မန္တလေး ၊ အမရပူရမြို့နယ်အတွင်းက ရေကြည်ပေါက်ကျေးရွာ မှာ NLD ပါတီဝင်ဦးဌေးအောင်ကို စစ်ကောင်စီတပ်ဖွဲ့ဝင်တွေလာဖမ်းရာမှာ မတွေ့လို့ အသက် ၁၃ နှစ်အရွယ် သားဖြစ်သူကို ဓားစာခံအနေနဲ့ဖမ်းဆီးသွားတယ်လို့ ဒေသခံတွေဆီကသိရပါတယ်။
နိုဝင်ဘာလ ၁၄ ရက်နေ့က ဖမ်းဆီးသွားတာဖြစ်ပြီး ဒီနေ့အထိ ၇ တန်းကျောင်းသားအရွယ်သားဖြစ်သူကို ပြန်လွှတ်ပေးတာမရှိသေးပါဘူး။
ဒါအပြင်စစ်ကောင်စီဟာ အမရပူမြို့နယ်အတွင်းက ကျေးရွာတွေမှာနေတဲ့ လူငယ် ၃ ဦးကို ပြီးခဲ့တဲ့ ရက်ပိုင်းက ဖမ်းဆီးသွားတာရှိ ပြီး အဲဒီအထဲက ၁ ဦးသာ ပြန်လွှတ်ပေးလိုက်တယ်လို့သိရပါတယ်။
အမရပူရမြို့နယ်အတွင်း က ကျေးရွာတွေမှာ CDM ဆရာ ၊ဆရာမတွေကျောင်းပြန်တက်ဖို့ ၊မတက်ရင် သတ်ပစ်မယ်လို့ ခြိမ်းခြောက်စာတွေ စုတ်ဖြဲခံရပြီးနောက် ကျေးရွာတွေမှာ စစ်ကောင်စီဟာ ဝင်မွှေနေတာပဲဖြစ်ပါတယ်။
Public Service Announcement
