စစ်တပ်ရွေးကောက်ပွဲ ရန်ကုန်မှာမဲပေးသူအလွန်နည်းပါး

■ပြည်ပမဲ​ပေးမှုစံချိန်တင်နည်း ၊၂၀၂၀​ရွေး​ကောက်ပွဲထက်မဲရုံ​ပေါင်း ၁၈၀၀၀ဆကျာ်​လျော့နည်း ၊ မြို့နယ်​ပေါင်း ၆၅ မြို့နယ်မှာ​ရွေး​ကောက်ပွဲမလုပ်နိုင် ​၊KIAသိမ်းပိုက်ထားတဲ့မြို့နယ်​တွေနဲ့တိုက်ပွဲပြင်းထန်တဲ့မြို့နယ်​တွေပါ​ရွေး​ကောက်ပွဲလုပ်မယ့်စာရင်းထဲစစ်တပ်ထည့်ထား

ဒီဇင်ဘာ-၂၈၊၂၀၂၅။တာရာ/People’s Spring

ဒီကနေ့လုပ်​နေတဲ့ စစ်တပ်ရွေးကောက်ပွဲမှာ ရန်ကုန်မြို့မှာ မဲပေးသူအလွန်နည်းပါးလျက်ရှိပါတယ်။

အာဏာသိမ်းစစ်တပ်က ရန်ကုန်မြို့မှာ စစ်သားနဲ့‌ရဲတွေ လုံခြုံရေးအများအပြားချထားပြီး မဲ​ပေးသူကနည်းနည်း စစ်သား ၊ရဲ နဲ့ အရပ်ဝတ်လုံခြုံ​ရေး​တွေက ပိုများ​နေတာကိုမြင်​တွေခဲ့ရပါတယ်။

Public Service Announcement

စစ်တပ်​ရွေး​ကောက်ပွဲအ​ပေါ် ပြည်သူ​တွေက စိတ်ဝင်စားသူနည်းပါးသလို မဲလည်းမ​ပေးချင်ကြ​ကြောင်း​ပြောပါတယ် ။ဒါ​ပေမယ့် ပြည်သူအချို့ကြားထဲမှာ မဲမ​ပေးရင်စစ်တပ်က အန္တရာယ်​ပေးမှာကို စိုးရိမ်​နေကြတာကို​တွေ့ရပါတယ် ။

မဲ​ပေးသူတဦးက​တော့ မဲ​ပေးချင်လို့မဟုတ်ပဲမဲမပေးရင် စစ်တပ်က အန္တရာယ်ပြုမှာကိုစိုးရိမ်တာကြောင့် မဲလာပေးတာလို့ ပြောပါတယ်။ ပြည်သူ​တွေက စစ်တပ်အန္တရာယ်​ပေးမှာကိုစိုးရိမ်​နေကြ​ပေမယ့် မဲလာ​ပေးသူ ဒီ​နေ့ နံနက်ပိုင်းမှာအလွန်နည်းတာကိုမြင်​တွေ့ရပါတယ် ။

ဒါအပြင် ​ဖောကားတစ်စီးနဲ့ ကား​ပေါ်လူအပြည့်သယ်​ဆောင်လာပြီး မဲရုံဆီကို​​မောင်းသွားတဲ့ကားတစ်စီးကိုလည်း​တွေ့ရပါတယ်။ဘယ်ကလူ​တွေကို​ခေါ်လာတယ်ဆိုတာ​တော့မသိရပါဘူး။

စစ်တပ်​ရွေး​ကောက်ပွဲဟာ ပြည်ပနိုင်ငံ​ရောက်မြန်မာ​တွေလည်း စံချိန်တင် မဲ​ပေးမှု နည်းခဲ့ပါတယ် ။ နိုင်ငံတကာမှာ မြန်မာနိုင်ငံသားတရားဝင်​ရော၊တရားမဝင်​ရောက်​နေသူ ၁၀ သန်း​ကျော်ရှိ​ပေမယ့် စစ်တပ်​ရွေး​ကောက်ပွဲကို မဲ​ပေးဖို့စာရင်း​ပေးထားသူ ၅၀၀၀ ​ကျော်ပဲရှိတယ်လို့ စစ်တပ်​လက်​အောက်ခံ​ရွေး​ကောက်ပွဲ​ကော်မရှင်က ​ပြောထားပါတယ်။ မြန်မာနိုင်ငံသားသန်း​ပေါင်းများစွာရှိတဲ့ ထိုင်းနိုင်ငံမှာ မဲ​ပေးသူ သုံးရာ​ကျော်ပဲရှိတယ်လို့ သတင်းရရှိပါတယ် ။

