စစ်ကောင်စီတပ်ထောင်ထား​သောမိုင်းကြောင့် မိခင်​သေဆုံးပြီး ၂နှစ်အရွယ်ကလေးငယ်​ ခြေတစ်ဖက်ဖြတ်လိုက်ရ

ယမန်နေ့( ဒီဇင်ဘာ ၅ ရက်) နေ့လယ်က မိသားစုတစ်စုသည် တောင်ယာသွားလုပ်ပြီး နေအိမ်သို့ပြန်လာချိန်တွင်အိမ်ရှေ့အရောက်၌ မိုင်းပေါက်ကွဲမှု ကြုံတွေ့ရခြင်းဖြစ်သည်။

မိုင်းပေါက်ကွဲမှုကြောင့် မိခင်ဖြစ်သူသည် ပွဲချင်း သေဆုံးခဲ့ပြီး ၂ နှစ်အရွယ် သမီးဖြစ်သူသည် ညာခြေပြတ်ကာ၊ ဦးခေါင်းထိခိုက်ဒဏ်ရာဖြင့် စိုးရိမ်ရသောအခြေနေရှိနေသည်ဟု မင်းတပ်မြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ထားသည်။

ထိုအပြင် မိုင်းပေါက်ကွဲသည့် နေရာအနီးမှ အမျိုးသမီးတစ်ဦးလည်း မိုင်းစထိမှန် ဒဏ်ရာအနည်းငယ် ရခဲ့သည်။

အဆိုပါ မိုင်းသည် လူနေကျေးရွာအတွင်း အိမ်ရှေ့တွင် အကြမ်းဖက်စစ်ကောင်စီက ထောင်ထားခဲ့ခြင်းဖြစ်​ကြောင်းမင်းတပ်မြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်ထားသည်။

Public Service Announcement

မင်းတပ်မြို့နယ်အပါအဝင် ချင်းပြည်နယ် ရှိမြို့နယ်အချို့တွင် စစ်​ကောင်စီတပ်က လူ​နေ​​ကျေးရွာနှင့်​တောင်ယာအတွင်း မိုင်း​ထောင်ထားသဖြင့် ​ဒေသခံပြည်သူများ ထိ့ခိုက်မှု မကြာခဏ ဖြစ်ပွား​နေသည်။