ကျိုက်ထိုမြို့နယ် ကင်မွန်းချောင်းကျေးရွာ အခြေခံပညာအထက်တန်းကျောင်း၌ ဖြစ်ပွားခဲ့သော ပေါက်ကွဲမှုဖြစ်စဥ်မှာ ၎င်းတို့လုပ်ဆောင်ချက်မဟုတ်ကြောင်း ကျိုက်ထိုတော်လှန်ရေးအင်အားစု( KRF )က ကြေညာချက် ထုတ်ပြန်သည်။
ယနေ့(ဇန်နဝါရီ ၆ ရက်) နံနက် ၈နာရီခွဲခန့်တွင် ကင်မွန်းချောင်းကျေးရွာ အခြေခံပညာအထက်တန်း ကျောင်း ပေါက်ကွဲမှုဖြစ်ပွားခဲ့ခြင်း ဖြစ်သည်။
“မနက်က ကျောင်းရှေ့နားမှာ ပေါက်တာ။ကျောင်းတက်ခါနီး အချိန်လောက်ပဲ။ ရဲတစ်ယောက်နဲ့ ကျောင်းသူတစ်ယောက် ထိတယ်။တိုက်နယ်ဆေးရုံကို ပို့လိုက်တယ်လို့ သိရတယ်ဗျ”ဟု ကျိုက်ထိုဒေသခံတစ်ဦးက ပြောသည်။
ပြည်သူလူထုအပေါ် တစ်စုံတစ်ရာ ထိခိုက်နစ်နာ ပျက်စီးဆုံးရှုံးစေမည့် ဖောက်ခွဲမှု၊ ပစ်ခတ်မှုများအား ပြုလုပ်ခြင်း အလျှင်းမရှိပါကြောင်းနှင့် ကျွန်ုပ်တို့ KRFမှ ပစ်မှတ်ထားတိုက်ခိုက်ခြင်းများအား ပြည်သူများထံသို့ အတိအလင်းအသိပေးဖော်ပြမည်ဟုလည်း ယခင်ကတည်းက KRFက အသိပေးခဲ့သည်။
Public Service Announcement
PDFများနှင့် ပြည်သူကို သွေးခွဲရန်အတွက်စာသင် ကျောင်းများ၊ဘုန်ကြီးကျောင်းများတွင် ဗုံးဖောက်ခွဲရန် အကြမ်းဖက်စစ်ကောင်စီ၏ လျှို့ဝှက်စာအချို့ နိုဝင်ဘာအတွင်းက ပေါက်ကြားမှုလည်း ရှိထားသည်။
