မြန်မာနိုင်ငံတွင် စစ်တပ်ကအာဏာသိမ်းပြီး ၁ နှစ်အတွင်း စအကြမ်းဖက်စစ်ကောင်စီကအရွယ်မရောက်သေးသူများအပါအဝင် ပြည်သူ ၈၄ ဦးကို သေဒဏ်ချမှတ်ခဲ့ခြင်းကို ပြင်သစ်နိုင်ငံက ရှုတ်ချကြောင်း ယနေ့(ဖေဖော်ဝါရီ ၄ ရက်)ထုတ်ပြန်သည်။
စစ်အာဏာသိမ်းမှုနောက်ပိုင်းဖြစ်ပေါ်လာသော အခြေအနေအရပ်ရပ်ကို နက်နဲသောအာရုံစူးစိုက် မှုဖြင့် စိုးရိမ်ပူပန်စွာ စောင့်ကြည့်နေကြောင်း ပြင်သစ်သံရုံး၏ထုတ်ပြန်ချက်၌ ဖော်ပြသည်။
ပြင်သစ်သည် နေရာတိုင်းနှင့် အခြေအနေအရပ်ရပ်တွင် သေဒဏ်ကို အဆက်အပြတ်ဆန့်ကျင်ပြီး အဆိုပါ တရားမျှတမှုမရှိသော၊ လူမဆန်သော၊ ထိရောက်မှုမရှိသော ပြစ်ဒဏ်ကို အလုံးစုံဖျက်သိမ်း ရေးအတွက် ဥရောပသမဂ္ဂရှိ မိတ်ဖက်နိုင်ငံများနှင့်အတူ ကတိကဝတ်ပြုထားသည်ဟု ဆိုသည်။
သေဒဏ်ပေးခြင်းကို ကျင့်သုံးနေသေးသော နိုင်ငံများအားလုံးကိုလည်း သေဒဏ်ကို အပြီးအပြတ် ဖျက်သိမ်းရေးကို ရှေးရှုကာ ဆိုင်းငံ့ထားရန် ပြင်သစ်က တောင်းဆိုထုတ်ပြန်သည်။
Public Service Announcement
