'/%3E%3C/svg%3E){kind=small}
ဒေသခံပြည်သူများက အောင်သပြေပန်းနှင့်ကြိုဆို
စစ်ကိုင်းတိုင်း မြောင်မြို့နယ်တွင် ယမန်နေ့ (ဇန်နဝါရီ ၁၅ ရက်)က ဒေသခံကာကွယ်ရေးတပ်ဖွဲ့ (PDF) များက လုံခြုံရေးယူပေးပြီး အမျိုးသားညီညွတ်ရေးအစိုးရ (NUG) ကြိုဆိုထောက်ခံပွဲ ကျင်းပရာ ဒေသခံ ပြည်သူများက အောင်သပြေပန်းနှင့် ကြိုဆိုခဲ့ကြသည်။
ဓာတ်ပုံ – Myaung Union Army ဓာတ်ပုံ – Myaung Union Army
တရားမျှတပြီးလွတ်လပ်သော နိုင်ငံတော်ကြီးကိုပုံဖော်ပေးနိုင်ရန်အတွက် ပြည်သူများ ရွေးကောက်တင်မြှောက်ထားသည့် NUG အစိုးရအား ကြိုဆိုထောက်ခံပြီး ပြည်သူ့ကာကွယ်ရေးလုပ်ငန်းများ တွင်တွင်ကျယ်ကျယ် လုပ်ဆောင်ပေးစေလိုသော ရည်ရွယ်ချက်ဖြင့် NUG ထောက်ခံပွဲနှင့် စစ်အာဏာရှင်ဆန့်ကျင်ရေး ပြည်သူ့သပိတ် ချီတက်ဆန္ဒပြခြင်းတို့ကို ဒေသခံကာကွယ်ရေးတပ်ဖွဲ့များ၏ ဝန်းရံမှုဖြင့်ကျင်းပခဲ့ခြင်း ဖြစ်ကြောင်း သိရသည်။
အဆိုပါ NUG ထောက်ခံပွဲ အောင်မြင်စွာကျင်းပနိုင်ရန်ဒေသခံကာကွယ်ရေးအဖွဲ့များဖြစ်ကြသည့် Myaung Union Army ၊ CDSOM ၊ PDF TALOKE ၊ မြင်းမူလျှပ်စီးပြောက်ကျားအဖွဲ့ ၊ နှလုံးလှလူမိုက်ကြီးများအဖွဲ့ ၊ MGN GANGER ၊ YFPDF ၊ စွန်ရဲအဖွဲ့၊ ပြောက်ကျားလင်းယုန် ၊ ဗိုလ်ကျားသစ် နှင့် GGG စသည့် မြောင်မြို့နယ် အခြေစိုက်ပြည်သူကာကွယ်ရေးတပ်ဖွဲ့များက လုံခြုံရေးလိုက်ပါပေးခဲ့ကြသည်။
Public Service Announcement
