မကွေးတိုင်း၊ ပခုက္ကူမြို့တွင် မီတာခများအတင်းအကျပ်ကောက်ခံနေသည့် မြို့နယ်လျှပ်စစ်ရုံးအား လက်ပစ်ဗုံးဖြင့် သတိပေးပစ်ခတ်ခဲ့ကြောင်း Defense Team Pakokku
က သတင်းထုတ်ပြန်သည်။
ယခင်နှစ် မတ်လ(၃)ရက်နေ့တွင်ငြိမ်းချမ်းစွာဆန္ဒပြ နေစဉ် အကြမ်းဖက်စစ်တပ်၏ လက်ချက်ဖြင့် ကျဆုံးခဲ့သော ကဗျာဆရာကေဇ၀င်းအား အောက်မေ့သောအားဖြင့်ပြုလုပ်သော “ကေဇ၀င်းစစ်ဆင်ရေး” ပထမအဆင့်အနေဖြင့် PPDFမြို့ပြတိုက်ခိုက်ရေးအဖွဲ့ Defense Team Pakokku မှ ရဲဘော်များသည် စစ်ကောင်စီ ထောက်တိုင်ဌာန တစ်ခုဖြစ်သော ပခုက္ကူမြို့နယ်လျှပ်စစ်ရုံးအား ယမန်နေ့ဘယ ညနေ၆: နာရီ ခွဲခန့်က ဗုံးခွဲတိုက်ခိုက်ခဲ့ခြင်းဖြစ်ကြောင်း Defense Team Pakokkuက အသိပေးသည်။
Non-CDM လျှပ်စစ်၀န်ထမ်းများသည် လျှပ်စစ်မီတာခများမြို့တွင်း၌ လိုက်လံကောက်ခံလျက်ရှိသည်ကို စိစစ် ကြားသိရသဖြင့် ယခု “ကေဇ၀င်းစစ်ဆင်ရေး ပထမအဆင့်” အဖြစ် ဒုတိယအကြိမ် သတိပေးတိုက်ခိုက်ခဲ့ခြင်းဖြစ်ကြောင်း၊ ဆက်လက်၍ဆောင်ရွက်မည်ဆိုပါက PPDFအနေဖြင့်မည်သည့်ပုဂ္ဂိုလ်၊ အဖွဲ့အစည်း၏ မျက်နှာကိုမျှ ထောက် ထား နေမည် မဟုတ်ဘဲ ပြတ်သားစွာဆောင်ရွက်သွားမည်ဖြစ်ကြောင်း Defense Team Pakokkuကသတိပေးသည်။
“EPCကိုခြောက်လှန့်ရခြင်းကတော့ မီတာခစာရွက်များလိုက်လံဝေပြီး မီတာခတွေတိုးကောက်ခံခြင်းကိုရပ်တန့်စေလိုခြင်းဖြစ်ပါတယ်။ ယခုချိန်အထိပြည်သူဟူ၍ သက်မှတ်ထားသောကြောင့် ရုံးဆင်းချိန် လူမရှိတဲ့အချိန်လောက်ကို ရွေးပြီး Missionကိုဆွဲခဲ့ရခြင်းဖြစ်ပါတယ်။ လက်နက်မရှိသူကိုနိုင်ထက်စီးနင်းမပြုလိုခြင်းကြောင့်ဖြစ်ပါတယ်။ ပြည်သူတွေကိုတော့ တခုခုဆို ကျတော်တို့UGအဖွဲ့ များကိုလာပြောပေးပါ။ ပြည်သူနဲ့အတူတစ်သားတည်းရှိနေပါတယ်လို့။ စခ/ရခနဲ့ပတ်သက်ပြီး ရေငုံ နူတ်ပိတ်နေခြင်းက သူတို့ကိုထောက်ခံနေတာနဲ့တူတူပါပဲ။”ဟု Defense Team Pakokku အဖွဲ့ တာဝန်ရှိသူက လူထုနွေဦးသတင်းဌာနသို့ ပြောသည်။
Public Service Announcement
ယမန်နှစ်ကငြိမ်းချမ်းစွာကျဆုံးခဲ့ကြသော ကဗျာဆရာကေဇ၀င်းနှင့်တကွ အခြားသော တော်လှန်ရေး ရဲဘော်များ အားလုံးအား အစဉ်တစိုက် လေးစားအောက်မေ့လျက်ရှိပါကြောင်း Defense Team Pakokkuက အသိပေးသည်။
ယမန်နေ့ ည၈နာရီခွဲခန့်ကလည်း ပခုက္ကူမြို့မရဲစခန်းနှင့် ဘုရားကြီးလမ်းဆုံ မီးသတ်ရုံအနီးတစ်ဝိုက် အပြန်အလှန် ပစ်ခတ်မှုတစ်ချို့ဖြစ်ပေါ်ခဲ့ပြီး အကြောင်းစုံကိုမသိရသေးကြောင်း ပခုက္ကူ ဒေသခံတစ်ဦးက ပြောသည်။
