'/%3E%3C/svg%3E){kind=small}
အောက်တိုဘာ – ၃၀ ၊၂၀၂၆
မန္တလေးမြို့ ၊ ချမ်းမြသာစည်မြို့နယ် ၊ ကုန်းလမ်းပို့ဆောင်ရေးညွှန်ကြားမှုဦးစီးဌာန(ကညန)ရုံးရှေ့မှာ အမျိုးသားတစ်ဦးကို ဓားနဲ့ သတ်ဖြတ်သွားတဲ့အမှုနဲ့ပတ်သက်ပြီးအမျိုးသားနှစ်ဦးကို အာဏာသိမ်းစစ်တပ်လက် အောက်ခံရဲက ဖမ်းဆီးထားတယ်လို့မြို့ခံအချို့ဆီကသိရပါတယ်။
သိပ္ပံလမ်းမပေါ် ရှိ ကညန ရုံးရှေ့က လျှပ်စစ်ကားအားသွင်းတဲ့ နေရာအနီးမှာ အသက် ၃၀ ဝန်းကျင်အရွယ်အမျိုးသားကို လည်ပင်းမှာဓားဒဏ်ရာတွေနဲ့သေဆုံးနေတာ အောက်တိုဘာလ ၂၉ ရက် မနက် ၇ နာရီခန့်က တွေ့ခဲ့ရတာပါ။
သေဆုံးသူဟာ အသက် ၃၂ အရွယ် မန္တလေး စည်ပင်ဝန်ထမ်း ကိုမျိုးသန့် ဆိုသူဖြစ်ပြီး ရဲကဖမ်းထားတဲ့ ကျုးလွန်သူဆိုသူကတော့ အသက် ၁၉ နှစ်အရွယ်ဆယ်ကျော်သက်အမျိုးသားပါ။သူတို့နှစ်ဦးဟာ အသိတွေဖြစ်ပြီး အခင်းဖြစ်တဲ့ ညက ဘီယာအတူသောက်ကြတယ်လို့သိရပါတယ်။
Public Service Announcement
အဲဒီနောက် လူသတ်ပြီး ကိုမျိုးသန့်ဆီက ရွှေဆွဲကြိုး၊ ဖုန်းနဲ့ ငွေသားအချို့ကိုလုယူသွားခဲ့တာပါ။ ဖြစ်စဉ်မှာ ကျုးလွန်သူထွက်ပြေးရာမှာ ပို့ဆောင်ပေးတဲ့ မီနီအိုးဝေမောင်းသူကိုပါ ရဲက ဖမ်းထားတာပါ။
အခုတော့ အသက် ၁၉ နှစ်အရွယ်အမျိုးသားကို လူသတ်မှုပုဒ်မ ၃၀၂ နဲ့အမှုဖွင့်ထားတယ်လို့သိရပါတယ်။
