ဒီဇင်ဘာ ၁၃၊ ၂၀၂၅။မေရီ/People’s Spring
မန္တလေးမြို့မှာ စစ်အုပ်စုအဖွဲ့ဝင်တွေ ပိုမိုစစ်ဆေးရေဒတင်းကြပ်လာပြီး တရားဝင် သယ်လာတဲ့ ကျောက်တွေကိုပါ သိမ်းနေကြောင်း ဒေသခံတွေက ပြောပါတယ်။
မန္တလေးမြို့မှာ ဒီဇင်ဘာလဆန်းကတည်းက စစ်ကောင်စီရဲ့ စစ်ဆေးရေးအဖွဲ့တွေက လမ်းစုံနေရာစုံမှာ ပိုမိုစစ်ဆေးလာပြီး ဆိုင်ကယ်တူးဘောက်စ်ထဲ ထည့်လာတဲ့ ကျောက်တွေကိုပါ အဓမ္မသိမ်းယူသွားကြောင်း ကျောက်ရောင်းဝယ်ရေးလုပ်ကိုင်သူအချို့က ပြောပါတယ်။
“ကျောက်သမားလိုင်စင်လည်းရှိတယ်။ ပြလည်းပြတယ်။ ဒါကို တူးဘောက်စ်ထဲ ထည့်လာတဲ့ ကျောက်တွေကို သိမ်းသွားတာ”လို့ ကျောက်သမားတစ်ဦးက ပြောပါတယ်။
Public Service Announcement
စစ်အုပ်စုဟာ ချမ်းမြသာစည်မြို့နယ်ထဲမှာ သိမ်းဆည်းခဲ့တာဖြစ်ပြီး ဘယ်နှစ်ဦးလောက်သိမ်းဆည်းခံရတယ်ဆိုတာတော့ မသိရသေးဘူးလို့ ကျောက်သမားတချို့က ပြောပါတယ်။
အသိမ်းခံရတဲ့ကျောက်ကိုတော့ စစ်အုပ်စုဆီကနေ ငွေပေးပြီး ပြန်လည်ရွေးယူနေရကြောင်း ကျောက်သမားအချို့က ပြောပါတယ်။
ဒါ့အပြင် စစ်အုပ်စုရဲ့စစ်ဆေးရေးအဖွဲ့ဟာ ပြည်သူတွေရဲ့မိုဘိုင်းဖုန်းတွေကိုလည်း စစ်ဆေးနေပြီး နိုင်ငံရေးနဲ့ပတ်သက်တာတွေနဲ့ စလော့ဂိမ်းတွေတွေ့ရင် ကျပ်သိန်းဆယ်ချီအထိတောင်းတာ ဖမ်းဆီးငွေညှစ်နေကြောင်း မန္တလေးမြို့ခံတွေက ပြောပါတယ်။
