'/%3E%3C/svg%3E){kind=small}
စစ်ကောင်စီရဲ့ ကရင်ပြည်နယ်ဝန်ကြီးချုပ် ဦးစောမြင့်ဦး လိုက်ပါစီးနင်းလာတဲ့ယာဉ်တန်းဟာ ဘားအံ-လှိုင်းဘွဲလမ်းပေါ်မှာ မိုင်းဆွဲတိုက်ခိုက်ခံခဲ့ရတယ်လို့ သတင်းရရှိပါတယ်။
ဒီကနေ့ မနက် ၁၁ နာရီအချိန်ခန့်က ဘားအံ-လှိုင်းဘွဲလမ်းတစ်နေရာမှာ မိုင်းဆွဲတိုက်ခိုက်ခံခဲ့ရတာဖြစ်ပြီး ထိခိုက်မှုကတော့ မသိရသေးဘူးလို့ ဒေသခံတွေဆီကနေ သိရပါတယ်။
စစ်ကောင်စီခန့် ပြည်နယ်ဝန်ကြီးချုပ် ဦးစောမြင့်ဦးဟာ ဒီကနေ့မနက်ပိုင်းက လှိုင်းဘွဲမြို့မှာ ပြုလုပ်ခဲ့တဲ့ ဖွင့်ပွဲအခမ်းအနားတစ်ခုကို တက်ရောက်ဖွင့်လှစ်ဖို့ သွားရောက်ခဲ့တာဖြစ်ပြီး လှိုင်းဘွဲကနေ ဘားအံအပြန်မှာ အခုလို မိုင်းဆွဲတိုက်ခိုက်ခံခဲ့ရတာ ဖြစ်ပါတယ်။
ကားနှစ်လောက်ထိခိုက်နိုင်ပြီး လက်ရှိမှာ ဘားအံမြို့အထွက်နေရာကနေ လှိုင်းဘွဲမြို့အထိ စစ်ကောင်စီတပ်ဖွဲ့တွေက ရှာဖွေစစ်ဆေးတာတွေ ပိုမိုတင်းကြပ်စွာလုပ်ဆောင်လျက်ရှိနေတယ်လို့ ဒေသခံတွေရဲ့ ပြောကြားချက်အရ သိရပါတယ်။
Public Service Announcement
