က​လေးမြို့​တောင်ပိုင်းတိုက်ပွဲဖြစ် စစ်​ကောင်စီတပ် ၇ ဦးခန့်​သေ

ကလေးမြို့တောင်ပိုင်း၊အောင်ချမ်းသာကျေးရွာအနီးတွင် မယနေ့နေလယ် ၁၂နာရီခွဲခန့်တွင် အကြမ်းဖက်စစ်ကောင်စီတပ်နှင့် ဒေသခံကာကွယ်ရေးတပ်များကြား တိုက်ပွဲဖြစ်ပွားပြီး အကြမ်းဖက်စစ်ကောင်စီ ၇ ဦးခန့်သေဆုံးသည်ဟု ဖလမ်းအခြေစိုက် ချင်းအမျိုးသားအဖွဲ့ချုပ်(CNO)က ထုတ်ပြန်သည်။

တိုက်ပွဲသည် တစ်နာရီခန့်ကြာမြင့်ပြီး PDF(ကလေး) နှင့်ဖလမ်းအခြေစိုက် ချင်းပြည်ကာကွယ်ရေးတပ် -CNDFတို့က ပူးပေါင်းတိုက်ခိုက်ခဲ့ခြင်းဖြစ်သည်။ ဒေသခံကာကွယ်ရေးတပ်များဘက် အထိအခိုက်မရှိဘဲ ပြန်လည်ဆုတ်ခွာနိုင်သည်ဟုလည်း ထုတ်ပြန်ထားသည်။

ညနေ ၅နာရီပိုင်းတွင်လည်း ကလေးမြို့တောင်ပိုင်းတွင် အပြန်အလှန်ပစ်ခတ်သံများကြားနေရသေးသည်ဟု ကလေးမြို့ခံတစ်ဦးကပြောသည်။

“ညောင်ပင်သာ ဈေးနားမှာ ညနေပိုင်းမှာ ပစ်နေကြတယ်။ မနက်အစောကြီးတုန်းက တိုက်ပွဲဖြစ်သေးတယ်”ဟုဒေသခံတစ်ဦးကပြောသည်။ ထို​ကြောင့် ​ညောင်ပင်သာ​ဈေးအနီးမလာကြရန် ပြည်သူများအချင်းချင်းသတိ​ပေး​နေကြသည်။

Public Service Announcement

ကလေးမြို့တောင်ပိုင်း အကြမ်းဖက်စစ်ကောင်စီတပ်က ဖေဖော်ဝါ၁၄ ရက်နေ့ကတည်းက အင်အား ၃၀၀ခန့် ဖြင့် ထိုးစစ်ဆင်နေခြင်းဖြစ်သည်။ ထိုအချိန်မှစ၍ အကြမ်းဖက်စစ်ကောင်စီတပ် လမ်းတလျောက်ရှိ ကျေးရွာများကို မီးရှို့ဖျက်ဆီးခဲ့ပြီး နတ်ချောင်းကျေးရွာကိုလည်း ရွာလုံးကျွတ်နီးပါးမီးရှို့ ဖျက်ဆီးခဲ့သည်။