ကာကွယ်ရေးတပ်ဖွဲ့တွေ လွတ်လပ်စွာလှုပ်ရှားနိုင်အောင် ကြိုသတိပေးတာပါ”ဟု ဆောမြို့နယ် ပြည်သူ့အုပ်ချုပ်ရေးအဖွဲ့တာဝန်ရှိသူတစ်ဦးက ပြောသည်။
Public Service Announcement
ထို့အပြင် ဆော-ကျောက်ထုလမ်းပိုင်း၊ ကျောက်ထု-ထီးလင်းအစပ်နှင့် ဆော-လောင်းရှည်လမ်းပိုင်းများကို ယခုရက်ပိုင်းအတွင်း ပြည်သူလူထုအနေဖြင့် အသုံးမပြုရန် ပြည်သူ့အုပ်ချုပ်ရေးအဖွဲ့က မေတ္တာရပ်ခံထားသည်။
အကြမ်းဖက်စစ်ကောင်စီကိုတော်လှန်ရေးအ တွက် ဂန့်ဂေါခရိုင်(ယောဒေသ)အတွင်းရှိ People’s Defence Force – Gangaw ၊ People’s Defence Force – Htilin ၊People’s defence Force – Saw Township၊ Kyaukhtu Regional People Defence Force နှင့် Laung She Regional People’s Defence Force စသည့် ပြည်သူ့ကာကွယ်ရေးတပ်ဖွဲ့များ အတူတကွပူးပေါင်းဆောင်ရွက်နေသည်။
