ဖာပွန်ခရိုင်တွင် စစ်ကောင်စီတပ် လက်နက်ကြီး ပစ်ခတ်၍ ကလေးငယ်နှစ်ဦးအပါအဝင် သုံးဦးဒဏ်ရာရ

ဖေဖော်ဝါရီ၁၀ရက် နေ့လည်ပိုင်းက စစ်ကောင်စီတပ်၏ စစ်ကြောင်းတစ်ခုမှ မူတြော်(ဖာပွန်)ခရိုင်၊ ဒွယ်လိုးမြို့နယ်၊ ဝေါ်မူ(ဝင်းမောင်း)ကျေးရွာအုပ်စုအတွင်းရှိ ညာဆာဂေါ်ထာရွာအတွင်းသို့ အမြောက်လက်နက်ကြီးများပစ်ခတ်ခဲ့၍ အသက် ၃နှစ်နှင့် ၆နှစ်အရွယ် ကလေးငယ် နှစ်ဦးနှင့် လူငယ်တစ်ဦး ဒဏ်ရာရခဲ့သည်ဟု ဆိုသည်။

အကြမ်းဖက်စစ်ကောင်စီတပ်များသည် အပြစ်မဲ့ပြည်သူများနေထိုင်ရာကျေးရွာ၊ ဥယျာဉ် ခြံမြေအတွင်းသို့ အမြောက်လက်နက်ကြီးများအား ယခင်ထက်အဆပေါင်းများစွာရမ်းသန်းပစ်ခတ်နေ၍ အပြစ်မဲ့ပြည် သူများ သေကြေ၊ ထိခိုက်ဒဏ်ရာရခဲ့ကြောင်း၊ ထို့ပြင် ရပ်ရွာ၊အိုးအိမ်များအားစွန့်ခွာကာ တောတောင် လျှိုမြောင်များအတွင်းသို့ တိမ်းရှောင်ခိုလှုံနေကြရကြောင်း တပ်မဟာ(၅)က ထုတ်ပြန်သည်။