စစ်တပ်အ​တွေး​တွေ ပုံ​ဖော်​ပေး​နေတဲ့ဒါရိုက်တာ

ဒီပ/People’s Spring

‘မိတ်​​ဆွေများနှင့် တွေ့ဆုံပွဲ’လို့အမည်တပ်ထားတဲ့စစ်တပ်ပါတီ ကြံ့ဖွံ့ နဲ့ စစ်တပ်​ထောက်ခံတဲ့ အနုပညာရှင်​တွေ ​တွေ့ဆုံပွဲမှာ တက်​ရောက်သူ​တွေအများကြီးထဲမှာ တစ်​ယောက်ရဲ့အမည်ကို​တော့ သင့် စိတ်ထဲစွဲ​နေ​အောင်မှတ်ထားဖို့ အကြံပြုပါတယ် ။

ဒါရိုက်တာ​ကျော်​​ဇောလင်း (အ​တွေးပုံရိပ်)ပါ ။တက်​ရောက်တဲ့ စစ်တပ်​ထောက်ခံတဲ့အနုပညာရှင် အားလုံးထဲမှာ ဒါရိုက်တာ​ကျော်​ဇောလင်းက အခရာအကျဆုံးပါ ။

စစ်သား​တွေက အာဏာကိုလက်မလွှတ်ချင်လို့ စစ်ယူနီ​ဖောင်းချွတ်၊အရပ်ဝတ်​ပြောင်းဝတ်ပြီး အာဏာချုပ်ကိုင်နိုင်ဖို့ စာဖတ်သူကြီး အာဏာရှင်ဗိုလ်ချုပ်မှူးကြီးသန်း​ရွှေက၂၀၁၀ မှာ စတည်​ထောင်ခဲ့တဲ့ ပြည်​ထောင်စုကြံခိုင်​ရေးနဲ့ဖွံ့ဖြိုး​ရေးပါတီ (ပြည်သူ​တွေက​တော့ ကြံ့ဖွတ်လို့​ခေါ်ကြပါတယ်။ယခု​ဆောင်းပါးမှာ​တော့အမည်အတို​ကောက် ကြံဖွံ့ လို့​ပဲရေးပါမယ်) ဟာ အာဏာသိမ်းစစ်အုပ်စုက ကျင်းပမယ်ဆိုတဲ့​ရွေး​ကောက်ပွဲမှာ တ​ကောင်တည်း​ပြေးသလို လိုသလိုရလဒ်ယူဖို့ စစ်အုပ်စုက ကြံစည်​နေပါပြီ။

Public Service Announcement

ငါး​ထောင်စား​တွေရဲ့​ခေါင်းကိုင် ဦးခင်ရီက စစ်တပ်​ထောက်ခံတဲ့အနုပညာရှင်​တွေ နဲ့​တွေ့ဆုံပွဲကို ‘မိတ်​ဆွေများနဲ့​တွေ့ဆုံပွဲ’လို့ ဖုံးကွယ်ထား​ပေမယ့် ဒီ​တွေ့ဆုံပွဲရဲ့အဓိကရည်ရွယ်ချက်က ​​ရွေး​ကောက်ပွဲ​အောင်မြင်ဖို့ ၊ကြံ့ဖွံ့ပါတီအတွက် အနုပညာရှင်​တွေက ကူညီမဲဆွယ်​ပေးဖို့ စစ်တပ်ကခိုင်းတဲ့ ပွဲတစ်ခုဖြစ်တယ်လို့ အနုပညာ​လောကသားအချို့က​ပြောပါတယ် ။ စစ်တပ်ရဲ့ အကြံ့အစည်ကို အဓိကအ​ကောင်အထည်​ဖော်​ပေးသူက​တော့ အထက်မှာဆိုခဲ့တဲ့ ဒါရိုက်တာ​ကျော်​ဇောလင်း (အ​တွေးပုံရိပ်)ပဲဖြစ်ပါတယ် ။ ​ရွှေဝါ​ရောင်​တော်လှန်​ရေးမှာ သံဃာ​တော်​တွေကိုပါမ​ရှောင်ရမ်းကားခဲ့တဲ့ စွမ်းအားရှင်ဆိုသူ​တွေကို သြဂုတ် ၇ ရက်မှာ​ပဲ​သေခဲ့တဲ့ ဗိုလ်ချုပ်ကြီး​ဟောင်း မြင့်​ဆွေက ​ခေါင်းကိုင်ခဲ့သလို ၊အရပ်သားအစိုးရလက်ထက် ​​ကြေးစားဆန္ဒပြသူ​တွေကို ​နောက်ကွယ်က ခင်ရီ ကြိုးကိုင်ခဲ့တာပါ။

