▪️ဒေါ်အောင်ဆန်းစုကြည်ကို ပြစ်ဒဏ်တိုးခြင်းအပါအဝင် စစ်ကောင်စီတရားစီရင်ရေးကို ဝေဖန်
နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ပြစ်ဒဏ်ချမှတ်ခြင်းနှင့် စစ်ကောင်စီ၏ မတရားဖမ်းဆီးခြင်းများအပေါ် စိုးရိမ်ကြောင်း အမေရိကန်ဒုတိယနိုင်ငံခြားရေးဝန်ကြီးက ပြောကြားသည်။
အမေရိကန်ဒုတိယနိုင်ငံခြားရေးဝန်ကြီး Wendy R. Sherman သည် တောင်ကိုရီးယား ဒုတိယနိုင်ငံခြားရေးဝန်ကြီး Choi Jong Kun နှင့်ဆွေးနွေးစဉ် မြန်မာ့အရေးကို ထည့်သွင်းပြောကြားခြင်း ဖြစ်ကြောင်း အမေရိကန်နိုင်ငံခြားရေးဝန်ကြီးဌာနက သတင်းထုတ်ပြန်သည်။
“မြန်မာပြည်သူတွေအပေါ် စစ်ကောင်စီရဲ့ လူမဆန်တဲ့အကြမ်းဖက်မှုတွေ၊ မတရားဖမ်းဆီးမှုတွေ၊ တရားစီရင်မှုတွေနဲ့ ဒေါ်အောင်ဆန်းစုကြည်ကို ပြစ်ဒဏ်ချမှတ်ခြင်းတွေအပေါ် လွန်စွာစိုးရိမ် တယ်လို့ ဒုတိယနိုင်ငံခြားရေးဝန်ကြီးက ထုတ်ဖော်ပြောဆိုခဲ့ပါတယ်” ဟု နိုင်ငံခြားရေးဝန်ကြီးဌာနက ထုတ်ပြန်သည်။
Public Service Announcement
အထက်ပါ ဒုတိယနိုင်ငံခြားရေးဝန်ကြီးနှစ်ဦးသည် ၂၁ ရာစု ကမ္ဘာလုံးဆိုင်ရာစိန်ခေါ်မှုများကို အတူတကွလုပ်ဆောင်ခြင်းဖြင့် အမေရိကန်-တောင်ကိုရီးယား မဟာမိတ်၏ အရေးပါမှုကို ထပ်လောင်းအတည်ပြုခဲ့ကြောင်းလည်း ထုတ်ပြန်ချက်၌ ဖော်ပြသည်။
