'/%3E%3C/svg%3E){kind=small}
မန္တလေး ကျောက်ဝိုင်းအပြင်မှာ တရားမဝင် ကျောက်အရောင်းအဝယ်လုပ်တယ်ဆိုကာ ဖမ်းဆီးထားသူ ကျော်သမား ၄၀၀လောက်ကို စစ်ကောင်စီက အမှုဖွင့်တရားစွဲဆိုထားတယ်လို့သိရပါတယ်။
ကျောက်မျက်ဥပဒေမှာပြဌာန်းထားတဲ့ လိုင်စင်မရှိဘဲရောင်းဝယ်မှု ၊ ပူးပေါင်းကြံစည်မှု တွေနဲ့အမှုဖွင့်ထားတာလို့ကနဦးသိထားရပြီး ဒီပုဒ်မတွေဟာ ထောင် ၃ နှစ်အထိချလို့ရတယ်လို့သိရပါတယ်။
ဖမ်းဆီးထားသူတွေကို အိုးဘိုထောင်မှာ ထားရှိထားပြီး အဲဒီအထဲမှာ တရုတ်နိုင်ငံသားတွေလည်းပါဝင်နေပါတယ်။
ပြီးခဲ့တဲ့ရက်ပိုင်းက ဒီလိုဖမ်းဆီးမှုတွေလုပ်လိုက်ပြီးနောက် မဟာအောင်မြေကျောက်ဝိုင်းမှာ အရောင်းအဝယ်လုပ်လာတာတွေရှိလာတယ်လို့ကျောက်သမားတွေကဆိုကြပါတယ်။
Public Service Announcement
ကျောက်ဝိုင်းမှာ အရောင်းအဝယ်လုပ်တဲ့အခါ စစ်ကောင်စီကိုပေးရတဲ့အခွန်အခများတာကြောင့် ကျောက်သမားတွေကပြင်ပမှာရောင်းဝယ်လုပ်ကြတာလို့သိရပါတယ်။
“အခုက ဝိုင်းထဲမှာဝင်ပြီးလုပ်နေကြတယ်၊ အပြင်ဘက်တန်းမှာလည်း မလုပ်ရဲကြဘူးလေ၊လုပ်ရင်ဖမ်းမယ်လို့ပြောထားတာကို ၊ဒါပေမယ့် အလုပ်မဖြစ်ဘူးရယ် ထမင်းစားကျောက်လောက်ပဲအရောင်းအဝယ်လုပ်နေကြတာ၊သိန်းကြီး ရာကြီးကျောက်တွေက ဖမ်းခံရလို့တော်တော်များများပါသွားကြပြီလေ၊ အဓိကလူတွေ ကျောက်တွေကိုဖမ်းလိုက်တော့ ဝိုင်းက ငြိမ်သွားတော့တာပဲ “လို့ ကျောက်ပွဲစားတစ်ဦးကပြောပါတယ်။
မန္တလေးကျောက်ဝိုင်းနေရာကို တွေ့ရစဉ် ( ပုံဟောင်း )