၂၀၂၀ ​ရွေး​ကောက်ပွဲမှာပြည်သူ ၃၇ ​ကျော်မဲ​ပေးပြီး တခဲနက်အနိုင်ရရှိထားတဲ့ ​ရွေး​ကောက်ခံအရပ်သားအစိုးရကို စစ်တပ်က လက်နက်အားကိုးနဲ့ အာဏာသိမ်းပြီး ၅ နှစ်အကြာမှာ နိုင်ငံတစ်ဝန်းတိုက်ပွဲ​တွေပြင်းထန်စွာဖြစ်ပွား​နေတဲ့ကြား၊နယ်​မြေအများအပြားဆုံးရှုံးထားတဲ့ကြားက​ရွေး​ကောက်ပွဲလုပ်​နေတာဖြစ်ပါတယ်။အာဏာသိမ်း စစ်တပ်တရားဝင်မှုရဖို့နဲ့ အာဏာ​ရေရှည်ဆုပ်ကိုင်နိုင်ဖို့လုပ်တဲ့​ရွေး​ကောက်ပွဲကို ဆန်ကျင်ကြဖို့​တော်လှန်​ရေးအင်အားစု​တွေကတိုက်တွန်းထားပါတယ်။

ဒါအပြင်​တော်လှန်​ရေးအင်အားစု​တွေ သိမ်းပိုက်ထိန်းချုပ်ထားတဲ့​ဒေသ​တွေမှာ စစ်တပ်​ရွေး​ကောက်ပွဲမလုပ်နိုင်ပါဘူး ။စစ်တပ်က ​ရွေး​ကောက်ပွဲကိုအပိုင်း ၃ ပိုင်းခွဲလုပ်မယ်လို့​ပြောထားပြီး ဒီဇင်ဘာ၂၈ မှာလုပ်တဲ့ အပိုင်း တစ်မှာ ၁၀၂ မြို့နယ် ၊ ၂၀၂၆ ဇန်နဝါရီမှာလုပ်မယ့်အပိုင်း နှစ်မှာမြို့နယ် ၁၀၀ ၊ ဇန်နဝါရီ ၂၅ မှာလုပ်မယ့်အပိုင်း သုံးမှာ ၆၃ မြို့နယ်လုပ်မယ်လို့ဆိုပါတယ်။

ဒါ​ကြောင့် မြို့နယ် ၆၅ မြို့နယ်မှာ​ရွေး​ကောက်ပွဲမလုပ်နိုင်ပါဘူး ။အဲဒီမြို့နယ်​တွေဟာ​တော်လှန်​ရေးတပ်​တွေသိမ်းပိုက်ထိန်းချုပ်ထားတဲ့​ဒေသတွဖြစ်ပါတယ်။

စစ်တပ်​ရွေး​ကောက်ပွဲအပိုင်း ၃ လုပ်မယ့်​ကြေညာထားတဲ့ အထဲကချင်ပြည်နယ်က မံစီ၊မိုး​​မောက်မြို့​တွေလည်းပါဝင်​နေပြီး အဲဒီမြို့နယ်​တွေဟာ​KIA ကသိမ်းပိုက်ထိန်းချုပ်ထားလို့ စစ်တပ်​တောင်မြို့ထဲမရှိတဲ့မြို့ဖြစ်​နေပါတယ်။ ဒါအပြင် အပိုင်း (၁)၊(၂)လုပ်မယ်ဆိုတဲ့ မြို့နယ် ၂၀၂ မြို့နယ်ထဲမှာ​တောင် ​ရွေး​ကောက်ပွဲမလုပ်နိုင်တဲ့ ရပ်ကွက်​ပေါင်း ၁၆၁ ရပ်ကွက် နဲ့ ​ကျေးရွာအုပ်စု​ပေါင်း ၂၇၇၀ ရှိပါတယ်။ ဒီအ​ခြေအ​နေ​တွေ​ကြောင့် စစ်တပ်​ရွေး​ကောက်ပွဲဟာ ၂၀၂၀ ​ရွေး​ကောက်ပွဲနဲ့နှိုင်းယှဥ်ရင်မဲရုံ​ပေါင်း ၁၈၀၀၀ ​ကျော်​လျော့နည်းသွားတယ်လို့စစ်တပ်ခန့်​ရွေး​ကော်ဥက္ကဌကမီ​ဒီယာ​တွေကို​ပြောထားပါတယ် ။

ဒါအပြင် ကချင်ပြည်နယ်ဗန်း​မော် ကရင်ပြည်နယ်ကဖားပွန် ၊မ​ကွေးတိုင်းက ဆင်ဖြူကျွန်း ၊စလင်းစတဲ့​ဒေသ​တွေကိုပါ​ရွေး​ကောက်ပွဲလုပ်မယ်လို့ စစ်တပ်ကဆို​နေတာဖြစ်ပါတယ်။