■ည ၉ နာရီကျော်အထိ မူးယစ်သောက်စားသူများကိုသတိမပေးတော့ဟုဆို
မန္တလေးမြို့ရှိ ဘီယာဆိုင်နှင့် ကေတီဗွီများတွင် စစ်တပ်ထုတ်ကုန်ဘီယာများ ရောင်းချနေခြင်းအပေါ် အရေးယူဆောင်ရွက်တော့မည်ဖြစ် ကြောင်း Justice Mandalay People Defence Force(JMPDF)က ယနေ့(ဇန်နဝါရီ ၂၄)ထုတ်ပြန် သတိပေးလိုက်သည်။
ထိုသို့ အရေးယူဆောင်ရွက်နိုင်ရန် သတိပေး ချက်ထုတ်ပြန်သည့်နေ့မှစ၍ ၃ ရက်စောင့်ကြည့်သွားမည်ဖြစ်ပြီး သတ်မှတ်ကာလပြည့်ချိန် သတိပေးချက်အားမလိုက်နာပါက မိမိတို့တာ ဝန်သာဖြစ်ကြောင်း JMPDF တပ်ဖွဲ့ဝင် တော် လှန်ရေးရဲဘော်တစ်ဦးက လူထုနွေဦးသို့ ပြော သည်။
“၃ ရက် စောင့်ကြည့်ပေးမယ်။ မဟုတ်ရင်တော့ ဘယ်သူမှ မငဲ့ညာနိုင်တော့ပါဘူးဗျ”ဟု ၎င်းကဆက်ပြောသည်။
ထို့အပြင် အများပြည်သူ စိတ်အနှောက်အ ယှက်ဖြစ်အောင် ညအချိန်မတော် ဆောင်းဘောက်စ်များဖွင့်၍ မူးယစ်သောက်စားနေသူ များ၊ ည ၉ နာရီကျော်သည်အထိ အော်ဟစ်ဆူညံ သောက်စားပျော်ပါးနေသူများကိုလည်း သက်ညှာတော့မည်မဟုတ်ကြောင်း JMPDF ၏ထုတ်ပြန်ချက်တွင် ထည့်သွင်းဖော်ပြသည်။
“အဓိကက တော်လှန်ရေးသမားတွေက အသက်ပေးပြီးတိုက်ပွဲဝင်နေတဲ့အချိန် သူတို့တွေက စကစရဲ့ထောက်တိုင်တွေကို အားပေးပျော်ပါးသောက်စားလုပ်နေကြလို့ပါ”ဟု JMPDF မှ တော်လှန်ရေးရဲဘော်က ပြောသည်။
ထို့ကြောင့် ဘီယာဆိုင်၊ ကေတီဗွီ၊ Bar စသည့်နေရာများတွင် သတိပေးချက်ကို မလိုက်နာဘဲ စစ်တပ်ထုတ်ကုန်ရောင်းချသူနှင့် သုံးစွဲသူများသည် အဆိုပါ ဆိုင်နှင့် Bar နေရာများတွင် ပေါက်ကွဲမှုဖြစ်၍ ထိခိုက်သေဆုံးပါက ကိုယ်ဖြစ်ကိုယ်ခံသာဖြစ်ကြောင်း JMPDF က သတိ ပေးသည်။
မန္တလေးအခြေစိုက် တော်လှန်ရေးအင်အားစုများအနက် လက်ရှိအချိန်ထိ တိုက်ပွဲဝင်လူငယ် ၁၅၀ ဝန်းကျင် စစ်ကောင်စီ၏ဖမ်းဆီးခြင်း ခံထားရကြောင်း မြို့ပြပြောက်ကျားတပ်ဖွဲ့များက ပြောကြားထားသည်။