ဧပြီ – ၁၇ ၊၂၀၂၆/People’s Spring
အာဏာသိမ်းစစ်တပ်ရဲ့မတရားဖမ်းဆီးခံရပြီးထောင်ဒဏ် တစ်သက် တစ်ကျွန်း ချခံထားရတဲ့ မှတ်တမ်းရုပ်ရှင်ဖန်တီးသူ မရှင်ဒေဝီ ဒီနေ့ ( မြန်မာနှစ်ဆန်းတစ်ရက်) လွတ်ငြိမ်းမှာ အင်းစိန်ထောင်ကနေလွတ်မြောက်လာပါပြီ။
မရှင်ဒေဝီ ကို ၂၀၂၃ ခုနှစ် ၊အောက်တိုဘာလလယ်ပိုင်းက ဖမ်းဆီးပြီး အကြမ်းဖက်ပုဒ်မ နဲ့ စွဲချက်တင်ကာ အင်းစိန်ထောင်တွင်းစစ်ခုံရုံးကနေ ထောင်ဒဏ် တစ်သက်ချထားတာပါ။
ဒီနေ့ မြန်မာနှစ်ဆန်းတစ်ရက်နေ့ အဖြစ် နိုင်ငံတဝန်းအကျဉ်းထောင်တွေကအကျဉ်းသူ ၊အကျဉ်းသား ၄,၀၀၀ ကျော်ကို လွှတ်ပေးမယ်လို့ အာဏာသိမ်းစစ်ခေါင်းဆောင်က ကြေညာပါတယ်။
Public Service Announcement
လွှတ်ပေးမယ့်သူတွေထဲ နိုင်ငံအရေးအရ ဖမ်းဆီးထားတဲ့ နိုင်ကျဉ်း ဦးရေဘယ်လောက်ပါဝင်မလဲဆိုတာကိုမသိရသေးပါဘူး။
အရင်လွတ်ငြိမ်းတွေမှာတော့ နိုင်ငံရေးအကျဉ်းသားပါဝင်မှု နည်းပါးတယ်လို့ နိုင်ကျဉ်းအရေးဆောင်ရွက်တဲ့အဖွဲ့တွေက ထောက်ပြထားပါတယ်။
စစ်တပ်ရဲ့ တကျော့ပြန်အာဏာသိမ်းမှုအတွင်း လူပေါင်း ၃၀,၀၀၀ ကျော် ဖမ်းဆီးခံခဲ့ရတယ်လို့ နိုင်ငံရေးအကျဉ်းသားများကူညီစောင့်ရှောက်ရေး အသင်း(AAPP) ရဲ့ စာရင်းအရသိရပါတယ်။
ဓာတ်ပုံ – PS
