ရန်ကုန်မြို့လယ်က လူငယ်များရဲ့စစ်အာဏာရှင်ဖြုတ်ချရေး

အကြမ်းဖက်စစ်ကောင်စီက ဖမ်းဆီးမှုများ ရှိနေသော် လည်း ရန်ကုန်မြို့လယ်ရှိ အနော်ရထာလမ်းမကြီးပေါ်တွင် ယနေ့ (ဇွန်လ ၂၆ ရက်) ညနေပိုင်း၌ လူငယ်များက စစ်အာဏာရှင် ဖြုတ်ချရေး ချီတက်ဆန္ဒပြကြခဲ့သည်။

ယင်းသပိတ်တွင် မြို့နယ်အသီးသီးမှ လူငယ်များနှင့် ပြည်သူများ ၂၀၀ခန့် ပူးပေါင်းပါဝင်ခဲ့ပြီး “စစ်ဖိနပ်အောက် ငါတို့ဘယ်တော့မှ ဒူးမထောက်ဘူး” ဆိုသည့် စာတန်းကိုင်ဆောင်ကာ ဖမ်းဆီးခံခေါင်းဆောင်များ လွှတ်ပေးရေးနှင့် ဒီမ်ိုကရေစီ ရရှိစေရေး ကြွေးကြော်ကာ ချီတက်ဆန္ဒပြခဲ့ကြသည်။

မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့ ၁၄၆ ရက် ပြည့်မြောက်ခဲ့ပြီ ဖြစ်သည်။

ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။

Public Service Announcement