'/%3E%3C/svg%3E){kind=small}
စစ်ကိုင်းတိုင်း မင်းကင်းမြို့နယ်၊ တောင်တွင်းဒေသတွင် အကြမ်းဖက်စစ်ကောင်စီတပ် နှင့်ပျူစောထီးများပူးပေါင်းအဖွဲ့နှင့် သုံးနာရီကျော်ကြာ တိုက်ပွဲဖြစ်ပွားပြီး စစ်ကောင်စီဘက်မှ ထိခိုက်သေဆုံးမှုများရှိနိုင်ကြောင်း တောင်တွင်းဒေသပြည်သူ့ကာကွယ်ရေးအဖွဲ့(မင်းကင်း) က ထုတ်ပြန်သည်။
ယမန်နေ့(မတ်လ ၂၆ ရက်)က မင်းကင်းမြို့နယ် တောင်တွင်းဒေသ ကျော်ရွာကျေးရွာတွင် နံနက်၆နာရီအချိန်မှစ၍ နံနက်၉နာရီခွဲအချိန်ထိ သုံးနာရီခွဲကြာ တိုက်ပွဲဖြစ်ပွားခဲ့ကြောင်း၊ တိုက်ပွဲကာလအတွင်း မဟာမိတ်တပ်ပေါင်းစုများ ဘက်မှ ထိခိုက်ကျဆုံးမှုမရှိဘဲ အကြမ်းဖက်စစ်ကောင်စီဘက်မှ ၇ဦးခန့်ကျဆုံးနိုင်ပြီး စနိုက်ပါကျည်ထိ၍ ငါးဦးခန့် ထိခိုက်ဒဏ်ရာ ရရှိနိုင်ကြောင်း တောင်တွင်းဒေသပြည်သူ့ကာကွယ်ရေးအဖွဲ့(မင်းကင်း)က သတင်းထုတ်ပြန်သည်။
“စခနဲ့ ပျူတွေ ပူးပေါင်းထားတဲ့အဖွဲ့နဲ့ တိုက်ပွဲဖြစ်တာပါ။”ဟု တောင်တွင်းဒေသပြည်သူ့ ကာကွယ်ရေးအဖွဲ့(မင်းကင်း)မှ တာဝန်ရှိသူက ပြောသည်။
ယခုရက်ပိုင်းအတွင်း တောင်တွင်းကလေးဝ လမ်းပိုင်းကိုလည်း အသွားအလာမပြုကြဖို့ ထပ်မံအသိပေးကြောင်း၊ အချိန်မရွေး နေရာမရွေး တိုက်ပွဲများ ဖြစ်ပွားနိုင်သည့်အတွက် မိဘပြည်သူများအားလုံးကို ထပ်မံ၍ အသိပေးအကြောင်းကြားရခြင်းဖြစ်ကြောင်း ထုတ်ပြန်ထားသည်။
Public Service Announcement
မတ်လ ၂၃ရက် နံနက် ၅နာရီခွဲခန့်ကလည်း အဆိုပါ ကျော်ရွာတွင် ပျူစောထီးသင်တန်း ပေးနေ၍ မဟာမိတ်တပ်ဖွဲ့များပူးပေါင်းပြီး သွားရောက်တိုက်ခိုက်ခဲ့ရာ အကြမ်းဖက်စစ်သားရှစ် ဦးထက်မနည်းသေဆုံးနိုင်ပြီး PDF တပ်ဖွဲ့ဝင်နှစ်ဦးကျဆုံးခဲ့သည်။