အာဏာရှင်သန်း​ရွှေ​ရဲ့ နဝတ ၊နအဖ လက်ထက်က စစ်တပ်နဲ့ပါတ်သက်တဲ့ ဖျော်​ဖြေပွဲ​တွေ၊ဝါဒဖြန့်ချီမှု​တွေမှာ ဒါရိုက်တာ ဇင်​ယော်​မောင်​မောင် ကအ​ခရာ ကျခဲ့သလို အာဏာသိမ်းစစ်​ကောင်စီလက်ထက်မှာ​ ​ကျော်​ဇောလင်းဟာလည်းအဓိကလူဖြစ်လာတယ်လို့ အနုပညာ​လောကသားအချို့က ​ပြောပါတယ် ။

စစ်တပ်အာဏာသိမ်းပြီး​နောက်ပိုင်းသူဟာ စစ်တပ်နဲ့ ပတ်သက်တဲ့ ​ဖျော်​ဖြေ​ပွဲ​တွေ ၊ ရုပ်ရှင်ပွဲတွေ ၊ သဘင်ပွဲတွေ၊ အမျိုးသမီးရေးရာပွဲတွေ စတဲ့ဝါဒဖြန့်ပွဲ​၊​ဖျော်​ဖြေပွဲတွေကို ​နောက်ကွယ်က​နေ အဓိကစီစဥ်ပေးနေသူ ဖြစ်လာတယ်လို့ အနုပညာ ​လောကသားအချို့က​ပြောပါတယ်။ဒါ​ပေမယ့် လူထုအာရုံစိုက်မှု​တော့သိပ်မခံရပါဘူး ။ဒါ​ကြောင့် သူဟာ ​နွေဦး​တော်လှန်​ရေးကာလ တ​စ်လျှောက် ပြည်သူ​တွေက စစ်တပ်​ထောက်ခံတဲ့အနုပညာရှင်​တွေကို လုပ်ခဲ့သလိုသပိတ်​မှောက်မှု​တွေက​​နေလည်း ကင်းလွတ်ခဲ့ပါတယ် ။ ကြံ့ဖွံ့နဲ့​တွေဆုံပွဲမှာ​တော့ မိုက်ကြီးကိုင်ပွဲထွက်လာခဲ့တာဖြစ်ပါတယ် ။

အာဏာသိမ်း​ခေါင်း​ဆောင် လင်မယားတက်​ရောက်ခဲ့တဲ့ နေပြည်တော်မှာကျင်းပခဲ့တဲ့ နှစ် ၈၀ ပြည့် တပ်မတော်နေ့ အထိမ်းအမှတ် အကြိုဂုဏ်ပြုညစာ စားပွဲ မှာ “ပန်းသုံးပွင့်၏ အဘိဓမ္မာ” ပြဇာတ်ကို သူက ဦးဆောင် တင်ဆက် ဖျော်ဖြေခဲ့တာပါ ။

ဒါအပြင် ပြီးခဲ့တဲ့ ဇူလိုင် ၃ ရက်​နေ့ အာဏာသိမ်း​​ခေါင်း​ဆောင်လင်မယားတက်​ရောက်ခဲ့ပြန်တဲ့ ​​နေပြည်​တော်ဒက္ခိဏသီရိမြို့နယ်၊ မြန်မာနိုင်ငံအမျိုးသမီးရေးရာအဖွဲ့ချုပ်ရုံးမှာလုပ်ခဲ့တဲ့မြန်မာအမျိုးသမီးများနေ့အခမ်းအနားမှာလည်း စစ်တပ်ဝါဒဖြန့် ပြဇာတ် ရဲ့ ဒါရိုက်တာကလည်း သူပါပဲ။ အဲဒီအခမ်းအနားမှာတုန်းကလည်း အခုကြံ့ဖွံ့ပါတီ​တွေဆုံပွဲမှာတက်ခဲ့တဲ့ ​နေ​အောင် ၊ရန်​အောင် ၊စိုးမြတ်သူဇာ စတဲ့ စစ်တပ်​​ထောက်ခံ​တဲ့ အနုပညာရှင်​တွေတက်​ရောက်ခဲ့ကြပါတယ်။

