ချင်း​တောင်တက်လာ​သောစစ်​ကောင်စီတပ်ကို နှစ်​နေရာတွင်တိုက်ခိုက်ရာ အများအပြား​သေဆုံးဒဏ်ရာရဟု PDF(Zoland) ထုတ်ပြန်

ကလေးမြို့မှ ချင်းပြည်နယ် တီးတိန်မြို့နယ်သို့ တက်လာသည့် စစ်ကောင်စီ စစ်ကြောင်းနှင့် မော်တော်ယာဉ် ၁၈ စီးပါ ယာဉ်တန်းတို့ကို ဖေဖော်ဝါရီ ၂၃ ရက်က ဒေသခံကာကွယ်
ရေးတပ်ဖွဲ့နှစ်ဖွဲ့ကနှစ်​နေရာတွင်မိုင်းဆွဲတိုက်ခိုက်ခဲ့ရာအများအပြား​သေဆုံးဒဏ်ရာရရှိခဲ့​ကြောင်းPDF(Zoland)ကထုတ်ပြန်ထားသည်။

ကလေးမြို့နှင့် ချင်းပြည်မြောက်ပိုင်းကြားရှိ တီးတိန်မြို့နယ် ဇောင်ကောင်ရွာအနီးတွင် ခြေလျက်တက်လာသည့် အကြမ်းဖက်စစ်ကောင်စီတပ်ကို ဒေသခံကာကွယ်ရေးတပ်နှစ်ခုဖြစ်သည့် PDF (Zoland)နှင့် CDM (စီးယင်း)တို့က ယမန့်နေ မနက် ၁၁နာရီခန့်က မိုင်းခွဲတိုက်ခိုက်ခဲ့ရာ အများအပြား​သေဆုံးခဲ့​ကြောင်းထုတ်ပြန်ချက်တွင်​ဖော်ပြထားသည်။

ထိုအပြင် ညနေ ၄နာရီကျော်တွင်လည်း ချင်းတောင်သို့တက်လာသည့် ကား ၁၈ စီးပါစစ်​ကောင်စီယာဉ်တန်းကိုလည်း ​ဒေသခံကာကွယ်​ရေးတပ်ဖွဲ့နှစ်ဖွဲ့က မိုင်းဆွဲတိုက်ခိုက်ခဲ့ရာ ဒဏ်ရာရသူများရှိခဲ့​ကြောင်းပါရှိသည်။

ဖေဖော်ဝါရီ ၁၅ ရက်က လည်း ချင်းပြည်မြောက်ပိုင်း ဖလမ်းမြို့ဘက်မှ တီးတိန်မြို့ကို ဦးတည်လာသည့် မော်တော်ယာဉ် ၂၃ စီးပါသည့် အကြမ်းဖက်စစ်ကောင်စီ ယာဉ်တန်းကို မိုင်းခွဲတိုက်ခိုက်ရာတွင် အကြမ်းဖက်စစ်ကောင်စီတပ်သာ ၁၀ ဦးသေဆုံးခဲ့သည်ဟု PDF Zoland နှင့် CDM (စီးယင်း) တို့ကထုတ်ပြန်ထားသည်။

Public Service Announcement