လွတ်မြောက်ပြီးမှ ပြန်လည်အဖမ်းခံရသည့် နိုင်ငံရေးအကျဉ်းသား ၁၁၀ ဦးရှိဟု AAPP ထုတ်ပြန်

အကျဉ်းထောင်အသီးသီးက လွတ်မြောက်ပြီးနောက် ပြန်လည်အဖမ်းခံရသည့် နိုင်ငံရေးအကျဉ်းသား ၁၁၀ဦးရှိကြောင်း နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)က ယနေ့(​​အောက်တိုဘာ၂၁) ထုတ်ပြန်လိုက်သည်။

ထိုသို့ ပြန်လည်ဖမ်းဆီးခံရသူများတွင် ထောက်ဗူးဝရောက်မှ ပြန်အဖမ်းခံရသူများရှိသလို နေအိမ်သို့ပြန်ရောက်ချိန်မှ ထပ်မံဖမ်းဆီးခံရသူများလည်းရှိပြီး အမှန်တစ်ကယ် ပြအဖမ်းခံရသည့်အရေအတွက်မှာ ယခုထက်ပိုနိုင်သည်ဟု ထုတ်ပြန်ချက်က ဆိုသည်။

ပြန်လွှတ်ပြီးမှ ယခုကဲ့သို့ ပြန်လည်ဖမ်းဆီးအကျဉ်းချသည့် စစ်ကောင်စီ၏လုပ်ရပ်မှာ နိုင်ငံရေးအကျဉ်းသားများ၏ မျှော်လင့်ချက်အား ရိုက်ချိုးယုံမျှမက မိသားစုဝင်များ ကလေးသူငယ်များအပေါ် ရုပ်ပိုင်းဆိုင်ရာ/စိတ်ပိုင်းဆိုင်ရာ ရက်စက်ကြမ်းကြုတ်မှုပင်ဖြစ်ကြောင်း AAPPက ထောက်ပြထားသည်။

ထို့ကြောင့် စစ်အုပ်စု၏ယခုလုပ်ရပ်အပေါ် ပြင်းထန်စွာရှုံ့ချပြီး နိုင်ငံတော်သမ္မတနှင့် နိုင်ငံတော်အတိုင်ပင်ခံပုဂ္ဂိုလ်အပါအဝင် နိုင်ငံအကျဉ်းသားအားလုံး ပြန်လွှတ်ပေးရန် AAPP က တောင်းဆိုလိုက်သည်။

Public Service Announcement

ယင်းအပြင် ရက်စက်ကြမ်းကြုတ်သည့် စစ်အုပ်စု၏ လုပ်ရပ်များကို AAPP အနေဖြင့် ဖော်ထုတ်သွားမည်ဖြစ်ပြီး ထိုဖော်ထုတ်မှုများကို နိုင်ငံတကာအသိုင်းအဝိုင်းအနေဖြင့်လည်း ထိရောက်သည့်အရေးယူဆောင်ရွက်မှုများပြုလုပ်ပေးရန် တိုက်တွန်းထားသည်။