​ကျော်​ဇောလင်းရဲ့ စစ်တပ်အ​ပေါ် တိမ်းညွတ်မှုကို သိသာ​စေတဲ့ ​နောက်ထပ် ဖြစ်ရပ်တစ်ခုလည်းရှိပါ​သေးတယ် ။အဲဒါက​တော့ ​ရွေး​ကောက်ခံအရပ်သားအစိုးရလက်ထက်မှာကျင်းပတဲ့ အကယ်ဒမီ​ဆုပေးပွဲကို သူ အကယ်ဒမီရမှတက်မယ်လို့အ​ကြောင်းပြငြင်းပယ်ခဲ့​ပေမယ့်စစ်တပ်နဲ့အလွန် နီးစပ်တဲ့ လူရွှင်တော် ဒိန်းဒေါင် ဥက္ကဋ္ဌလုပ်​နေတဲ့မြန်မာနိုင်ငံ ဟာသပညာရှင်များ အစည်းအရုံး (ဗဟို) ကလုပ်တဲ့ သက်ကြီးဟာသပညာရှင်များ ကန်တော့ပွဲနဲ့ ဟာသပညာထူးချွန်ဆုပေးပွဲအခမ်းအနားကို​တော့တက်​ရောက်ခဲ့ပါတယ် ။ဒိန်း​ဒေါင်စီစဥ်တဲ့ စစ်တပ်နဲ့ပါတ်သက်တဲ့အခမ်းအနားအားလုံးနီးပါးမှာ သူတက်​လေ့ရှိပါတယ် ။

တက်​ရောက်တဲ့အပြင် ဇူလိုင် ၉ ရက်​နေ့က လုပ်တဲ့အဲဒီပွဲမှာ ဟာသဖန်တီးမှု ထူးချွန်ဆုကိုပါ ​ကျော်​ဇောလင်းက စစ်​ကောင်စီရဲ့ ပြန်ကြားရေးဒုတိယဝန်ကြီး ဦးရဲတင့်ဆီက လက်ခံရယူခဲ့ပါ​သေးတယ်။

အဲဒီပွဲက ဟာသသရုပ်ဆောင်မိုးဒီ နဲ့ တိမ်ညွှန့် တို့ကိုလည်း ဟာသတစ်သက်တာဆု တွေချီးမြှင့်ခဲ့ပါတယ် ။ဟာသ သရုပ်​ဆောင်​တွေဖြစ်တဲ့ မိုးဒီ ၊တိမ်ညွှန်တို့က ဇူလိုင် ၃၁ ရက်​နေ့မှာ ကြံ့ဖွံ့ပါတီရုံးမှာ ဦးခင်ရီ နဲ့လက်ဆွဲနှုတ်ဆက် စကား​ဖောင်ဖွဲ့ခဲ့တဲ့ပုဂ္ဂိုလ်​တွေထဲ သူတို့လည်းပါဝင်ပါတယ် ။

ဒါအပြင် ထူးခြားချက်​နောက်တစ်ခုက​တော့ မတရားဖမ်းဆီး​ထောင်ချခံနရတဲ့ လူထုခေါင်းဆောင် ဒေါ်အောင်ဆန်းစုကြည်လို ဝတ်စားဆင်ယင်ပြီး လူထု​ခေါင်း​ဆောင်ကိုသွယ်ဝိုက် ဝေဖန်ပုတ်ခတ်ခဲ့တဲ့ “ခြံစည်းရိုးကြီး မယ်တော် ဟောင်စုဘ၀”ဆိုတဲ့ ကြော်ငြာရိုက်ကူးခဲ့တဲ့ ဖြူဖြူထွေးကိုပါ ဟာသပညာထူးချွန်ဆုပေးပွဲအခမ်းအနားမှာပရဟိတ ထူးချွန်ဆု​ခေါင်းစဥ်နဲ့ ဆုချီးမြင့်ခဲ့တာဖြစ်ပါတယ်။

ဒါ​ကြောင့် ဒါရိုက်တာ​ကျော်​ဇော်လင်းဟာ စစ်တပ်က အနုပညာရှင်​တွေကို အသုံးချတဲ့ ဝါဒဖြန့်ချီမှု ၊စစ်တပ်အတွက်​ဖျော်​ဖြေမှု စတာ​တွေရဲ့​နောက်ကွယ်မှာ အကြီးအကျယ်ပါဝင်ပတ်သက်​နေပါတယ် ။ ဒိန်း​ဒေါင်အပါအဝင် လူရွှင်​တော်​တွေကိုယ်​တောင် စစ်တပ်က ​မြေကွက်​တွေနဲ့ အခြားခံစားခွင့်​တွေ​ပေးပြီး လက်သက်ဝယ်ထားချိန်မှာ ​ကျော်​ဇောလင်းက စစ်တပ်အကျိုး​ဆောင်​နေတာ​ကြောင့် ရရှိ​နေတဲ့ အကျိုးစီးပွား​တွေက မနည်းမ​နောရှိနိုင်ပါတယ် ။

