'/%3E%3C/svg%3E){kind=small}
တနင်္သာရီတိုင်း၊ ဘုတ်ပြင်းမှ မြိတ်မြို့သို့ မောင်းနှင်လာသည့် အကြမ်းဖက်စစ်ကောင်စီတပ်၏ ယာဉ်သုံးစီးကို မိုင်းခွဲတိုက်ခိုက်ခဲ့ကြောင်း တနင်္သာရီမြို့နယ်အခြေစိုက်၊ တနင်္သာရီရိုးမပြည်သူ့ ကာကွယ်ရေးတပ်ဖွဲ့က သတင်းထုတ်ပြန်သည်။
တနင်္သာရီမြို့နယ် မော်တုန်း ကျေးရွာအုပ်စု၊ ကဒဲလိပ်ကျေးရွာအုပ်စုတွင် ယမန့်ညနေ ၄နာရီခန့်တွင် မိုင်းဆွဲတိုက်ခိုက်ခဲ့ခြင်းဖြစ်သည်ဟု ထုတ်ပြန်ချက်တွင်ဖော်ပြထားသည်။
“ ဖြစ်စဉ်က ဘုတ်ပြင်းမှ လူကြီးလမ်းကြောင်း လုံခြုံရေးပေးပြီး မြိတ်ကိုပြန်လာ တဲ့ ကားတန်း ကို မိုင်းဆွဲခဲ့တာဖြစ်ပါတယ်”ဟု တနင်္သာရီရိုးမပြည်သူ့ ကာကွယ်ရေးတပ်ဖွဲ့၊ ပြန်ကြားရေးတာဝန်ခံက ပြောသည်။
မိုင်းခွဲတိုက်မူသည် တနင်္သာရီရိုးမအတွက် ပထမဦးဆုံးအကြိမ်ဖြစ်ပြီး မိုင်းခွဲမူကြောင့် အကြမ်းဖက်စစ်တပ်ဘက်မှ ထိခိုက်မူများရှိသည်ဟု ၎င်းကဆိုသည်။
Public Service Announcement
“အရေအတွက်ကျတော့ အတည်ပြုဖို့ကြိုးစားနေပါတယ်” ဟု ပြန်ကြားရေးတာဝန်ခံကဆိုသည်။
ထိုတိုက်ခိုက်မူတွင် ပြည်သူ့ကာကွယ်ရေးတပ်ဖွဲ့ဘက်က အထိအခိုက်မရှိဘဲ ပြန်လည်ဆုတ်ခွာလာနိုင်သည်ဟု ဆိုသည်
