စစ်ကောင်စီတပ်၏ ရိက္ခာများတင်ဆောင်လာသော ကုန်အမြန်ရေယာဉ်မော်တော်နှစ်စီးနှင့် စက်သေနတ်တပ်ဆင်ထားသည့် Speed Boat တစ်စီးတို့အား ချင်းတွင်းမြစ်ရိုးအောက်၌ တိုက်ခိုက်ခဲ့ကြောင်း မင်းကင်းမြို့နယ်ပြည်သူ့ကာကွယ်ရေးအဖွဲ့ (မြစ်ရိုးအောက်ဒေသ)က ယနေ့(နိုဝင်ဘာ ၂၃ ရက်) ထုတ်ပြန်သည်။
ယနေ့ နေ့လည် ၁ နာရီမှစတက်၍ ၂ နာရီခန့်အထိ တိုက်ပွဲဖြစ်ပွားခဲ့ကာ ပြည်သူ့တပ်ဖွဲ့များက လက်နက် ကြီး၊ လက်နယ်ငယ်များဖြင့် တရစပ်တိုက်ခိုက်ခဲ့ရာ စစ်ကောင် စီ၏ ကုန်အမြန်ရေယာဉ်တစ်စီးနောက်ပိုင်း မီးလောင်ကျွမ်း ပျက်ဆီးခဲ့သည်။
ထိုရေယာဥ်မှာမောင်းမရတော့သည့်အတွက် အခြား ပါလာသည့် ကုန်တင်အမြန်ရေယာဉ်ဖြင့် ဆွဲငင်သွားခဲ့ရကြောင်းမင်းကင်းမြို့နယ်ပြည်သူ့ကာကွယ်ရေးအဖွဲ့ (မြစ်ရိုးအောက်ဒေသ)က ဆိုသည်။
စစ်ကောင်စီတပ်သားများ၏ ထိခိုက်သေဆုံးမှုကို သီးခြားအတည်မပြုနိုင်သော်လည်း ထိခိုက်မှုများ ရှိနိုင်လိမ့်ဟု ထုတ်ပြန်ချက်၌ပါရှိသည်။
Public Service Announcement
မင်းကင်းမြို့နယ်ပြည်သူ့ကာကွယ်ရေးအဖွဲ့ (မြစ်ရိုးအောက်ဒေသ)မှ တပ်သားများအနေဖြင့် ထိခိုက်မှုမရှိဘဲ အောင်မြင်စွာ ဆုတ်ခွာနိုင်ခဲ့ကြောင်းလည်း သိရသည်။
