ကချင်ပြည်နယ် အခြေစိုက် မြောက်ပိုင်းတိုင်းစစ်ဌာန ချုပ်မှ တိုင်းမှူး ဗိုလ်မှူးချုပ် မြတ်သက်ဦးအပါအဝင် စစ်ကောင်စီတပ်အရာရှိများ COVID-19 ကပ်ရောဂါ ကူးစက်ခံနေရပြီး သေဆုံးသူရှိမရှိ စုံစမ်းနေဆဲဖြစ်သည်။
စစ်ကောင်စီတိုင်းမှူး၊ ၎င်း၏ ကိုယ်ရေးအရာရှိ၊ စစ်ဆင် ရေး ဂျီဝမ်း အပါအဝင် စစ်ကောင်စီ အရာရှိများ ကိုဗစ်ရောဂါကူးစက်ခံနေရပြီး တိုင်းမှူးကို တိုင်းစစ်ဌာနချုပ်ရှိ မလိခ ရိပ်သာ၌ ကုသလျက်ရှိကြောင်း ရောဂါကူးစပ်ခံရသူများနှင့်နီးစပ်သူ တစ်ဦးကို ကိုးကားပြီး ကချင်အခြေစိုက်သတင်းဌာန The 74 Media က ယမန်နေ့ညတွင် သတင်းဖော်ပြသည်။
စစ်ကောင်စီအရာရှိ အချို့နှင့်နီးစပ်သူတစ်ဦးကလည်း ဒုဗိုလ်မှူးကြီး တစ်ဦး မန္တလေးမှ ပြန်အလာတွင် ရောဂါကူးစက်ခံရခြင်းမှ အစပြုသည်ဟုယူဆကြောင်း ပြောသည်။
“စစ်ဆင်ရေး ဂျီဝမ်းက မန္တလေးမှာ သင်တန်းသွား တာ အဲဒီကနေ ပြန်လာတဲ့အခါ ကူးလာတာထင်တယ်။ တိုင်းအစည်းအဝေး ပြန်လုပ်တဲ့အခါ အားလုံး ကူးလားမကူးလာတော့မသိဘူး အခု သူတို့ ကွာရန်တင်းဝင်နေတယ်လို့ပြောတယ်” ဟု ၎င်းက ဆိုသည်။
Public Service Announcement
ဖြစ်ပွားသည်မှာ တစ်ပတ်ခန့်ကြာပြီဖြစ်ပြီး သေဆုံးသူရှိမရှိ မသိရသေးကြောင်း အဆိုပါ ပုဂ္ဂိုလ်က ပြောသည်။