ဆယ်စုနှစ်​ပေါင်းများစွာ ဝါဒဖြန့်ချီမှု​အ​တွေ့အကြုံရှိသလို ၊ ပြည်သူ​တွေကို လွှမ်းမိုးနိုင်တဲ့ အနုပညာရှင်​တွေကို ဘယ်လိုချဥ်းကပ်ရမယ့် ၊ဘယ်လိုအသုံးချရမယ့် ဆိုတာအာဏာသိမ်းစစ်အုပ်စုက ​ကောင်း​ကောင်း သိပါတယ် ။ဒါ​ကြောင့် အာဏာသိမ်း​ခေါင်း​ဆောင်ရဲ့ သမီး ခင်သီရိသက်မွန်ကိုယ်တိုင် 7 Sence ရုပ်ရှင်ထုတ်လုပ်​ရေးအပါအဝင် အမည်များစွာနဲ့ ရုပ်ရှင်​လောက နဲ့ ​ဖျော်​ဖြေ​​ရေး​လောကကိုလက်ဝါးကြီးအုပ်ထားရုံတင်မကပဲ စစ်တပ်​ထောက်ခံတဲ့ အနုပညာရှင်​တွေကိုပါရသ​လောက် ထပ်မံလက်သတ်​မွေးထားတာပဲဖြစ်ပါတယ်။

ဒီအ​ခြေအ​နေမှာဒါရိုက်တာ​ကျော်​ဇောလင်းကလည်း စစ်တပ်ရဲ့ လိုဘ​တွေကိုဖြည့်ဆည်းရင်းနဲ့ ကိုယ်ကျိုးစီးပွားဘယ်လိုရှာရမယ်ဆိုတာ ​ကောင်း​ကောင်းသိသူဖြစ်ပါတယ် ။

အာဏာသိမ်းစစ်အုပ်စု​ကြောင့် အခုချိန်ထိနိုင်ငံတစ်ဝန်း ပြည်သူ ၇၀၀၀ ​ကျော်​သေဆုံး နှစ်​သောင်း​ကျော်ဖမ်းဆီးခံထားရသလို က​လေးငယ် ၉၀၀ ခန့် စစ်အုပ်စု​ကြောင့်​သေဆုံးထားပါတယ်။စာသင်ကြား​​နေရင်း ဗုံးကြဲခံရလို့​​ကျောင်းသားငယ်​တွေ​သေတာ ၊ အဓမ္မစစ်မှုထမ်း​ရကြောက်လို့ ပြည်ပကိုထွက်​ပြေးရင်းရုန်းကန်​နေရတဲ့လူငယ်​တွေ ၊ စစ်​ဘေး​ရှောင်ရင်း ​ငလျင်​ဘေး ​ရေ​​ဘေးထပ်သင့်​နေတဲ့ပြည်သူသန်း​ပေါင်းများစွာရဲ့ နာကျင်စရာဖြစ်ရပ်​တွေကို သူလို ဒါရိုက်တာနဲ့ အနုပညာရှင်​တွေက မခံစားတက်ပါဘူး ။ လက်နက်အားကိုးနဲ့ပြည်သူအ​ပေါ် နှစ် ​ပေါင်း ၇၀ နီးပါးအနိုင်ကျင့်ခဲ့တဲ့ စစ်တပ်ဘက်က ခံစားချက်​တွေ ၊အ​တွေး​တွေကိုပဲ ခံစားပုံ​ဖော်တက်ကြတာဖြစ်ပါတယ် ။

ဒါ​ကြောင့်​ရှေ့မှာ အာဏာလုစစ်တပ်ကစိတ်တိုင်းကျ စီစဥ်​နေတဲ့ ရွေး​ကောက်ပွဲ​​အောင်မြင်​ရေး နဲ့ ကြံ့ဖွတ်​အောင်နိုင်​ရေး ​ခေါင်းစဥ်​တွေနဲ့ စစ်တပ်​ထောက်ခံတဲ့ အနုပညာရှင်​တွေက မဲဆွယ်​ပေးတာ ၊ကန်ပိန်းလုပ်​ပေးတာ​ စတဲ့လှုပ်ရှားမှုတွေ ဆက်တိုက်လာ​​တော့မှာဖြစမပါတယ် ။အဲဒါ​တွေအားလုံးရဲ့​နောက်ကွယ်​မှာ ​ကျော်​ဇောလင်း(အ​တွေးပုံရိပ်)ကရှိ​နေပါလိမ့်မယ် ။

“လူ​တွေက မင်းသား၊မင်းသမီး​တွေကို ပိုသတိထားမိကြတယ် ။တကယ်ကဒါရိုက်တာ​တွေက အဓိက။

ဒါ​ကြောင့် ​လူ​တွေသိပ်မသိလို့ ကျော်​ဇောလင်းကိုပြည်သူ​တွေရဲ့ Social Punishment (လူမှု​ရေးပြစ်ဒဏ်ခတ်မှု) က​နေကင်းလွတ်ခွင့်ရ​နေတဲ့ အ​နေအထားမျိုးကိုမဖြစ်​စေချင်​တော့ဘူး”လို့အနုပညာ​လောကသားတစ်ဦးက​ပြောလိုက်ပါတယ်။ ။