မြေနီကုန်းခုံးတံတားအောက် ယာဥ်ထိန်းရဲရုံးအနီး ဗုံးပေါက်၊ အမျိုးသမီးတစ်ဦးဒဏ်ရာရ

ရန်ကုန်မြို့ စမ်းချောင်းမြို့နယ် မြေနီကုန်းခုံးတံတားအောက်ရှိ ယာဥ်ထိန်းရဲရုံးအနီးတွင် ယနေ့(ဇူလိုင် ၁ ရက်) နံနက် ၈နာရီခန့်က ဗုံးပေါက်ကွဲမှုဖြစ်ခဲ့ကြောင်း မျက်မြင်တွေ့ရှိသူတစ်ဦးက ပြောသည်။

အဆိုပါ ဗုံးပေါက်မှုကြောင့် အမျိုးသမီးတစ်ဦးဒဏ်ရာရရှိခဲ့ကြောင်း ၎င်းက ပြောသည်။”ကျွန်တော်တို့က ဒီဘက်နားက ဘဏ်မှာ ATM တန်းစီရင်း ကြားလိုက်တာ။ အသံအကျယ်ကြီးပဲ။ အမျိုးသမီးတစ်ဦး ဒဏ်ရာရသွားတာ တွေ့ရတယ်။ အခုတော့ ဆေးရုံကား လာခေါ်သွားပါပြီ “ဟု မျက်မြင်တွေ့ရှိသူက ​​ပြောသည်။

လက်ရှိတွင် အကြမ်းဖက်စစ်​ကောင်စီတပ်ဖွဲ့ဝင်များ ရောက်ရှိလာပြီး မြေနီကုန်းလမ်းဆုံတစ်ဝိုက် စစ်ဆေးမှုများ ပြုလုပ်နေကြောင်း ရပ်ကွက်နေပြည်သူများက ပြောသည်။

ယခုလပိုင်းအတွင်း ရန်ကုန်မြို့​နေရာအနှံ့အပြားတွင် ဗုံး​ပေါက်ကွဲမှုများ ​နေ့စဥ်ရက်ဆက် ဖြစ်​ပေါ်​နေသည်။ ​ပေါက်ကွဲမှုဖြစ်သည့် ​နေရာအများစုမှာ ရပ်ကွက်အုပ်ချုပ်​ရေးမှူးရုံး၊​ထွေအုပ်ရုံး၊ ရဲကင်း၊ရဲစခန်းနှင့် ဌာနဆိုင်ရာ​များနှင့် နီးစပ်သည့်​နေရာများတွင် ဖြစ်​ပေါ်​နေသည်။

Public Service Announcement