ဆီးဂိမ်း ကာယဗလ ပြိုင်ပွဲတွင် မြန်မာနိုင်ငံကိုယ်စားပြုအဖြစ် သွားရောက်ယှဥ်ပြိုင်ရန် လေကျင့်နေသည့် အားကစားသမားတစ်ဦး အလေးပိ၍ သေဆုံးသွားကြောင်း သတင်းရရှိသည်။
ယနေ့ ဇန်နဝါရီ ၁၉ ရက်က မင်္ဂလာတောင်ညွှန့်မြို့နယ် စည်ပင်ဝင်းအတွင်း ပြိုင်ပွဲအတွက်လေ့ကျင့်နေစဥ် မတော်တဆအလေးပိသေဆုံးသွားခြင်းဖြစ်ကြောင်း သွားရောက်ကူညီပေးခဲ့သည့် ဖို့မြေရပ်ကွက် မိသားစု လူမှုကူညီရေးနှင့် ပရဟိတအသင်း၏ ဖေ့စ်ဘွတ်ခ်၌ ရေးသားထားသည်။
ကွယ်လွန်သွားသည့် အားကစားသမားမှာ မြန်မာ့လက်ရွေးစင် ကာလဗလမောင် မိုးဆွေဖြစ်ပြီး ကွယ်လွန်ချိန်၌ အသက် ၃၈ နှစ်အရွယ်ရှိပြီဖြစ်သည်။
“အဓိက ကတော့ အလေးကစားရင်းနဲ့ အလေးဝန်များတာကို ပြန်မတွန်းနိုင်တဲ့အခါ ရင်ဘတ်ပေါ်ကျတာကို ရုန်းထွက်ရင်း လည်ပင်းပေါ်ကိုရောက်သွားတယ်။ လည်ပင်းရိုးကျိုးသွားတယ်လို့တော့ ဆရာတွေက ယူဆပြီးပြောတယ်။ ဖြစ်တဲ့အချိန် ဘယ်သူမှမရှိဘူး။ သူအလုပ်အားတဲ့ အချိန်ဆော့တာလည်းဖြစ်မှာပေါ့” ဟု ကွယ်လွန်သူနှင့်ရင်းနှီသည့် ကာယဗလအားကစားသမားတစ်ဦးကပြောသည်။
Public Service Announcement
မိုးဆွေသည် ၂၀၁၇ တွင် မြန်မာ့လက်ရွေးစင်အဖြစ် ကမ္ဘောဒီးယား၌ စတင်ယှဥ်ပြိုင်ခဲ့ခြင်းဖြစ်ပြီး ပြည်တွင်းပြည်ပ ဆုတံဆိပ်များရရှိထားသူဖြစ်သည်ဟု ၎င်းကပြောသည်။
