ဝက်လက်မြို့နယ်တွင် စစ်​ကောင်စီယာဥ်တန်းတိုက်ခိုက်ခံရ

စစ်ကိုင်းတိုင်း၊ ဝက်လက်မြို့နယ်၊ ရွှေဘို-မန္တလေးလမ်းမကြီးပေါ်တွင် အကြမ်းဖက်စစ်ကောင်စီယာဥ်တန်းတိုက်ခိုက်ခံရပြီး ထိခိုက်မှုများရှိနိုင်ကြောင်း ဝက်လက်မြို့နယ် ပြည်သူ့ကာကွယ်ရေးအဖွဲ့(တပ်ရင်း၁) က သတင်းထုတ်ပြန်သည်။

ဇန်နဝါရီလ ၁၁ ရက်နေ့ည ၁၁း၃၀ အချိန်က စစ်ကိုင်းမှ ရွှေဘိုဘက်သို့လာသော ကား ၄စီးပါအကြမ်းဖက်စစ်ကောင်စီယာဥ်တန်းအား ဝက်လက်မြို့နယ် ပြည်သူ့ကာကွယ်ရေးအဖွဲ့၊ တပ်ရင်း ၁ မှ ရှေ့ထွက်မိုင်း ၅ လုံးဖြင့် တိုက်ခိုက်ခဲ့ပြီး အကြမ်းဖက်စစ်ကောင်စီဘက်မှ ထိခိုက်မှုရှိကြောင်း၊ ညအချိန်ဖြစ်သည့်အတွက် အကျအဆုံးမသိရကြောင်း ဝက်လက်မြို့နယ် ပြည်သူ့ကာကွယ်ရေးအဖွဲ့(တပ်ရင်း၁)က ယနေ့ဇန်နဝါရီလ ၁၄ ရက်နေ့တွင် သတင်းထုတ်ပြန်သည်။

ဇန်နဝါရီလ၊ ( ၁၀ ) ရက်နေ့ ညနေ ၅း၃၀ အချိန်ခန့်ကလည်း ဝက်လက်မြို့နယ် အတွင်းသို့ ရိက္ခာပို့ရန် ‌ငွေတွင်းကျေးရွာမှ အကြမ်းဖက်စစ်ကောင်စီ၏‌ ထောက်တိုင်ဖြစ်သော ပျူစောထီး ထောက်ပို့ယာဥ် ( CANDA – 4G/4858 ) တစ်စီးအား ဝက်လက်မြို့နယ် အနောက်ခြမ်း ‌ရွှေပန်းကုံးကျေးရွာ နှင့် သမ္မာရိုးကျေးရွာ အကြားတွင် ဝက်လက်မြို့နယ် ပြည်သူ့ကာကွယ်ရေးအဖွဲ့ ( တပ်ရင်း – ၁ ) မှ မိုင်းဆွဲတိုက်ခိုက်ရာ ပျူစောထီး ( ၇ ) ဦး သေဆုံးခဲ့သည်။

ပျူစောထီးအလောင်းများအား ကောက်ပြန်လာသောအကြမ်းဖက်စစ်ကောင်စီ၏ Faw ကားနှင့်ဆိုင်ကယ်၅ စီးကိုလည်း အရာတော်မြို့နယ်၊ ဇရစ်ကျကျေးရွာနှင့် မြေနက်ကျေးရွာအကြား ဝက်လက် PDF တပ်ရင်း(၁)နှင့် ဗိုလ်ယက္ခအဖွဲ့မှ ထပ်မံ မိုင်းဆွဲတိုက်ခိုက်ခဲ့​ပြီး အကြမ်းဖက်စစ်ကောင်စီတပ်သား ၄ ဦးကျဆုံးနိုင်ကြောင်း ဝက်လက်PDF တပ်ရင်း(၁)မှ ထုတ်ပြန်ထားသည်။

Public Service Announcement